Search
發完明星夢啦，係時候繼續我嘅北海道之旅。
阿媽成日都話，切開咗嘅西瓜唔好買，會有細菌㗎。
但係我相信北海道呢個切開咗嘅西瓜，應該買得過。密封包裝，五百幾円，方便攜帶，對於屋企人唔多而又想食西瓜嘅人來講，真係非常之窩心嘅設計。
坦白講，咁樣賣西瓜，我都係第一次見。所以話讀萬卷書不如行萬寶路！
#何嘉麗CallMeGaga #何嘉麗 #為食路上 #出街玩 #日本 #北海道 #西瓜 #我知讀萬卷書不如行萬里路呀嘛 #其實我一個人可以食半個西瓜呢個份量真係食到我到喉唔到肺 #謝主隆恩 #麻煩大家幫手分享因為冇俾錢Facebook佢唔會幫我廣傳
這次在京都吃了一件很美味的壽司，就是生牛肉壽司。可能當你見佢血淋淋嘅時候，會有啲驚嚇，但係食落去真係溫香肉軟，嗰種口感，久久不能忘懷！
講緊嘅係弘燒肉店。
呢間嘢好巴閉，第一晚去，去到佢話滿座，我哋話等，佢話要九點半！於是我訂第二晚嘅七點。去到之後都唔知叫乜嘢好，見佢個套餐都好似幾齊全同埋豐富於是就點一個套餐。
套餐包括唔同部位嘅牛肉、牛舌、牛心、牛胃。真係唔錯嘅無論係肉定係到最後嘅牛尾飯，都有水準。於是心諗再嚟多晚，淨係食牛肉而唔食其他內臟。於是又走去訂位，點知佢話full咗，於是我問幾點開啊我哋一開門就嚟，佢話由五點已經開始book滿喇！
係咁㗎啦，價錢唔算貴，食物又幾有水準嘅店舖，雖然佢都有幾間分店，但就係比較難訂㗎啦。
#何嘉麗callmeGaga #何嘉麗 #出街玩 #為食路上 #日本 #京都 #弘 #謝主隆恩 #麻煩大家幫手分享因為冇俾錢Facebook佢唔會幫我廣傳
錦市場，係去京都必到之地。話就話係個市場，其實係長長嘅一條街，不過左右兩邊佈滿左賣食物同埋生活用品嘅店舖。如果你未食飯，嚟呢條街就最啱啦，因為喺呢條街行完一輪，一定會飽到肚都脹埋，但係都仍然仲想食喎！
對我來講行錦市場就係類似我哋喺香港嘅掃街機會。雪糕唔可以唔食啦，串燒唔可以唔食啦、燒番薯唔可以唔食啦、刨冰唔可以唔食啦，仲有好多其他嘢唔可以唔食添。
另外仲有乾貨，同埋各式各樣嘅日本調味。我今晚嘅晚餐，就係手指尾咁細嘅銀魚乾，係我喺錦市場買俾媽媽。用糖同醋煮過之後，非常甘香甜美，真係幾條銀魚仔已經可以送一碗飯。
對我來講，呢條至係我嘅手信街。
#何嘉麗callmeGaga #何嘉麗 #出街玩 #為食路上 #日本 #京都 #錦市場 #謝主隆恩 #麻煩大家幫手分享因為冇俾錢Facebook佢唔會幫我廣傳
