Search
曾經有朋友同我講，佢喺信和行CD舖竟然見到呢隻我第一首派台歌《角落》嘅派台碟，賣$10。係仲賣得貴過亞洲天王小豬羅志祥隻CD。即係我一隻歌就已經勁過佢幾首歌，我夫復何求呀，此生無憾呀！😂😎🤩
#其實話仲有貴過一位巨星嘅CD但唔記得咗係邊個
#隻派台碟係非賣品嚟 #點解會出現喺信和賣
#屋企仲有幾隻邊個要XD #一樣賣十蚊 #角落 #cd #song #music #黎俊彥 #ikerlai #翻身新人 #hksinger #hkartist #singer #artist #胖子都是潛力股 #hkboy #boy #hk #hkig #instagood #instamood #instapic #instacool #instalike #picoftheday #follow4follow #like4like
【背水一戰，呢場仗，許勝不許敗?】
我從來不是運動領袖，也不是政治明星，宏遠的答案我沒有，只是不知有幸還是不幸，在此時此刻，要為香港人爭一口氣。
「可以卑微如塵土，不可屈曲似蛆蟲」，今次嘅選舉，係法治同人治嘅對決，係民主同威權嘅對決，係真誠同謊言嘅對決。
我係區諾軒，我向全港市民發出一個邀請，3.11，用選票展示香港人嘅尊嚴。
#香港人心不死 #votethe1
__________________
多謝剛才有好多位朋友、前輩上嚟發言，回顧左我過去十年政治路上面嘅點點滴滴。
或者到今日，都仲有人會以為，區諾軒入到閘，民主派係港島就可以大安旨意。但事實係，對手半年前已經開始選舉工程，幾個月前係隧道口賣廣告，幾個月前將海報貼滿老人院，我只有個半月進行選舉工程，呢場絕對係一場硬仗。
諗返兩個月之前，我真係無諗過要踏上呢個台板，以候選人身份同大家見面。正因為政府無理DQ左6名民選議員，包括香港島嘅羅冠聰，後來再阻撓周庭參選，使盡橫手搶議席，先令我要臨危授命代表民主派披甲上陣。我要首先係度多謝各位支持我、幫我地助選既朋友！
今次嘅選舉，好多人都覺得選舉氣氛麻麻。有傳媒連選舉論壇都唔搞，到今日，我地仍然無科學嘅民調數字。但係大家問心，歸根究底，係因為對政治局勢充滿無力，大家搵唔到香港前路點走，以致我地逃避，唔想面對。
唔知道大家身邊有無朋友係咁，我有好多同學2014年，佢就係金鐘個邊紮營，甚至龍和道個晚，就係我隔離條路食警棍。但係雨傘運動過去左，有人專心做生意、有人走左去幫公司上市、有人專心做公務員、做老師，佢地話，一見到政治新聞，就想熄電視；見到立法會包圍主席台，寧願望番手機覆whatsapp；佢地會黎添馬公園，不過係為左捉精靈，參加英國文化節，睇藝術品，多過黎遊行。有錢，有時間，寧願去旅行透下氣。
你問我做民陣召集人個年係咩感想，就係每次遊行都深深感受到，呢種無力，呢種迷惘，已經變成每一個參與雨傘嘅人，甚至係每一個香港人嘅共同經驗。我真係好想同問在場既傳媒朋友，點解成日要訪問梁愛詩、范徐麗泰、饒戈平，佢地次次出黎電視，日日都踐踏香港人既尊嚴。范太話，若果覺得大陸破壞一國兩制，請香港人移民去台灣；饒戈平話，23條立法沒有討論餘地。佢地代唔代表到香港人呀？
大家將心比己，我好明白大家嘅感受。喺香港生活，本來就係一件好壓抑嘅事，有人會話，咁樣叫做休養生息，有人會鬧唔繼續參與就係港豬，背叛左雨傘運動。但係坦白講，一個充滿無力感，好似無方向嘅政治氣氛，覺得攰，想休息，其實並唔係啲咩可恥嘅事。
但係你問我，係咪代表香港人已經死心，我會話唔係，我仍然對香港人充滿信心。每次遊行，我仍然見番好多雨傘運動既臉孔，佢地未必次次出現，但係敘會之間，仍然感受到佢地對香港著緊；今次選舉，你，同你同你，我認識既、唔認識既，都真切地體會到你地既支持。
我地香港人，即使喺無力，壓抑，仍然會抵抗不公義，捍衛自己嘅價值。大家睇睇林榮基；大律師公會；海麗邨既工友；去到最近九巴工潮，車長話：「我第一個企出嚟，第一個係罰我先……每一樣嘢都係要犧牲。」我想大家比Ｄ掌聲佢地。
佢地嘅出現話俾我哋聽，我地點燈，就有光。我哋未必即刻見到明確嘅方向，但我哋緊守崗位同專業，我哋一定會走出呢種無力嘅狀態，為香港嘅民主運動，為我哋嘅社會公義，揾到新嘅出路同希望。我地點燈，就有光。呢個亦係點解，我係今次選舉強調，重建民主運動組織力量，係我當選後既重要方向。
有好多人問，點解我揀喺呢度開我嘅造勢大會，原因好簡單，十年前既依一度，就正正係皇后碼頭抗爭既發源地，而皇后碼頭抗爭就係我既政治啟蒙。
經歷專權政府既發展，依度雖然被拆卸，但無論係天星皇后，定係雨傘運動，呢度都象徵緊有一班勇敢嘅香港人，願意為我哋嘅城市獻身，抵抗警察嘅暴力。
我相信，我對呢度嘅意義係唔會輕易改變，有人恪守自己既專業，係法律界、金融界、學術界，頂住人濫權；有人參選法團，頂住利益集團。我地每一個人堅持既陣地，就係香港精神！
今日集會，叫做黑夜點燈，香港人心不死。即使我哋因為睇唔到出路而覺得無力，我哋並無選擇放棄香港。面對黑夜，爭一口氣，點一盞燈，我哋依然會默默守護彼此，去點亮包圍我哋嘅黑暗。
依家嘅北京，依家嘅政府，依家嘅權貴，就係想抹殺我哋城市嘅希望。佢哋要將一代人嘅政治權利搶走，要將抗爭者收入監牢。佢哋嘅目的，就係要香港人死左呢條心佢。我問大家一次，大家會唔會因為咁而死心呀？
今次選舉，我將自己既所有既未來都押上黎，因為我對香港市民有信心，「原本我唔需要選，所以我更加要贏。」慢必話：「原本你唔需要投票，所以311，大家更加要出來投票！」
今次選舉，我地背水一戰，呢場仗，許勝不許敗。政府要我哋死心，我地唔單止要贏，更加要用最強大民意，話番比政權聽，DQ周庭，係錯嘅！DQ羅冠聰，係錯嘅！DQ候選人，無論係本土派定係自決派，都係違反國際公約！
「可以卑微如塵土，不可屈曲似蛆蟲」今次嘅選舉，係法治同人治嘅對決，係民主同威權嘅對決，係真誠同謊言嘅對決。我係區諾軒，我而家向全港市民發出一個邀請，有請各位一齊同我一齊，係未來呢個星期邀請身邊既人投票，311，齊投票，守護制度公義，民主派四席全贏，多謝各位！
蜘蛛俠強勢回歸/蜘蛛人返校日: 預告分析+彩蛋發現
想和我一樣30天升10000訂閱：http://goo.gl/zNT6Ck
Spider-Man Home Coming
港譯:：蜘蛛俠強勢回歸
台譯：蜘蛛人返校日
預告分析+彩蛋發現
我最鐘意的蜘蛛俠/蜘蛛人終於回歸Marvel！這件事是何解呢？因為Marvel之前將蜘蛛俠的電影拍攝版權賣咗比Sony，所以以前的蜘蛛俠/蜘蛛人三部曲同Andrew Garfield做的蜘蛛俠/蜘蛛人電影都是Sony出的，因為第二集決戰電魔的口啤不是太好，所以Sony取消之後所有續集終於同Marvel合作返比蜘蛛俠/蜘蛛人回歸Marvel電影宇宙！我 等 咗 這 刻 好 耐 好 耐 喇！因為蜘蛛俠是我最鐘意的超級英雄，而我又好鐘意睇英雄電影，所以我極想他可以加入返Avengers重返Marvel! 而Spider-Man Home Coming 蜘蛛人返校日 相信會是一套Spider-Man為咗證明自己是一個獨當一面的英雄。我地一齊睇睇預告有咩線索比我地先！
蜘蛛人返校日 Spider-Man Home Coming 時間線將會發生在喺內戰之後，這這一幕可以看我們地見到Tony Stark右眼的的傷口跟同Civil War是是連戲的㗎。預告給了許多線索透露在電影中Spider-Man和Iron Man將會有很好多交流。Peter跟Tony在車廂的對話可以知道Peter想加入Avengers，但Tony就咁答他（播片）似乎是到耍緊Peter，之後還將Peter拒諸於門外， Tony之後有段對話 I know you want to save the world but you are not ready yet，我地可以從而得知Tony是不想Peter成為一個超級英雄。Peter喺房入面跟他的朋友說 I am sick of him treating me like a kid all the time，就是話Tony Stark成日當他細路仔咁，而他朋友就話but you are a kid 但你是細路，因為當時的Peter Parker真是一個16歲的細路，而這個會是其中一個原因Tony不想他索牽涉入太多在拯救世界呀做英雄呀這些事當中，可以因為Tony由年輕時父母過身後都要靠自己，到他成為Iron Man種種經歷都比較艱辛，所以我覺得這個是一個原因他不想16歲的Peter咁快要承受咁大的壓力，在心理角度他會希望Peter有一個比起他更愉快的童年。
之後Tony在復仇者聯盟設施裡面跟Peter說 Forget about the flying monster guy 叫他不好理識飛個隻怪物，有其他人會處理他。好明顯又是一個表現他都是當Peter是一個細路。Peter著緊的T-Shirt就是IronMan3 Pepper著的同一件，究竟暗示Peter同Tony有咩關是呢? 大家可以自由發揮。Tony所講的Flying monster就是今次由Michael Keaton飾演的反派Vulture，Michael由Batman Birdman再進化到Vulture，Vulture以前喺漫畫是「咁㗎（出圖），今次對翼是高科技嘢嚟㗎！這一套先進裝備可以使他擁有飛行能力，而且還有超越常人的速度、反應和力量。除咗Vulture之外也有其他反派出現。Shocker，在漫畫擁有一套裝置（vibro-shock units），可以雙手釋放強烈的能量。這個畫面看到兩個人試驗一些高科技武器，跟一開始看到的賊仔用的武器類近，不排除是漫畫的反派 Tinkerer 製造的外星武器給其他反派使用，Tinkerer是一名專門製造高科技武器的天才技師，已經證實會在電影中由Michael Chernus飾演，而Tinkerer為什麼能夠製造這些武器，可能是和英雄內戰或之前的劇情有關。當然大魔王就是Michael Keaton演的Vulture，因為他在預告很酷的說了一句（播片），因為Tony的否認和Peter自己很想成為Avengers的一份子，所以在預告中可以感覺到這個Spider-Man會不惜一切證明自己的能力，有幾個畫面會看到蜘蛛俠身處在非常嚴峻的情境，特別有兩個會見到他正穿著舊的蜘蛛服。一可能是他為了要證明自己而不穿Tony Stark給他的蜘蛛裝，二可能是回憶片段交代英雄內戰前的Sipder-Man，而戲中打鬥會發生在不同地方，包括可能是他第一次想證明自己的地方－華盛頓紀念碑（指）和 Peter Parker的住處Queens (皇后區)。戴面具的罪犯在漫畫中也出現過。
除了反派比以前的Spider-Man電影有所不同，今次的同伴也煥然一新。這位肥仔是Ned Leeds，但漫畫中的Ned Leeds是這樣的，而漫畫中有另一位角色和他很相似就是－Ganke Lee。在漫畫中他是另一位蜘蛛俠Miles Morales的朋友，同樣是喜歡Lego和知道這位蜘蛛俠的真正身分。這個部分有不少星戰彩蛋包括Ned Leeds弄掉的Death Star (死星) Lego、X-Wing Fighter個頭同埋ATAT個頂，得喇我知Star War同Marvel都是Disney㗎喇! 不過講開Spider-Man在內戰弄跌巨大化Ant-Man時都有提過這個ATAT。（片）這位女主角是Liz Allen，這個Liz Allen，喺漫畫是白人，拍戲變咗黑人，你問我點解要咁，因為要種族平等。隔離個塊Banner應該是寫著Homecoming。
Spider-Man Home Coming 蜘蛛人返校日最後其他彩蛋補充
Peter上課的時候Bruce Banner出現過，不知道在上什麼堂，但教的東西似乎跟Spider-Man的擺動方式好相似。
走廊的壁畫有Tony Stark的爸爸Howard Stark 和在美國隊長出現過的Dr. Erskine的樣子
今次的蜘蛛俠/蜘蛛人我相信會同以往出過的電影非常不同，Uncle Ben獲獲都死Peter不嬲都是在沒有師父要自力更生的情況下做英雄，而今次有Uncle Tony助陣，Cast已經為Spider-Man挽回不少口啤，搵Iron-Man同Spider-Man拍真是一個一舉兩得的做法，電影票房保證大賣，又滿足到所有想Spider-Man回歸Marvel的慾望，Tom Holland已經簽咗6部Spider-Man電影約，相信這幾年有排我地J。今次說到這，如果大家發現其他彩蛋記得留言討論，你的名字5000likes的助興片已經同步度左稿，仲有2萬慶祝片我不會走數一定會拍，多謝咁多位觀眾支持！我會繼續向十萬訂閱的目標進發！我們下次見！
蜘蛛人：返校日 預告分析
https://youtu.be/8Sbt9L5rY5A
[預告分析] 《蜘蛛人：返校日》
https://youtu.be/UM19H3CC5UE
蜘蛛人: 返校日 HD國際中文版正式電影預告
https://youtu.be/OdFgt5kH644
想留意更多我的動態，記得緊貼Ernest DoCRAZY
Ernest DoCRAZY社交平台：
Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/
六弄咖啡館影評: 解構主角情感 淚崩的原因 (必看)
想和我一樣30天升10000訂閱：http://goo.gl/zNT6Ck
六弄咖啡館影評：
睇六弄咖啡館係我人生第一次睇戲睇到淚崩，今次呢個影評，我用作為香港觀眾嘅角度去寫，同埋睇開我影評嘅人都知我中意用欣賞嘅角度去評論電影嘅可取之處。睇呢套戲之前我以為佢係一套同賣弄青春嘅愛情電影，點知原來係述說青春嘅背後，表現咗唔同嘅感情，令我完全投入到係主角嘅世界當中。六弄咖啡館係感情渲染上做得非常之好，電影用遞進嘅方式去建立主角同每個人嘅感情，令我嘅情緒醞釀到最後嘅爆點都能夠深切體會主角嘅感受，所以我認為呢套電影能夠 令觀眾投入係佢想表達嘅感情當中。
劇透影評：
六弄咖啡館呢個戲名如果你好似我咁無睇過本小說，其實唔會明白意思係點解。故事一開頭就以一位中年男人係呢間咖啡館中對一個陌生女人講一段關於遠距離戀愛嘅故事。第一個回憶片段就見到果個每日一弄嘅鐵罐，當時我就諗唔係講愛情架咩點解間咖啡館會起呢個名嘅，原來電影去到最後先開估，然而去到最後都無引用返小說嘅文字去解釋「六弄」嘅精髓：「六弄人生：人生，像走在一條小巷中，每一弄都可能是另一個出口，也可能是一條死胡同。生在一個與一般人不同的家庭中，是我人生的第一弄；愛上了妳，是我人生的第二弄；註定般的三百六十公里，是我人生的第三弄；失去了妳，是我人生的第四弄；母親的逝去，是我人生的第五弄；在這五弄裡，我看不見所謂的出口，出現在我面前的，盡是死胡同。該 是結束的時候了，該是說再見的時候了，再見，世界，是我人生的第六弄。」
我唔評論關於口音或者對白有D似書面語嘅問題，因為我被電影表達嘅感情所吸引住。一開始嘅校園生活我已經覺得對白同演員嘅配合非常好，令我有為主角緊張或者怕羞嘅情緒。去到中段當兩人分開嘅時候我完全感受到個關閔綠一心一意為心蕊付出而最後佢不被體諒個種情緒，至於點解心蕊好似咁不明不白就覺得關閔綠唔適合佢，我嘅見解係咁。心蕊講過佢討厭未知數，說穿了就係驚無安全感，而好多嘢佢需要好實在好確定先可以令佢有安全感。例如：當關閔綠唔確認會佢去去西雅圖嘅時候、當佢被打劫後佢覺得男朋友應該要知點做但反而關閔綠反問返佢嘅時候，呢D都係女仔覺得無安全感嘅地方。所以去到最後，係，佢話佢無怪關閔綠，不過無可否認佢已經覺得呢個男朋友比唔到安全感佢而選擇同佢分開。但其實講到尾都係因為心蕊唔夠愛對方而分開。一開頭中年阿智講過：距離從來都不是問題，最 重要的彼此的心意。關閔綠做到，因為佢夠愛李心蕊；李心蕊做唔到，因為佢唔夠愛關閔綠。去到最後，李心蕊自己都矛盾地說：只能說如果我們能夠一起成長，今天就會不一樣了。證明咗心蕊最後都覺得遠距離其實係一個問題，因為佢對關閔綠嘅「心意」並不夠。順帶一提，其實我好在意點解關閔綠一直都係呢個髮型。而我覺得電影就係用髮型嘅不同去表達心蕊認為閔綠長不大呢一點，同樣升左大學，心蕊開始改變髮型，而關閔綠一D都無變。
有D人覺得有好多地方交代不足，反而我覺得剛剛好。電影以倒敍法開頭，一開始就話比觀眾知遠距離戀愛係一件難事，所以到之後由關閔綠同李心蕊呢段關係去講出呢一點嘅劇情入面，我覺得已經交代足夠，因為我認為電影想表達嘅Key message係：類似的青春，不一樣的人生。呢件事。友情方面電影完全表現到關閔綠同阿智嘅感情有幾深，由打架、飛車去台北到出殯之後阿智想令閔綠發洩到出嚟個場戲，所有場面都建立得好好，＊＊比起《點五步》兩位兄弟嘅感情解立，六弄咖啡館會更勝一籌。而去到媽媽個部分，由一個嚴母到打完架之後表現出嘅母愛到佢就來過身呢幾幕我都覺得好足夠，有一幕媽咪打比閔綠叫佢weekend點都要返屋企，鏡頭影到枱面嘅藥暗示佢媽媽已經有病，而果個weekend佢去左搵女朋友隨 最後兩邊都失去了個種滋味一定非常難受。所以透過呢種遞進嘅感情建立手法，去到最後我淚崩了，原因係我代入了阿智對呢個兄弟濃厚嘅感情當中，電影嘅感情建立手法令我體會到個種難過。蔡心怡看似在劇情建立上幫助不大，但係表達電影嘅中心思想就絕對有幫助，就係營造一種對比感，尤其係最後知道阿智嘅老婆係佢嘅時候，呢種：類似的青春，不一樣的人生 嘅遺憾就更加湧到出嚟喇。
有一樣野幾值得反思同討論，就係完左片尾最後個幕，相信係心蕊最後改左隻貓個名叫小綠。如果小綠唔死，呢件事會否發生呢？從來無一種分別可以算是離別，死亡在人嘅心目中才是真正的離別，因為呢種再見係再也不能見。人往往就是如此，等到親人死後才懂珍惜，名人死後才懂欣賞，其實暗地裡鼓吹一種死亡心態，因為好似你死左，人地先識紀念你咁，所以而呢種心態好應該被扭轉，發生咩事都好，唔好輕生，因為人生仲有好多有價值嘅事等你好做，同埋記得珍惜眼前人。最後我想講喊同唔喊都唔代表電影嘅好與壞，正如有人睇完那些年會喊但我無一樣，＊每個人睇戲能唔能夠被煽動情感可以係因為個人的經歷同遭遇而影響，而每個人都有對於每件事都有屬於自己獨特嘅感覺，因為情感先係真正嘅未知數。多謝。。。
一套電影嘅開頭好緊頭，大家可以留意下每套電影喺出現戲名之前，通常都會係一段概括嘅簡介話比觀眾知呢套戲係講乜。
睇六弄咖啡館係我人生第一次睇戲睇到淚崩，喊係喊到我個人震，我要用力去冷靜自己嘅情緒。利申：我今年廿四歲，唔同經歷嘅人會有好唔同嘅感受。作為一個香港觀眾，同類型的台灣電影我近年只睇過《那些年》、《被偷走的那五年》、《等一個人咖啡》。所以我一入場就expect佢係一套賣弄青春的愛情電影，對唔住，我錯了。六弄咖啡館在感情的層次遞進上做得非常好，演員和對白都能感染我令我能夠投入主角的感情發展當中，故事的起承轉合將主角所有的感情線在轉和合中推到最高，所以令我在結局淚崩了。而電影在感情的描寫其實不只在愛情（一開始我誤會了），更包括友情和親情，所以我哭的點其實是絕對合理的。
倒敍法、首尾呼應
六弄咖啡館故事由一個倒敍法開始，在一位中年男人的回憶當中第一個畫面就是那個每天一弄代表著兩位主角的盒子，而電影去到最後才揭曉起六弄這個名的原因，當然就是紀念朋友的一間咖啡館。用一個首尾呼應來強調六弄咖啡館這個名的重要性。
想留意更多我的動態，記得緊貼Ernest DoCRAZY
Ernest DoCRAZY社交平台：
Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/
Related:
六弄咖啡館, At Café 6, 2016, 愛情電影, 臺灣, 藤井樹, 吳子雲, 董子健, 關閔綠, 李心蕊, 蕭柏智, 顏卓靈, 蔡心怡, 林柏宏, 歐陽妮妮, 宋伊人, 宋依人, 張少懷, 黃鐙輝, 黃子佼, 戴立忍, 張榕容, 孫燕姿, 半句再見,超粒方, 六弄咖啡館, 國片, 谷阿莫, 電影, 看完, 點評, 影評, 吐槽,
【六弄咖啡館At Cafe 6】孫燕姿《半句再見》
https://youtu.be/Oi2261-l7nY
超粒方《六弄咖啡館》讓我超出戲 | 電影點評
https://youtu.be/ycPrAO64DM4
《六弄咖啡館 At Café 6》無雷推薦 影評
https://youtu.be/3lPchwyrnBQ
