[失焦的芒草群]
.
芒草群的確係靚,尤其是整個山頭都係芒草,難得Weekday有時間又約到朋友,於是今日終於可以一睹大東山風采,不過今日晨咁早就出發,所以Miss兩個景點,一個叫人山,一個叫人海。
.
有時都諗唔明,到底點解排哂長龍都要走上山,而且,由伯公坳落車行到上大東山頂,2公里多少少既路程要攀升500米以上(325-->869,有錯請指正),講易就一定唔易行,好就好在有哂石梯,不過行起上黎都係唔輕易。有時候真係佩服走黎打卡既人,又迫人,梯級又高,都仲有呢個毅力去行上去。
.
Anyway,我相信就算全香港所有行山Page叫大家唔好上大東,各大雜誌一報,都係照一堆人衝上去,所以,大家如果覺得我既Reminder係岩既話,請Share出去,就算阻止唔到上山既人流,都希望大家有返行山、攝影既基本禮儀:
.
1) 諗清楚先好行,唔係話你想打卡就會應付到個段路
.
2) 行山係需要裝備,無論你鐘意著小背心、著Bratop、甚至打大脊肋都好,行山鞋都係基本,可能大大減低受傷風險,除非你認為你相當有經驗,踢拖都可以輕鬆登頂--我祝願你真係可以平安落返黎
.
3) 我諗大家都知架喇,上到大東山可以打卡可以呃Like可以做大師, 不過唔好玩火,你懂的
.
4) 山頭真係好多芒草,不過唔代表你可以摘架麻,你咁多頭髮又唔見得閒掹兩條?講真,地下都有大把,冇既亦可以諗下其他構圖
.
5) 路已經夠多,唔需要踩爛哂在生既草去開路,紅隧日日塞車你都唔會挖多條路過對面海啦,係咪? 前人已經踩死唔少草去開好多影相位,我唔會高尚到唔踩草,但就算踩盡量踩舊路既草啦
.
6) 大東山落少少鳳凰徑往梅窩有一堆廢置營舍。相信不少朋友對香港既建築十分有信心,不過都唔洗企人地屋頂去做壓力測試既
.
7) 自己垃圾,自己帶走,垃圾桶無位,去下一個啦
.
再一次重申,大自然比左好多美好既風景大家,希望大家既焦點放返係天賜既美景之上,將Focus放係d煙花度,再靚既芒草,都變得失焦。
鳳凰徑 攀升 在 挑戰(自己)極限第二彈!鳳凰徑全走!... - MaxTang Photography 的必吃
2日1夜鳳凰徑全走 沒有錯,好明顯我係有自虐傾向 鳳凰徑全長共70km,攀升 ... 梅窩碼頭> 南山> 雙東坳> 大東爛頭營> 伯公坳> 南天門> 鳳凰山> 斬柴坳> 心經簡林> ... ... <看更多>
鳳凰徑 攀升 在 【四徑系列】鳳凰徑全走三日兩夜70公里鳳凰徑全走鳳凰徑9至 ... 的必吃
今次山人同一班朋友一齊行一條走營路線,就係 鳳凰徑 全走。如果大家最近有留意香港四徑挑戰(HK4TUC)活動,就一定唔陌生。 鳳凰徑 係位於香港大嶼山既一條 ... ... <看更多>