【相中人】（結局篇。上）
鬼故事，唔係每次都好似電影咁。
有隻鬼飛來飛去，因為生前被人害死，死後要勾魂索命。
呢種「報復」係電影中最常見，因為容易被理解。
相反，現實往往比起電影情節，更加曲折離奇。
阿公亦講過，電影入面經常出現「生前受到逼害，穿紅衣自殺，死後向兇手報仇」呢種情節，現實世界根本無可能發生。
點解呢？
大家近年喺網絡上應該見識過，當出現被非禮、被強姦、有意外發生嘅新聞報導時，大家總會喺下面留言，指責個受害者。
著咁性感出街，抵你被強姦啦。
無足夠經驗就行山，抵你跌死啦。
去咁危險嘅國家旅行，抵你被恐怖分子殺啦。
如果受害者被強姦，萬念俱灰穿紅衫自殺，呢堆留言嘅人，全部都係復仇對象。因為最大嘅傷害來源，就係來自呢班人。
美國心理學家梅爾文講過一個「公正世界理論」。
大家從小到大都被灌輸「好人有好報，惡人有惡報」呢種概念。但意外發生，受害者並非全部惡人，所以開始質疑一直持有嘅觀念，缺乏安全感，唯一解決方法就係抹黑受害者，令佢變得「罪有應得」。
影相舖老闆問阿公，係咪真係可以見返個女仔？
阿公話仲需要個女仔嘅全名、時辰八字、死亡日期。
老闆好快就講咗個女仔嘅全名同時辰八字，但佢唔知確實死亡日期。
「我盡力試試。」阿公。
阿公將一包裝滿米同銅錢嘅布袋，放入女仔件衫入面，以用作畀另一世界鬼差嘅路費。再用十條黑線將布袋同衣物縫埋一齊，十條線係代表三魂七魄，完整意思就係想鬼差幫忙召返個女仔嘅三魂七魄返嚟。
老闆望住阿公一直施法，佢亦同我哋講咗個女仔嘅故事。
個旗袍女仔，叫小倩。
小倩自細住喺墾丁，父母開縫製衣服嘅店舖，理所當然地舖頭係專門縫製傳統嘅旗袍。佢自細就有一個夢想，佢想做一個影星，見識吓外面嘅世界，唔想一世屈喺墾丁。
呢個故事嘅男主角，就係影相舖老闆。但佢並非繼承父業，佢父親只係一個普通送貨工人，老闆年輕時亦對攝影無興趣。
當佢認識小倩之後，佢先決定用儲落嚟嘅錢，買一部相機幫小倩影相，兩人漸漸產生感情，老闆亦對攝影產生興趣。
當年，好多人都想去大城市搵工或送個仔去讀書，而見工見學校都需要一幅正式嘅大頭照，周圍嘅街坊都搵老闆幫手影相，佢亦順利成章開咗一間影相舖。
但小倩就無咁好彩，即使佢擁有美貌同氣質，但始終出生於鄉下地區，無學識亦好難被發現。於是，老闆就幫佢影咗好多靚相，掛滿成間影相舖…
大家去影相都係想出城市搵工，可能佢哋會從事電影有關嘅工作，可能有需要搵女主角，可能會記得當年嘅影相舖，就有機會記起小倩。
一直過咗幾年，無街坊返嚟搵過小倩，小倩亦不斷試鏡失敗。而佢都決定面對現實做返個普通人。小倩感激老闆為佢做嘅一切，兩人感情日漸加深，最後喺墾丁擺酒結婚。
就喺婚宴期間，有街坊就介紹咗小倩畀一名自稱係星探嘅男人認識。星探話小倩好有潛質，亦有興趣搵佢拍戲，但拍一套戲加埋培訓，好可能需要離開半年至一年時間。
啱啱先結婚，就要離開半年至一年。小倩拎住星探張卡片，猶疑咗好耐。老闆一方面唔捨得小倩離開，另一方面佢知道呢個係小倩嘅夢想。
亦因為呢個夢想，佢哋兩個先會喺埋一齊。於是，老闆偷偷幫小倩收拾好行裝，買埋車票，送小倩離開。
當小倩出到城市，星探帶佢去片場嘅一刻，小倩先覺悟到，原來佢將要拍嘅電影，係一套三級片。
但由於小倩已經簽咗合約，如果拒絕拍攝，賠償金會連累到喺墾丁嘅老闆。
小倩唔想被老闆知道呢件事，佢決定咬緊牙關，用一年時間將合約嘅十部三級片拍完。小倩每次被一個陌生嘅男人除晒衫，進入佢體內嘅時候，佢都閉起雙眼諗，只要拍完十套，帶一筆錢返去墾丁，隨便編造一個故事，話套電影唔會喺墾丁上映，就可以當咩事都無發生過。
但現實真係可以當咩事都無發生過？
老闆一邊同我哋講小倩嘅故事一邊喊…
佢話，小倩第一套戲上映，佢睇報紙就已經知道呢件事。老闆非常自責，好似親手要自己心愛嘅女人去送死咁。
「咁個街坊都幾衰...」我。
「街坊事後跪在我面前跟我求情，說他不知道那星探是拍什麼戲的。」
「咁都係啫，成件事都係佢一手造成！」
阿公拍一拍我膊頭，細細聲講「公正世界理論」啊...
我頓時收聲，諗深一層又係喎。我怪責個街坊對小倩有咩幫助呢？
當小倩拍到第四套戲，佢嘅美貌同氣質，令佢成為一個受歡迎嘅豔星。小倩亦察覺到，自己嘅電影封面會喺報紙上出現。
喺嗰一刻，小倩覺得再無顏面返去搵老闆，就算要佢拍一世三級片都無所謂，當從來無認識過老闆呢個人。
當拍到第七部戲，小倩認識咗一個黑道老大，呢位老大係小倩嘅影迷，仲動用佢嘅勢力同財力，幫小倩解除合約。
小倩雖然唔再需要拍三級片，但都決定唔返墾丁，打算跟黑道老大一世就算...
但人算不如天算，個天好似不斷畀難題考驗小倩咁，黑道老大唔知因為咩原因染上咗毒癮，仲因為穿櫃桶底而被逐出社團，從此之後性情大變。
「等等先，點解你會知道得咁清楚？」我。
「因為，這之後有一段時間，小倩跟我有書信來往...」
（待續）
*600 share 繼續**
＊＊＊繁中華語版＊＊＊
＊＊＊＊＊＊＊＊＊＊＊
鬼故事，不是每次都像電影般。
有鬼魂飛來飛去，因為生前被人害死，死後要勾魂索命。
這種「報復」在電影中最常見，因為容易被理解。
相反，現實往往比電影情節，更曲折離奇。
阿公亦說過，電影入面經常出現「生前受到逼害，穿紅衣自殺，死後向兇手報仇」這類情節，現實世界根本沒可能發生。
為什麼呢？
大家近年在網絡上應該見識過，當出現被非禮、被強姦、有意外發生的新聞報導時，大家總會在報導下留言，指責那名受害者。
穿那麼性感，被強姦也是活該！
登山者沒足夠經驗就登山，跌死也是活該！
去這麼危險的國家旅行，被恐怖分子炸死也是活該！
如果受害者被強姦，萬念俱灰穿紅衣自殺，這些留言的人，應該全都是復仇對象。因為最大的傷害來源，就是來自這班人。
美國心理學家梅爾文說過一個「公正世界理論」。
大家從小到大都被灌輸「好人有好報，惡人有惡報」這概念。但意外發生，受害者並非全部惡人，所以開始質疑一直持有的觀念，缺乏安全感，唯一解決方法就是抹黑受害者，令他變得「罪有應得」。
照相舖老闆問阿公，是否真的可以見那女生？
阿公說還需要女生的全名、時辰八字、死亡日期。
老闆很快就說了女生的全名和時辰八字，但他不知道知確實死亡日期。
「我盡力試試。」阿公。
阿公將一包裝滿米和銅錢的布袋，放進女生的旗袍內，用作給另一世界鬼差的路費。再用十條黑線將布袋和衣物縫在一起，十條線代表三魂七魄，完整意思就是想鬼差幫忙，召回女生的三魂七魄。
老闆看著阿公一直施法，就和我們說了關於那女生的故事。
旗袍女生，名叫小倩。
小倩自細住在墾丁，父母開了一家縫製衣服的店舖，該店專門縫製傳統旗袍。她自細就有一個夢想，想做一個影星，見識一下外面的世界，不想一輩子住在墾丁。
這個故事的男主角，就是照相店老闆。但他並非繼承父業，父親只是一名普通送貨工人，老闆年輕時亦對攝影毫無興趣。
當他認識小倩之後，才決定用儲下來的錢，買一部相機幫小倩拍照，兩人漸漸萌生起感情，老闆亦對攝影產生興趣。
當年，很多人都想去大城市找工作或送兒子去讀書，工作面試、學校面試都需要一張正式的大頭照，於是附近的街坊都找老闆拍照，他亦順利成章開了一間照相店。
但小倩就沒這麼幸運了，即使她天生擁有美貌氣質，但始終出生於鄉下地區，沒有學識亦很難找到機會。於是，老闆將所有拍下她的照片，掛滿整間照相舖…
所有人都是想出城市找工作，可能他們會從事電影有關的工作，可能有需要找女主角，可能會記得他的照相店，也可能會記起小倩。
過了幾年，沒有街坊回來找過小倩，小倩亦不斷試鏡失敗。她也決定面對現實，放棄夢想，她很感激老闆為她做的一切，兩人感情日漸加深，最後還在墾丁結婚。
就在婚宴期間，有街坊介紹了小倩，給一名自稱是星探的男人認識。星探說小倩很有潛質，亦有興趣找她拍戲，但拍一部電影加上培訓，很可能需要離開半年至一年。
剛剛才結婚，就要離開這麼長的時間。小倩拿著星探的卡片猶疑了很久，而老闆一方面不捨得小倩離開，另一方面他知道這是小倩的夢想。
更重要的是，因為這個夢想，他們兩人才會在一起。於是，老闆幫小倩收拾行裝，買車票，送小倩離開。
當小倩到了城市，星探帶她去片場的一刻，小倩才覺悟到，原來她將要拍的電影，是一套三級片。
但由於小倩已經簽了合約，如果拒絕拍攝，賠償金會連累到在墾丁的老闆。
小倩不想被老闆知道這件事，決定咬緊牙關，用一年時間將合約的整整十部三級片拍完。小倩每次被陌生的男人脫光衣服，進入她體內的時候，她都閉起雙眼，只要拍完這十部戲，帶一筆錢回去墾丁，跟老闆隨便編造一個故事，就說…這部電影不會在墾丁上映，這樣的話，就可以當什麼事都沒發生過。
但現實真是可以當什麼事都沒發生過嗎？
老闆一邊跟我們講小倩的故事一邊哭…
他說，小倩第一部三級電影上映，他看報紙就已經發現這件事。老闆非常自責，他覺得是他親手將心愛的女人害成這樣。
「是那街坊的問題吧...」我。
「街坊事後跪在我面前跟我求情，說他不知道那星探是拍什麼戲的。」
「但整件事他就是始作俑者！」我。
阿公拍一拍我肩膀，輕聲說：「公正世界理論啊…」
我頓時語塞，想深一層…
對喔，我怪責那街坊，對小倩有什麼幫助呢？還是…只想心裡好過一點？
當小倩拍到第四部戲，憑著她的美貌氣質，令她成為一個受歡迎的豔星。小倩亦察覺到，自己的電影封面在各大報紙上出現。
那一刻，小倩覺得再沒顏面回去找老闆，就算現在要她拍一輩子三級片也沒所謂，就當從來沒認識過老闆這個人吧。
當她拍到第七部戲，小倩在片場認識了一個黑道老大，這位老大是小倩的影迷，還動用他的勢力和財力，幫小倩解除合約。
小倩雖然不再需要拍三級片，但也決定不再回去墾丁，打算跟著黑道老大一輩子...
但人算不如天算，上天好像不斷考驗小倩般，黑道老大不知道因為什麼原因染上毒癮，還因為偷了社團的錢，而被逐出社團，從此之後性情大變。
「等等，為什麼你會知道這麼清楚？」
「因為，在這之後有一段時間，小倩跟我有書信來往...」
（待續）
**600 share 繼續**
＝＝＝＝
【阿公講鬼】全集：http://bit.ly/2cAEzAU
《Siri無啦啦開著咗…》
《迷路殭屍》
《慈母回魂》
《隔離鄰宅》
《遊地獄》
《養鬼仔》
《看門狗》
《催情降頭》
《狐仙吃童》
《古曼碌葛真相》
《城寨碟仙》
《逃港拉屍人》
《夢見前世》
《秀茂坪自殺潮》
《兇宅別睡》
《下一站：彩虹》
《阿公前傳》
《尋娃娃》
《香港風水陣》
《住學校鏡子裡的同學》
《別用手機拍攝兇案現場》
《兇宅電視》
ig：BlueGodZi
