【《#信用欺詐師JP：公主篇》短評幾句】
1. 睇之前問一問自己：你幾耐冇試過喺戲院笑到拍曬手（唔係恥笑果隻）？有幾耐冇試過喺戲院睇到眼濕濕甚至喊出嚟（唔係睇完伏片喊咁口我睇咗乜＿嘢）？
2. 第一集珠玉在前，但第二集作為疫情後難得一見嘅喜劇，依然好Enjoy，原來全院滿座大家一齊笑到拍曬手，感覺係咁美好，呢大半年冇乜邊套戲做得到，係你喺Netflix自己喪笑都得唔到嘅快感
3. 比第一集更加星光煜煜，紅星之強簡直好似睇緊套「日式賀歲片」咁
4. 估你唔到今次竟然玩感人，當你以為自己睇緊套「日式賀歲片」開開心心時，結局咁完法堅感人，而且唔似上集咁單純玩完就算，成單騙局出人意表完仲言之有物，鍾意在唔係刻意煽情嘅
5. 冇睇到劇集，就咁用第一集《香港浪漫篇》對比，上集扭得太神，今集扭得唔夠勁，而前半段略嫌平鋪直敘咗少少，觀眾係會被縱壞的。有日本讀者朋友，表示當地有評論話套戲粗製濫造，又未去到咁嘅地步嘅
6. 第一幕係竹內結子、最後一幕都係竹內結子，片尾嘅相咁啱將佢同三浦春馬放埋一齊，原來你好鍾意嘅演員有套「突然遺作」，係堅會睇到個心痛一痛。不過片尾冇「永遠懷念」或「謹將本片獻給」字眼，相信成件事真係太突然
7. 係感觸嘅，好多嘢，失去咗，冇咗就係冇咗，包括片尾出現嘅香港珍寶海鮮舫
8. 唔計呢啲感傷位，我會話呢套算係疫情後真正俾到觀眾正能量、睇得開懷，又笑又喊咁離場嘅真正娛樂片。唔駛燒腦、唔駛記歷史、唔會冚家鏟、唔會沉重到抖唔到氣，呢半年嚟果類都有唔少係好戲，但要做到一套電影最基本步：開心娛樂放鬆心情，呢套絕對係不二之選。
9. 今集《信用欺詐師JP：公主篇》送飛活動進行中，想睇就去玩啦，感謝讀者朋友建議，玩法更新咗少少，唔駛咁複雜，之前因此卻步咗嘅，可以睇多次：https://bit.ly/36jdQHM
《信用欺詐師JP：公主篇》、首集《信用欺詐師JP: 香港浪漫篇》觀後感可看留言。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
香港珍寶海鮮舫 在 BBC News 中文（繁體） - 香港的著名地標珍寶海鮮舫營運了近 ... 的必吃
香港 的著名地標珍寶海鮮舫營運了近50年，於上星期被拖走，移離香港，駛往沒有向外公開的目的地。 珍寶海鮮舫的母公司香港仔飲食集團發聲明表示， ... ... <看更多>