#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #高美尼陵墓 #精神領袖
《我是旅行嘉》- 一千零一夜之旅（11）高美尼陵墓
去到伊朗，點都要去參觀一下佢哋嘅精神領袖高美尼嘅陵墓。大家仍然記得，喺伊朗所有女性都要包頭巾，而對我哋遊客來講，要求相對係好低嘅。不過嚟到呢個陵墓，就真係唔講得笑！佢唔理你本身着成點，除非你好似當地人咁一件黑袍由頭笠到落腳，如果唔係全部都要着佢免費提供嘅罩袍。
佢提供嘅呢件袍，遠睇似窗簾布，着咗上去，我就覺得我自己似Q太郎，成隻卡通人物咁喺度飄來飄去！
男女係分唔同入口嘅，亦都要除鞋！入到去佢個陵墓，放眼開去盡是空間，真係大到不能，主要以銀同埋緣玻璃做裝飾。望落去光彩耀眼，極盡奢華！
呢個陵墓仍然係當地人參觀嘅重點，陵墓外面有非常之大嘅露營區，可想而知喺重要慶節嘅時候，嚟呢度敬禮嘅人一定絡繹不絕！
#正文社旅遊書 #我是旅行嘉 #波斯之旅 #伊朗 #一千零一夜之旅 #一千零一夜 #文明古國 #高美尼陵墓 #精神領袖
