《或者存在的不存在職業 – 婚宴搭枱人》
或者，即使十圍枱，
我們也沒有信心坐滿。
地球上，總有些人比較內向，但還是擁有愛人，還是希望結婚。
只是結婚，總連帶著「擺酒」。
有些時候，「擺酒」並非新人意願，而是長輩心願。
在他們眼中：「嫁娶這回事，還是要風光、熱鬧、大龍鳳難免。」
朋友說過：「擺酒都搞得掂！我冇嘢係搞唔Ｘ掂嘅！」
此刻感同身受。
這個時代，喜歡擺酒的人少，喜歡出席的人也不多。
我這個人沒太大膽量，
覺得貿然將「紅色炸彈」送出去，會為對方添煩。
寧可別人對我「冇印象」，總比「壞印象」好。
而且，慢慢發覺，擺酒充滿「圓枱魔咒」，一枱十幾人，就是要湊足十幾人。
但是我與未婚妻「計計數」，
雙方的朋友都是「一個個」、多於「一班班」。
朋友圈子總是愈拆愈細，
一群十幾人的朋友，總會分成兩個圈子，
再在中間演成了三對密友。
結論就是「我哋根本組織唔到一圍枱都互相認識嘅朋友。」
只怕搭枱都要分成四個小組討論。
心淡、心灰。
有些深交，我與他之間甚至沒有Mutual friend。
難道要他為一張合照呆在台下一整晚嗎？
我做不出。
最後，計到盡，與未婚妻只算到六圍枱。
兩老知道，必然覺得寒酸。
在新置的大床上，我向未婚妻苦笑：「貴啲就貴啲，搵佢哋啦…」
= = = = = = = = = = = = = =
Halo大家好呀！我哋係「婚宴搭枱顧問公司」，有鑒於香港哋嘅朋友圈愈縮愈細，但老人家又覺得多圍枱、多份威勢！
我哋提供最專業嘅「搭枱人員」。
有幾專業？
拍手掌時機100%準確！
起哄時機1000%準確！
亦10000%唔準佢哋早走。
收費唔貴，疊馬重於一切！
先生你要十圍枱嘅「人員」？冇問題！呢度有幾個Plan。
貴啲嘅就後生細女啲，衣著都較為光鮮，青春活力。
平時嘅話歲數就參差啲，但亦突顯到兩位貴客交遊廣闊，朋友類別多不勝數。
真係平有平好、貴有貴好，呢家我哋仲加推「型男伴郎」同……
我截住佢：「得啦。。我哋揀好咗架啦。」
= = = = = = = = = = = = = =
婚宴當日，坐無虛席。
兩老歡喜，一切隨計劃進行。
無論播放成長片段，定MC的爛笑話，這班「搭枱人員」都交足戲。
由於一早設定好角色背景，連上台影相都有他們的份兒。
未婚妻笑得牽強，我倒是寬容。
即使枱下這些「非搭枱人員」，掌聲笑聲之中，
又夾雜著幾多「唔知幾時會離婚」的冷嘲熱諷？
真心祝賀本來就不多，咁來多幾枱虛情假意，又有何所謂？
我懷住這份心情，直到臨近完場，祝酒嘅一剎那。
每張枱，每個人，
我都擺出一副接近僵硬的笑容，再將威士忌一飲而盡。
只係，去到最後一張枱，於一堆「演員」當中，竟然見到一位好朋友。
課真價實的好朋友。
我急忙上前：「你唔係話冇人陪你，所以嚟唔到咩？」
他笑說「本身係咁諗嘅，得一條友咁面懵，但覺得好朋友結婚，點都應該親身到場嘅。好在嚟度佢話有位坐咋，唔係要企啦！」
一時之間，我說不出任何說話。
已感到無限抱歉。
突然之間，我覺得自己對不起所有真心出席的來賓。
我回頭，一個箭步衝上台，奪去主持人的咪高鋒。
「咳咳…各位來賓…有樣嘢我要同大家講聲對唔住。今日，為咗場面熱鬧啲，有幾圍枱嘅朋友......係我請返嚟嘅特約演員...」
此言一出，全場鴉雀無聲。未婚妻眼神恍惚，似乎就要暈倒。
但沒有退路，我深呼吸：
「係我做錯咗，但唔想錯落去，各位演員朋友，多謝你哋幫忙，不過請你哋先離席，最後一輪甜品，呢碗紅豆沙，我想在座嘅都係一啲真心出席婚禮嘅嘉賓。
部長，麻煩你幫我搬密啲枱櫈，我想好好咁同每個人都傾到計。」
我一邊說，眼淚一邊流。
因為我知道，自己會成為別人一生的笑柄。
我合上眼，不敢面對衝動帶來的後果。
然而，傳入耳邊的是「啪」一聲，
之後是「啪啪」兩聲，
再來是「啪啪啪啪啪...」
掌聲如雷。
我再張開眼，大家都起立，為我鼓掌。
這一晚，雖然只剩下一碗紅豆沙的時間，但我與妻子終於真心地笑了。
不知為何，大家的祝福突然都更加衷心。
或者，當你都展示出真心，先可以令對方獻出真意。
這是最少人的婚宴；卻最熱鬧。
= = = = = = = =
隨住演員離開，掌聲大作，我又一次完成任務。
我是「婚宴搭枱顧問」，人人都說這個職業代表著社會已經有病。
我認同。
此時電話響起：
「喂，馮姑娘呀？係呀，有啲公公婆婆想參加呀？可以呀，下星期仲有場，都係酒店嘢食，免費仲有人工。有啲孤兒同失學青年都想試？冇問題冇問題。唔使多謝，最緊要佢哋開心。」
放下電話，我想
這個社會不是有病，大約不會有我；
但正因為社會有病，才需要有我。
我總是借病醫病。
只是將你不需要的美食體驗，分予一些有需要的人。
夜了，這城市的風，依舊冷得蝕骨。
= = = = = = = =
其他不存在的職業系列Album：https://goo.gl/xh4bbt
如喜歡可以輕輕一Like~
其中推薦：
《職場公敵》：https://goo.gl/zxb4PG
《禮物追尋使》：https://goo.gl/SbcByB
《貧窮體驗指導員》：https://goo.gl/ARFaj0
《善惡測量師》https://goo.gl/2uPoje
Ig:cheungson88
*會慢慢Up嘢上去
香港啪骨收費 在 跌打整脊正骨復位疼痛痛症治療?中元堂-旺角 - Facebook 的必吃
跌打,疼痛,啪骨,整脊,復位,正骨,整骨,痛症,脊醫,專治-骨傷,筋骨扭傷,舊患,骨痛,骨折,骨裂 ... 整脊醫師主理不少香港人深受身體痛症困擾，本中心是一間專業徒手整脊正骨 ... ... <看更多>