要歸邊跟上缐，幫手做代言人，宣傳返大灣區搵食，真係冇所謂的。身邊都唔少人喺大灣區做嘢，大家撈家出嚟行走江湖，要搵食，有妻兒要養，心裏明白。
上面有任務，下線梗係要硬接。不過做人要感恩，上面俾咁多資源同人物關係畀你，由細栽培到今時今日。呢樣野要還⋯⋯仲要心甘命抵去還。幾年前當你講錯說話，上線唔再關照你，敗走新加坡時，你有幾難捱自己知，咁你就數得番上缐俾過幾多野你
輿論都係取笑（或不齒）博士左右搖擺，食相難睇。一時國際，一時講新加坡，一時本土，一時大灣區......撈唔掂要搵上缐重修舊好，明，只係唔好做雞又要貞節牌坊。國際關係可能冇教，但呢啲係基本街頭智慧。算啦，成日扮高高在上扮上㳘嘅唔會學識㗎
單嘢好簡單，就係有好多小朋友發現原來國王冇着衫。小孩無罪。既然如此，就唔好做小動作亂咁放狗亂咬，仲要表面咬人，暗地裏又咬自己主人，低劣暗手嘅反擊只會令自己食相更加難睇。
難保有一日，我撈唔掂都返大灣區發展，不過到時當我受人千夫所指嘅時候，我就一定唔會搞小動作放狗咬人囉。食人黃米，預咗㗎。
我冇養狗經驗，唔識處理，聽人講啲國際關係人好鍾意邱吉爾。我唔識，冇浸過鹹水嘅我淨係記得呢句說話：You will never reach your destination if you stop and throw stones at every dog that barks.
