打橫嚟講：搶嘢呀！搶「太平」呀！
喺道德淪亡嘅末世社會，只要有着數、有錢搵嘅事，明知會畀人炳，兼幾難睇（嗱！未用到「卑鄙無恥」呢三隻字）嘅醜行，都有人樂於爭住去做！
一年一度，香港真正嘅盛事，那個沒有「盛事基金」科水，卻搞得蜚聲國際的長洲太平清醮又嚟啦！正當全城喜氣洋洋之時，居然爆出有間九唔搭八嘅乜春公司，向香港政府知識產權署商標註冊處申請註冊喺長洲沿用咗近十年的「平安」二字商標，即印在「平安包」上面那個粉紅色字樣呀！
這造型特別的「平安」二字，並非那間乜春公司設計出來的，相反，正正係由長洲太平清醮值理會，同當年的香港康樂及文化事務署一齊諗出來的，現已深入民心；除印在麵包上，還做埋T恤圖案、鎖匙扣、咕o臣等等紀念品，確是長洲太平清醮的象徵符號。當然，原先本來就係「公共資源」啦！
呢間公司申請註冊，想私吞「政府財產」，乃因香港政府一直無將那「太平」兩字logo註冊，遂被人有機可乘！
而呢間狼胎公司只不過係一直幫開太平清醮做塑膠平安包的製作公司而已！估唔到竟想食夾棍，從中取利！仲先喺大陸「知識產權局」成功註冊咗，才返嚟香港追加申請！部署周詳！
呢間九唔搭八嘅公司負責人話註冊唔係針對「侵權」商戶（唔知邊個「侵權」呢？），而係想「提升本港市民對知識產權尊重意識」喎！吓！講呢啲？尊重知識產權？
負責人仲話：「註冊咗之後，讓大家有動力去諗一啲新產品，百花齊放……」即係唔畀人用此「舊產品」啦！真好有大陸人的風範，猶如有條契弟去註冊「揚州炒飯」的專利權一樣，想笑死街坊也！
香港廢柴政府，有人明搶香港公眾財產呀！你會點做呢？請問！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
香港知識產權署商標註冊處 在 凝聚香港- 為人民服務- 知識產權署（商標註冊） - YouTube 的必吃
「 知識產權署 」為市民提供高質素和迅捷的專利、 商標 及外觀設計的 註冊 服務。提高公眾對保護個人 知識產權 的意識，使 香港 繼續成為一個發揮創意和才華的 ... ... <看更多>