好有當年 "Top Gear" 當年啲 challenge 嘅味道
［屯馬線 vs 85M 實測結果］
8 5 M 大 勝！！！！
頭先同2個助理喺鳳德商場一齊出發，分別利用屯馬線、85M 同 揸車 嘅方法，目的地去馬鞍山廣場旋轉木馬~
我：負責搭港鐵。嘟完2蚊特惠站，用咗7分鐘行到鑽石山站A出口，無需要等車就上咗屯馬線，車費 $11.5-$2=$9.5
助理C：負責搭85M。係鳳德商場上車，等咗2分鐘就有車，車費 $7.8
助理O：負責揸車，用最快道路前往 (泊車時間亦計算在內)
**最後發現：85M不論係時間同價錢都比港鐵優勝！**
85M取道直接快捷，只同自己揸車相差5分鐘，而且比港鐵（嘟特惠站後）平差唔多2蚊。而港鐵比85M要多10分鐘先到馬鞍山，相信同行落去鑽石山站嘅路程有關。另外，當我到達顯徑站嘅時候，助理C嘅85M，已經出咗大老山隧道，我相信若果同樣情況下乘搭82X前往小瀝源一帶，應該都係比較快捷。不過實測嘅時候道路非常順暢，無塞車，如果收工塞車時間要入沙田馬鞍山嘅話，相信巴士所需嘅時間會更加長，到時轉搭屯馬線比較著數~
至於前往大圍、沙田圍一帶，因為由鳳德出發都要行到龍翔道先有巴士，相信乘搭新嘅屯馬線係比較方便。
今次實測證明屯馬線開幕之後，85M/82X/84M 呢3條巴士線前往馬鞍山/小瀝源一帶仍然有競爭力！我會努力向運輸署爭取維持現有巴士班次🙌🏿
報告完畢🤡
馬鞍山廣場泊車 在 馬鞍山廣場停車場（入）Ma On Shan Plaza Car Park (In)4K 的必吃
一般收費私家車每小時星期一至五$17 星期六/日/公眾假期$22 日泊夜泊私家車日泊星期五$80 日泊星期六/日/公眾假期$105 由入閘起計算至同日午夜十二時 ... ... <看更多>