關於 點襯都咁得意 ，我們在網路上蒐集到這些相關的討論、資訊與評價

我兩個女好細個都
開始幫佢哋着
Pampers Ichiban拉拉褲
因為真係方便快捷好多
佢哋爬走嘅話
又可以快啲捉番佢哋着
出到街
又唔使下下要瞓喺度
換片衛生好多
呢款新出既可愛拉拉褲
仲有分藍/粉紅色
我囡囡就揀左粉紅色
有好多可愛圖案
唔知你地又鐘意邊隻色多D呢

#Pampers #Ichiban可愛拉拉褲 #日本進口 #點襯都咁得意 #成長階段發展好幫手

有一晚臨瞓之前海豚妹同我講👧🏻：「我好鍾意、好鍾意、好鍾意媽媽！」我融化咗啦💗 2歲海豚妹活潑又可愛🥰，仲越嚟越識表達自己諗法，可以同佢溝通嘅對話越來越多。

最近，海豚妹參加咗網上👶🏻#Pampers 可愛BB Fashion 大賽，如果鍾意佢呢個打扮請去投票支持我哋丫😘: https://pampershk.com/cutepants/result/18

Pampers 新推出左呢版日本進口Ichiban 可愛拉拉褲～除左好靚既粉紅色包裝之外，上面仲有🐱貓貓同小狗🐶圖案，#點襯都咁得意！今次Ichiban可愛拉拉褲係專為大BB設計嘅，所以有大碼同加大碼呢。由細到大🐬海豚妺都有着Pampers，呢版仲有 4倍勁強吸收力，質地透氣，乾爽唔會紅pat pat，加上2.5倍彈性腰圍，完美貼合BB身型，點樣郁都唔會移位滲流，👍🏻海豚妹都好鍾意著！

🔽🔽🔽🔽🔽🔽🔽🔽🔽🔽🔽
📸大家都一齊參加影底可愛嘅BB Fashion相，參加大賽有機會贏得一年：Pampers Ichiban 可愛拉拉褲!

❣️網上👶🏻 BB Fashion 大賽 日期： 2020年6月13日至26日
❣️參加辦法：
🔸以Facebook賬戶登入 Pampers 指定網頁
🔸上載一張BB穿著 Pampers Ichiban 可愛拉拉褲
🔸配襯其他服裝的相片到指定網頁
🔸詳細條款及細則請參閱活動網頁：https://bit.ly/37t5tba
🔸惠康都率先發售了 仲有 $45 現金券優惠： https://bit.ly/2AUM4DN

#DolphinB #DolphinBB Pampers 幫寶適 #pampers_hk #ichiban可愛拉拉褲 #點襯都咁得意 Tracy Cheng

❤️
Pampers 新推出既Ichiban可愛拉拉褲
一拎出來
Jovy話
嘩 cat

BB好識表達自己
好細個就say yes or no
好知自己鐘意唔鐘意
一見到呢隻新尿片
即刻拎住周圍行

Pampers
特別為大BB設計
推出大碼
加大碼
唔好以為我女好瘦
其實佢都著加大碼嫁喇
拉拉褲真係超級方便
出街換片 快靚正

粉藍色包裝既圖案係可愛車車
粉紅色包裝既就係貓貓圖案設計
可配襯 BB 唔同既潮流穿搭
點襯都咁得意

日本原裝進口
仲有4倍勁強吸收力
快速吸收唔怕回滲
而且2.5倍彈性腰圍
完美貼合每個BB既身型

最重要360度全方位透氣表層
BB 保持乾爽舒適唔侷促
唔怕patpat紅
媽媽最放心

Pampers仲有個可愛bb fashion大賽呀
快d將你地bb既靚相放上去呀
獎品豐富
詳情可以㩒入去睇下呀
https://bit.ly/37t5tba
惠康亦率先發售
仲有得拎 $45 現金券優惠添呀
https://bit.ly/2AUM4DN
#pampers_hk #ichiban可愛拉拉褲 #點襯都咁得意#hkbb#hkbbgirl#hkinfluencer #hkbeautyblogger #hkblogger

@pampers_hk

【財政預算案三讀發言】（14/05/2020）轉授權力與撥款令

2020-21年度財政預算案今日在立法會三讀，我在發言所指出的兩個問題──財政司司長轉授權力與撥款令──容許財爺自行批錢予政府部門、亦容許部門之間將公帑調來調去，立法會無法過問，無法反對。

除2020-21年度新批出的258億，警隊2019-20年度另外鬼祟拎到34億。

1. 除咗每年等財政預算案批錢，警隊仲有一啲陰濕招數，靜靜雞cap到公帑，立法會同一般市民都難以監察；

2. 根據《公共財政條例》第8(3)條，財政司司長可運用財委會轉授嘅權力，毋須經立法會審議或批准，即可批錢俾政府部門。2019-20財政年度，財政司司長運用轉授權力，總共批咗30億9千8百幾萬給警隊，其中有22億5千1百萬係警員OT津貼。根據資料，2019-20年度，警員OT津貼總額為25億2千萬；

3. 轉授權力亦可用嚟更改人事編制，2019-20年度，財政司司長運用轉授權力對警隊348個職位作出變更，相信大部份係無經立法會審議及批准嘅新職位；

4. 另外一個值得關注的撥款渠道，係部門之間嘅「撥款令」。根據《公共財政條例》第14(4)條，一個政府部門嘅管制人員，可以透過簽署撥款令，將部門預算轉俾另一個部門。一般而言，每一項撥款令嘅金額上限為1千萬，但一個政府部門每年可以簽幾多項撥款令並不設上限。即是話，簽十項1千萬的撥款令，夾埋就係1億，程序上係可行；

5. 2019-20年度，警隊通過撥款令機制，總共由其他部門暗中拎咗3億3千7百萬公帑。對比過去四年，足足增長3至4倍。保安局解釋，其他政府部門簽俾警隊嘅撥款令，用途多數係加強保安，例如購置大型水馬，以及請警察做政府建築物保安；

6. 我就想問，點解其他政府部門買水馬，要經過警隊採購咁得意嘅？正常嚟講，如果有一個產品，好多政府部門都需要用到，例如口罩，通常由物流署負責招標、採購。更耐人尋味嘅係，街上面可以明確見到，大型水馬上面用中英雙語標示「警察 POLICE」字樣。即是話，這些水馬明明係其他政府部門用自己部門的預算出資採購，但訂購返嚟嘅水馬，又明顯變成警隊管轄嘅財產。既然如此，點解當初警隊不獨資採購、反而要不同部門「籌旗」夾錢買呢？

7. 先唔好忖測有無人過河濕腳，但成個操作，猶如黑社會收保護費一樣。明明每年的預算案已經批咗好多公帑俾警隊，俾他們維持全港治安，但當政府建築物需要警隊保護嘅時候，警隊居然要其他部門另外交一筆錢買水馬。香港嘅公共財政，居然淪落到爛仔收陀地呢個地步；

8. 所以贊成通過財政預算案嘅保皇黨議員，其實都俾政府搵咗老襯。就算立法會唔批准財政預算案，財政司司長一樣可以毋須問准立法會，就幾廿億幾廿億咁直接簽俾警隊，人手編制加幾多都得。特區政府會唔會感謝保皇黨？北京會唔會感謝保皇黨？其實係唔會㗎。

車輪滾滾，輾過鬧市霓紅燈照在地上的繁華，晃動的小型客貨車車身印着「文記醬料」的字號，抓着軚盤一雙粗糙及滿佈不少傷痕雙手，或新或舊或星點或刀划，訴說着他的滄桑及經歷，雙手主人將屆七十，半個花白頭髮已禿光的老者。

車上時間顯示已將近午夜十二時，他仍踏着油門，在港九新界來回穿梭，為店鋪送醬去，他是文記的老闆文健佳，人稱文叔。

這樣的日子他幾乎天天如是，從早上六時到廠切料、炒醬、入樽、包裝到送貨，忙上十五六個小時，對一個69歲的老人來說，這不單靠拚勁，還得有過人的意志力。他比任何人都要活得用勁、活得狠辣，如鋼鐵般的硬撐，因這條命經歷的苦辣太多，就像他手中的各種醬料，鹹酸苦辣，五味紛沓，全都封存在他這生命的載體裏──
萬死一生，他的命在槍口下得以倖存過來，把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境，每能排除萬難，扭轉危局，揮戈返日。以煙火炙燒，煮出一鍋屬於他的百料鍋，不知情者追隨其醬，被一襲濃重奇香所吸引，然而他的故事更曲折跌宕，蕩氣迴腸……


駑鈍之材 刻苦自勵
清晨六時，空氣中仍透着一絲清冷，在灰濛濛的工業區，上班的人潮未現，街道顯得岑寂。在某工業大廈的五樓內，一股濃烈攻鼻的香味正隨着抽風扇的翻動竄出，油煙氣充斥着整個空間，辛辣味道攻得人淚光盈盈。這裏是一家製醬工場，斑駁的牆壁都燻得黑黝黝，油膩污濁，長年累月炮製醬料，這些黑膩油迹，每一道都是歷史痕迹。

機器聲隆隆，來自場內的一兩部機器，五六個人分散於內，矮小微胖的文叔；旁邊是他的妻子文太；紮馬尾的女生是文叔女兒May，遠處還有一兩個男女員工。就只幾口子經營着這裏，分工合作，忙忙碌碌。

「做咩咁早開工？我冇料！惟有將勤補拙，唔怕辛苦，勤力啲當撐自己！」文叔自謙地說。來自廣東寶安的文叔，做的辣椒醬是他祖傳家用配方，煮醬必用好材料。「材料來價都比較貴，我用白色小蝦米，有顏色嗰啲蝦米顏色係後加上去，冇蝦味。我用老甘草、肥身芝麻、細粒皺皮嗰種花生，最重要用呢隻辣椒乾叫『四川辣王』，香濃辣味強，用佢先至夠勁道！」


赴湯蹈辣 爐火純青
大量的四川辣王，連皮帶籽，與蒜頭一同磨碎。他做醬與人不同之處，是部分材料如芝麻、花生、小蝦米先以烘爐烘乾，烘得噴香才磨，香味突出。

炒醬前他大啖喝了整整一支水，走到一個足有半個人高的大桶前，桶底有火爐燒着猛火，煮着內裏的油。「煮油，油溫好重要。保持大火炸，但火又唔能夠太大，辣椒燒燶咗，成鑊油都變苦。」他等油沸起就將辣椒、蒜茸嘩啦嘩啦的倒進去，油一爆，辣味像原子彈般爆出來，攻鼻又刺眼，旁邊人們都立即退避三舍。「唔係人人頂得順㗎！我都要灌水降溫先炒到。」哪怕是煮了半輩子辣醬的老江湖，遇上奪魄勾魂的濃烈辣勁，還是難以招架，被攻得鼻水眼淚全套出來，可見這辣醬是如何橫行霸道。

辣椒也不能一下子全倒進去，這樣很難令油沸起，他逐少倒，不停令油保持沸點，炸到辣椒和蒜茸的水分全部出來。椒香撲鼻而出時，就加入磨碎的芝麻、花生、蝦米、甘草、八角、桂皮等，再放些蝦醬，一炒就炒足三小時，滾油把香與辣通通燒煉出來。旁人光是聞着都陷入狂打噴嚏的尷尬局面。

遍體鱗傷 渾然忘我
文叔依然面不改容，揮動着大鑊鏟不停的攪呀攪！火熊熊猛燒，火舌兇猛地把一鍋烈油煮得滋滋作響，油在滾動，燙熱的辣油小泡如噴泉般彈出，彈至他的手和身，登時紅了一個小點，燙痛難受過後！匯集成他身上手上無數的星點小疤痕──今天好了，明天又添新傷，這點小傷對他來說，已是家常便飯。

他把一門心思只放在煮辣油的節奏上，渾然忘我，直勾勾地盯着鍋裏辣醬的變化。「一定要慢慢嚟，用大火慢慢炒，一路炒要一路攪，等佢唔好黐底，又要留意顏色同氣味變化，見啲辣椒開始由紅變啡就叫得。」

這一下一下的攪動，對這副老骨頭是項考驗，心不老，可畢竟已屆古稀，他漸漸吃力，不得以交付夥計來攪，夥計倦了又換給他接力，如是者換來換去，兩人均汗流浹背。

一爐熊火，燒煉出這個性突出的辣椒醬。不加色素、不下防腐劑，一嗅，香辣味撲面而來。只舀小撮，舌尖傳來驚心動魄的辣，如果能忍受痛苦，後面便是美味了，蒜頭噴香，與芝麻、花生、蝦米、蝦醬等複雜的香味，直如一把無形的鈎，勾住了味蕾，讓人停不下來的上癮。

「我炒呢個醬四十幾年喇！起家都係靠佢架！」文叔感喟。這個醬，承載他窮與富，高山與低谷，與他糾纏半生。往事像空氣中的香辣味，在抽風扇的翻動中，一幕幕閃過……

死裏逃生 拚命地活
50年代，他在寶安出生於地主家庭，從小被定性為走資派、反革命分子等，背景成分不好，被冠上「地主仔」的惡名，他感到無比冤屈，「因父之名」成了被歧視欺侮的對象。

「我細個曾經俾人剝光豬，俾人吊住打。綁喺棵木瓜樹度示眾，人人經過見到，我覺得好醜怪。最慘係打完身上有傷口，就特登用木籤去拮，專揀我傷口痛處去拮，痛到……而家周時發夢都夢見番嗰種痛，痛到扎醒！」文叔猶有餘悸。

他17歲時，更因此被拉去勞改坐牢，判了十年徒刑，牢中遭受囚犯和獄吏的欺壓。他被困在這樣的環境裏，活得很絕望，只要一天在大陸，就看不見未來。「嗰陣身邊好多人同我講，喺鄉下死路一條，出香港仲會有條生路行。」

他不想坐這冤牢，就越獄逃了出來，打算偷渡來港。不料在邊境時被解放軍發現，飆疾追捕，十數隻狼狗被鬆綁亂跑而出，一下追人嗅、嗅草叢，甚至追車，偶而一犬吠影，百犬吠聲，聞者提心吊膽。解放軍聽見犬吠循他的方向去，拉了槍膛。「留喺度一定死！我走俾槍射又係死！但都有機會你射唔中，我仲有生天。」

他把心一橫，就在準備奔竄之際，解放軍已亂槍掃射，子彈嘭嘭嘭亂響，他以為難逃一死。突然有個女子在另一邊叫救命，分散了解放軍的注意力，他得以脫身。只向着看見的一點兒光，拚命地不顧一切逃到香港。「我條命本來係咁多！因為我有一個念頭──要生存落去，個天先加長我條命，到今時今日。」

他常告訴自己，這條命好不容易撿回來，只要有明天，他就拼盡全力活。

頑抗愛拼 遇強愈強
來到香港，他投靠在觀塘做街邊賣魚蛋小販的哥哥，炒這家傳辣醬，用來煮魚蛋。他跟哥哥看檔，有黑社會常在收「陀地」，他眼睜睜看着哥哥和自己捱更抵夜，又走鬼避警察才掙來點錢，黑社會天天搶去生計。終於，黑社會又來要錢，他忍無可忍，拿起牛雜鉸剪衝上前說：「一係你打死我，你打我唔死，一定係你死﹗」他發狠要插死那個黑社會，那人被他一兇腳軟，知道他強蠻如牛，惹不過，從此不敢再來取保護費。

其後他自立門戶，自己推木頭車在街邊賣魚蛋、豬皮，並改良辣醬，將芝麻、花生和小蝦米烘香，才磨碎與辣椒等炒，香味豐盈，自成一家。辣醬香味令他迅速火紅起來，未開檔已有大班客等候，開了檔就不停圍滿了客，魚蛋好賣得天天比人早賣清。

別檔眼紅他，就暗中報警。那年代，警察收黑錢是常事，有個警察特別針對他，一天拉了他四次。「嗰個差佬仲同我講，見我一次拉一次，如果再見到我喺觀塘開檔，就打斷我腳骨。」他怒不可遏，抓起那警察就打，他被告毆打軍裝警員，判了守行為。「嗰次我係留案底，但我都係嬴！至少班差佬以後見到我都唔敢再拉我！」文叔自傲地說。

廉政公署成立後，換了市政人員來拉他，他眼看經常走鬼不是辦法，剛好他存到錢，就立意上鋪。

飛黃騰達 傲睨一切
他開鋪賣老本行魚蛋，連帶他的辣椒醬，惹味誘人，人流如鯽，生意非常好，一個月賺二十萬。因此他陸陸續續開了九間店，這是他的黃金期，間間店都賺大錢，這時他身家暴漲至兩億，買下六七層樓。其中兩層，他用來接濟同鄉。

「我偷渡先可以生存到落嚟。而家到班鄉里偷渡嚟香港，我一定幫。冇地方住我免費畀層樓佢哋住，冇工返就喺我鋪頭做！」

他是過來人，有一顆赤子之心，其中一個同鄉免費一住就八年長，還有他見一些貧苦三餐不繼的，或乞兒等，都叫他們來鋪任吃而不收分文。

生意好，錢賺得容易，「我唔覺得搵錢有咩難度！」他漸漸對事物表現出鄙夷。曾經有個李錦記的夥計，到過他店吃東西，被其辣醬吸引，建議他不如開醬廠賺錢。「我睇唔起做醬，都搵唔到大錢。我同佢講送畀我都唔做！」

他有錢沒地方花，沒地方玩樂，心靈漸空虛，看見行家賭錢很得意，他亦陪着賭，賭股票、買黃金、鋤大d、賭十三張，從玩樂心態，到一步一步沉迷，終於陷了進去。「嗰時就算賭輸咗，啲錢聽日又再搵到番嚟，怕咩？」

97年前他去澳門，一晚輸過一千二百萬，回香港賣了五層樓填債。雖然爛船有三分釘，但他僅餘的資產，到金融風暴、沙士來時，鋪的生意一落千丈，九間店惟有相繼結業，差點連夥計的薪金也沒付清。他一下子跌入谷底，沒錢用，沒工作，連生計都成問題，他成了落難人，幾億身家一下子全被他敗光……

墮甑不顧 向前邁步
「冇晒錢，唔係死。如果係死，就真係乜都冇！我喺鬼門關走出嚟都試過，死唔去，我仲可以全力再做，由頭嚟過！」那時他50來歲，並沒因此而頹廢不振。

有個跟他相識的裝修公司老闆，明知他以前是億萬巨賈，在觀塘赫赫有名，特意請他做擔泥頭，然後到處跟人說文叔落難投靠，有意誇耀。「佢唔係睇低我，係睇得起我，我要多謝佢呀﹗嗰陣好多老細知我背景，冇人請我㗎！我多謝佢肯請我，畀機會我，我先可以翻身！」

他肩膀擔着扁擔，挑起兩筐黃泥，爬上八樓，來來回回，汗涔涔而奔跑。文太見況，忍不住兩淚滂沱。文叔安慰文太道︰「搞成咁係我爛賭，自己攞嚟嘅！大丈夫能屈能伸，冇所謂嘅！只要養到自己同頭家，咩工、咩苦都唔怕捱！」

他不計較別人的眼光，肯捱肯做，那老闆被感動，反而因此看得起他，願意借錢給他去做生意。

他懊悔當年太桀驁不恭，想起李錦記夥計提議他開廠做醬的事，他就拿着這點小本錢，開了醬廠。自己手做辣椒醬、魷魚醬、麵豉醬、xo醬、酸梅醬，共十種。

他認真做醬，腳踏實地，事事親力親為。親自到店鋪及食肆兜售，送醬給人試吃，又在各區開分銷攤位親自坐鎮推銷。逐步去建立，慢慢有了生意，客人又被他的辣椒醬味道吸引住了。如今他不敢怠慢，收到客戶來訂貨，都親自去送貨。他批發給許多雜貨鋪、小超市、分銷檔、酒樓食肆等，像食神韜哥的大榮華酒樓都來幫襯他，更有不少客直接上廠買醬，生意滔滔。

他靠醬由街邊起家，上鋪，結業、到開廠再做醬，起起落落，從谷底再爬起來，又屹立不倒。「起又好，跌又好，做人最緊要有一個念頭、一種態度──我唔會死嘅！」

這是他的人生感悟，心存信念，就可活出生命，是死？也生。

撰文：孟惠良
攝影：陳秉謙

文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰文記醬料設流動直銷攤位，詳情請留意香港文記醬料Facebook專頁（ http://bit.ly/2K691bc ）。