Search
聽講今日係七夕
但願每對因為疫情
而分隔兩地嘅新牛郎織女
可以盡快相會
響疫情之下
Long D仲慘過咩
牛郎織女至少一年都可以鵲橋相會一日
肺炎話咁快就嚟一年
都唔知仲要搞到幾時
玉皇大帝玩封關
冇健康碼話之你牛郞織女定嫦娥灶君
七月十四鬼門關都唔開畀你出入呀
所以都係果句
愛在瘟神蔓延時
頂住呀各位有情人
#七夕喎 #砌埋咪就係個死字囉 #作死 #就嚟七月十四 #希望快啲捱到見曙光 #連歌舞伎町啲牛郎都冇工開 #陰公豬
牌面：440磅病態肥胖(Morbid obesity)病人，有長期病患，食肉菌入血，敗血症，延遲去醫院時已多個器官受影響。
時序：1個鐘內睇完急症上到病房，並抽血，X 光，下藥，注射鹽水，安排電腦掃描，甚至可能更多冇報導嘅程序（抽血種菌，抽動脈血，找其他專科匯診等等)。4小時內不幸地急劇轉差至死亡。
大眾觀點：因為洗傷口被拒所以死？？？又係醫療失誤？？
家屬觀點: 『家屬帶病人送院均希望得到適合治療，然後平安出院，難以想像今天的香港，會有人到達醫院，但失救而死。』@_@!!!!!!
----------
好多時，病人同死神搏鬥，隻腳已經踏入鬼門關；醫護只可盡量將佢鬥嬴嘅機會提升。
我已經好攰，好迷茫，受夠呢種批鬥，受夠呢種將不幸怪責或投射落醫護人員身上。
地球好危險，唔好再去公立醫院。（如果呢個病人咁嘅牌面去私家，你估下會點？不便多講，心照。）
#RuheInFrieden
#又係麥美娟 #麥美娟你幾時嚟醫院開talk教醫病
http://hd.stheadline.com/news/realtime/hk/1301694/
《凶榜》中的命運悖論
—
睇完《凶榜》，
我只係拋低咗一個問題，
點解秦祥林去到最後都唔洗死？
—
每逢瞓唔著嘅時候，我都會開一部戲嚟睇。而鬼片算係我好少接觸嘅一個類型，因為我從來唔信，而就算信我都唔驚，做人光明磊落，驚乜？於是喺尋晚鬼門關大開之際，我喺凌晨時份揀咗一套號稱香港最恐怖嘅鬼片嚟睇 —《凶榜》。
—
有人話中國嘅鬼從來都唔恐怖，因為就算係鬼，佢哋嘅行為都好有邏輯，你做衰嘢就會有報應，其實只係將天理循環觀以鬼神嘅角度去完滿；而西方嘅鬼就唔同，冤靈索命可以唔講道理，係你就係你，而《凶榜》就係循後者嘅進路發展而成嘅一個故事。
—
《凶榜》嘅主角秦祥林喺陰時陰月陰日出世，所以被厲鬼纏身，而不幸嘅遭遇包括運氣超差，每份工都做唔長，身邊嘅看更同事香港先生、漢叔、小丁、肥仔等等個個陸續死於非命，令氣氛愈嚟愈恐怖，知其然而不知其所以然。
—
鬼神之說，換喺現實嘅角度去講，就係命運。人無得揀幾時出世，喺邊度出世，喺邊種家庭入面成長，但偏偏呢啲要素就對我哋嘅人生影響極大。例如決定咗你嘅身份，你經歷嘅時代，甚至你喺社會上嘅地位，係中產吖、草根吖定係上流人士，電影早段鄭則士對住塊鏡嘅自憐自傷，話自己成個官樣點解要做看更，就好點題。
—
而男看更秦祥林就係典型唔妥協喺命運嘅代表，面對惡運佢無放棄過自己，例如佢決定自力更生，唔靠外父嘅胸圍廠，自己走去做看更；面對紅衫鬼嘅威脅，佢聯同岳華呢個法師同靈界大鬥法，例如自己擺過啲傢俬，貼符等等，希望盡力擺脫既定嘅命運。
—
但就算電影入面一眾角色幾努力都好，都好似脫離唔到無以名狀嘅厄運，一如社會上低層嘅人士無辦法上流一樣。最明顯嘅一幕見到鄭則士呢個見義勇為嘅看更，明明已經辭咗職，但照樣要被燒死，臨死前佢仲講咗句：「又唔關我事，點解要揀我啊？」呢句說話唔單止同緊隻鬼講，其實背後控訴緊嘅，係更龐大命運巨輪嘅不可抗力。
—
入返正題，點解明明係秦祥林出事，死嘅會係佢身邊嘅人？最後講番原來惡鬼想投胎轉命，目標就係秦同佢老婆嘅骨肉結晶。但無所謂架，讀過BIO嘅人都會知道，男性喺生育入面嘅角色，只需要貢獻出自己嘅生理分泌已堪功德完滿，就算要唔死，都係佢老婆，搞事嘅秦祥林應該一早要死。
—
我帶住呢個咁CREEPY嘅問題瞓咗一覺，去到瞓醒果陣又好似突然諗到答案。故事入面話只要鬼嬰一出世，世界就會後患無窮，而秦祥林兩夫婦都會同佢班死鬼同事一樣變成邪靈。簡單嘅邏輯去講就係抗拒唔到就順從，一齊變成同一陣線。鬼嬰雖然法力無邊，但講到尾仍然係鬼嬰，化身成人仍然需要一定時間先會長大，而當中嘅時間其實仍然需要秦祥林去養育，需要男性呢個經濟支柱。
—
搞你原來係想掙乾你嘅精華，害你原來係想你幫佢，《凶榜》入面最大嘅悖論在於，隻鬼好安心投胎轉世，大抵係佢唔信秦祥林會對自己嘅骨肉施以毒手。電影嘅最後一幕，係秦祥林苦等喺家門背後多時，等老婆生完之後番屋企，再以一斧劈落自己個BB度告終。
—
面對抗逆命運終極嘅無力感，面對儼如強權，無孔不入嘅厲鬼，秦祥林走向自毀嘅道路，但其實佢都只係選擇咗犧牲自己，比緊世界一個重生嘅機會。
—
當你以為山重水複疑無路，被一陣又一陣慘綠嘅無力感包圍住嘅時候，原來轉過頭又可能係柳暗花明又一村，呢種精神對於2018年嘅香港，又有無咩啟示？
道家鬼節分3part，地下插香關地藏王事！(靈凶翻騰半夜講呢啲 D100)
道家鬼節分3part，地下插香關地藏王事！(靈凶翻騰半夜講呢啲 D100)
相關香港新聞:
瘦削的單親爸爸李芝融，推着嚴重智障的女兒彥汶向前走，廿年來如是。李芝融沒有強壯的身軀，卻支撐着身患天生隱性遺傳病彥汶的生活費，包括醫藥費，廿年也如是。
一笑融化父親的心
前妻早就拋棄家庭，雖有埋怨，但無阻李芝融照顧女兒。彥汶出世後身體狀況一直很差，更不懂表達自己。他憶述餵一餐奶女兒曾幾乎嘔了四分三出來，亦試過連續七日狂哭，令自己束手無策，「嗰陣真係有諗過唔要佢，但我一講佢就對住我笑。」就是這樣，使疲憊不堪的他有能量支持下去。
溝通成最大困難
與兒女溝通不是必然，李芝融有一段時間不知道女兒為何狂哭，是折磨，送院後連醫生也不知道彥汶身體出現甚麼毛病，是無奈，「當時唯一可以做就係不停將佢送院。」至2008年，愛女因胃出血入院，醫生才發現她有胃酸倒流及吞嚥障礙，身為爸爸最難受的就是一直不知道女兒痛苦的原因。
竭盡所能仍感內疚
病情一直只變差不好轉，女兒因為身體退化入院次數更見頻密，李芝融要負擔醫療費用，經濟曾出現困難，最誇張時一天只吃一餐，但他仍覺得自己對彥汶有所虧欠，「對比其他全職父母，我始終無辦法好貼心咁照顧佢，而且我的確有一段時間忽略咗佢，所以內疚感係清除唔到。」
由延續生命到放棄治療
一直以來用盡方法希望延續女兒的生命，直到有一次，李芝融的想法開始動搖，那次女兒半夜不適入院，「當值醫生話佢無事，但我有強烈感覺知道佢下腹有問題，只可以睇住佢不停叫，感覺好難受。」翌晨第二名醫生果然診斷出彥汶腹部有異樣，經搶救後雖逃過鬼門關，但自那次之後，李芝融就開始考慮簽署預設醫療指示，當彥汶病情去到不可逆轉時，就不再進行搶救，讓至愛結束痛苦的生命。
「我唔知道嗰次救返佢係為佢好，定係滿足我唔想佢咁快走嘅感覺。」由握緊到放手，雖然已有心理準備，但他坦言每次醫生問及預設醫療指示是否有效時，自己仍會感到難過，「我唔知道佢幾時走，但我希望我能力範圍內，可以畀佢嘅就盡量畀。」
他說女兒曾是自己的全部，「以前為咗照顧佢真係咩都可以放低，但佢隨時要離開我，如果我仲覺得佢係我全部嘅話，佢突然間走咗我會接受唔到打擊，要慢慢畀自己有適應期抽身。」
辭職陪伴愛女
女兒今年已經20歲，李芝融此時決定辭職，將她從宿舍帶回家全力照顧，「其實我喺佢身邊嘅時候，佢係好滿足，佢係好鍾意返屋企。」而對這位爸爸而言，日日都可以是父親節，「所謂父親節就係我同佢一齊生活，佢又開心我又開心咁樣，最好就係佢開開心心、健健康康生活，就係最好嘅父親節禮物。」
請大家用幾分鐘，收看今集《那天爸爸決定不再搶救妳》，在這共聚天倫的日子，看看這個有淚的父親故事。
-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb
