🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][ViuTV][歎息橋][EP07]
·
[讚]
點解走呀？因為迫得太緊呀，唔係變心喎，係我離開你哋咁啱又有個需要我嘅人出現。我阿媽成日想我結婚，聽到之後連洗手都唔使就可以食水果。女朋友話佢老豆擺得唔耐，所以盡快結囉，但我冇諗過係下個月咁快喎。交個燒酒店畀我做乜呀我唔想理，朋友話水煙好喎咁咪加水煙囉。
·
一路睇都明Ken嘅心情，兩個女人一個係阿媽一個就嚟喺老婆，兩個其實都好清楚自己乜都唔想做決定又乜都唔想做。Ken已經進步咗啦，開口同媽咪同Joyce講自己意見，但呢個男人淨係要你幫佢做啲佢想做嘅決定，將個責任由自己身上推走。你睇佢燒酒店由得佢火燭好似想燒咗佢一了百了就知道。
·
邊有啲咁嘅人呀？你望吓你屋企你office，有呀，好多呀，只係今次將佢重點咁放咗喺劇裡面，我終於可以大大聲話真係好想車把阿Ken（&呢類人）。但其實Ken媽同Joyce我都想煎把佢，個仔係點自己唔知咩？迫咗佢40年，要個仔連自己心中嗰套，明顯唔成功啦，仲繼續，抵打。Joyce又係癡線，交老豆個燒酒舖畀Ken，明知佢廢，自己又唔幫手。你心知肚明佢唔係Thomas佢只係個水泡咋，唔漏氣浸死你已經發揮咗功用，咁多要求，抵打。
·
喺呢個時候遇到個對自己有傾慕眼神嘅舊情人出現，Ken會翻撻都好合理。因為佢只係想有個人唔煩佢又可以照顧佢。
·
呢套真係現實殘酷劇嚟。Ken每次出現我都咬牙切齒。但其實又唔關得晒佢事，佢阿媽有份養成佢呢種性格。
·
好耐冇試過睇劇咁嬲一個人，但諗諗吓佢都有慘況。係正嘅。
·
[彈]
第一段上帝視覺係咪為咗畀觀眾搞清楚Catherine同Ryan嘅過往？暫時睇我覺得有啲多餘，呢啲嘢唔使咁坦白咁講畀觀眾知啦，個情節冇乜特別就由觀眾自己腦補好啲。搞亂咗個要觀眾自己picture嘅味道。
·
[演員表] 林保怡、陳健朗 飾 李子勇 Thomas / 周家怡、談善言 飾 方小薇 Sammy / 衛詩雅、楊偲泳 飾 何樂兒 Joyce / 陳奐仁、黃定謙 飾 胡啟源 Ken / 伍詠薇、唐寧 飾 梁淑媛 Catherine / 潘燦良、凌文龍 飾 鍾懷安 Ryan / 秦沛、艾威 飾 何永昌 / 陸駿光、黃溢濠 飾 黎銘南 / 劉皓嵐 飾 李小陸 / 岑珈其 飾 鍾家俊 Kevin / 黃文慧、邵美君 飾 Ken母 / 劉兆銘 飾 李文滔 / 易健兒 飾 嘉嘉 Milky
·
·
#1230隔夜超短劇評 #ViuTV #歎息橋 #林保怡 #周家怡 #陳奐仁 #伍詠薇 #潘燦良 #陸駿光 #談善言 #黃溢濠 #黃定謙 #衛詩雅 #陳健朗 #楊偲泳 #黃文慧 #邵美君 #唐寧 #秦沛 #劉晧嵐 #劉小華 #劉兆銘 #岑珈其 #凌文龍 #易健兒
黃溢濠女朋友 在 再說麥曦茵：曖昧是專一由數年前專欄散文 - Facebook 的必吃
2014年9月14日 — 談談你們的角色吧。 林：我自住，黃溢濠卻經常帶女仔來我家，我便「這個人幹嗎？我是鍾意他嗎？」我卻將所有對他的感覺，歸類成錯覺。 黃：我經常做出曖昧 ... ... <看更多>