【加料手套🧤💥】
等咗一個月，足足一個月......😭
香港老友同屋企人一知道我同意佬要由埃及返嚟意大利，喺三月中已急忙將呢堆抗疫用品寄過來。
另一邊廂，多謝喺荷蘭嘅朋友仔無私咁讓咗三支滴露俾我😍幾星期前已收到，時間關係我已經「飲」咗一支🙈
香港寄嚟嗰件，明明一星期就可收到，偏偏喺意大利機場海關扣關扣足一個月。
由於喺意大利仍然一罩難求，而有奸商藥房賣一個外科口罩都要2歐，即一盒50個為港幣$850！仲要係唔合規格！於是乎呢邊海關一見到有罩嘅件都扣起哂，亦試過有意大利醫生夾份喺海外訂口罩諗住派俾獨居老人做善事，點知俾海關充公哂，收歸國有俾醫院用。意佬話我呢箱嘢前後有成2,3百個罩，叫我疊埋心水預咗收唔到罷喎......
由於喺意大利打電話去速遞公司嘅熱線係要收錢的，動不動要幾百蚊港幣，所以我哋已去信意大利速遞公司好幾次，入口稅一早交哂，都一味話件貨仲喺海關度，講完。海關又只透過速遞公司扔份表嚟叫我哋申報係for醫院用途，如有虛報就要坐監！
平行時空，香港吧嘅速遞公司鍥而不捨咁隔日就打俾我老友跟進貨件情況。但其實真係唔關香港嗰邊事，件貨三月尾前已到咗羅馬機場，但偏偏跟進得最貼嘅係香港嗰邊。我老友幫我解釋因為我屋企有5,6個人，其實除返開都係一人幾十個，香港部門亦答應向意大利呢邊解釋......
幾經波折，終於冰解凍釋，除咗收到布口罩、KF94、眼罩、口罩收納袋，仲有包手套裡面一個俾人用過嘅口罩🤮😵😖好核突！~明明件貨收到後就close file，好明顯係意大利海關開箱驗貨後出事，但香港嗰邊都肯開返file著手調查究竟係邊個做嘅，所以講到工作上嘅勤奮衝勁同對客嘅服務態度，香港真係跑贏9條街！你叫我點可以唔掛住香港？🥺
無論如何，意大利整裝待發，準備5月3日後逐步解封。說意大利疫情緩減，倒不如話另一個充滿未知之數嘅階段才剛剛開始。今時今日嘅意大利，口罩已成為生活中不可或缺嘅必需品。感恩遠在家鄉嘅屋企人同朋友實卜，依家有咗呢批罩，解封後我起碼唔洗費神周圍去撲口罩，意佬同奶奶佢哋出入都有足夠嘅防疫措施。
#荷蘭寄意大利一星期
#香港寄意大利一個月
#意大利速遞疑雲
#寄手套送二手口罩
#DHLHK
#多謝D記陳小姐
#希望查出邊個咁無公德心
#意大利解封
香港寄意大利一個月 在 預訂(約一個月到港) Seven 書包HKD880 (包意大利 ... - Facebook 的必吃
... 0 shares, Facebook Watch Videos from Seven Backpack 護脊書包代購: 預訂(約 一個月 到港) Seven 書包HKD880 (包 意大利 到港郵費, 香港寄 順豐站運費到付) ... <看更多>