［今日寫呢啲］呢舊嘢真係變成我嘅Passion，講真，我完全可以唔使寫咁多的，只寫美股跌已經夠，但既然有靈感又有想法，就寫多啲。
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
首先都係講返，你見傳媒會講「聯儲局官員話 2022加息 美股跌500點」。都首先唔好講個因果關係。但，嗰條友聽講冇票投喎。況且，跌500點好多咩？1%多啲咋喎，有乜好討論？
你問我，股市跌勢另有原因，Patreon文講，但提示你可以睇下邊啲公司跌邊啲升。另外，早兩日先話咩通脹勁，驚加息，10年美債債息由1.50%升到1.60%。而家？跌到1.45%咋！真係驚通脹驚加息點會咁？真係要解，係另有原因咯（雖然可能都冇原因），文入面講。
港股嘛，一抽嘢，快手講下。大新2356 同 440，大家都知又估賣盤。平時千幾萬港紙成交，星期五兩億！你話冇內幕打死我都唔信，上次創興賣盤都係咁。咁但，如果真係賣得成，咁會係2356同440？如果係賣盤又咩作價？Patreon解你知
安踏2020，冇乜特別啦，呢度都寫過，盈喜嘛，市值就快大過Adidas，「但之前都試過」。反而再講投資教訓，我係十幾蚊渣上嚟的。正面教訓係：股票係要坐的，不停咩止賺止蝕點搵大錢？負面係：買一手，皮幾嘢，有鬼用咩。雖然皮幾嘢變十幾萬都夠我打好多次邊爐
領展823，一樣，你聚焦咩派息冇加，或者舊年續租係減租，就失焦啦。當然傳媒唔應該變成公司嘅打手，但你亦應該自己用下腦。傳媒（應該）要客觀，但投資永遠主觀。否則根本唔使有交易所，人人睇同一個圖同一本年報，應該全部覺得值同一個價啦！到底升乜？加租，仲有，美債嘛。上面講咗
國泰表面係盈警，但實際係盈喜。邊個話盈警一定壞消息？但，又邊個話好消息實升？話蝕錢，但蝕少咗喎。至於太古亦受惠。但買唔買得過，買邊隻？Patreon入面講，提示係：你望下疫情前嘅股價。係疫情前，唔係低位。
醫渡嘛，更加不多講了，之前話入港股通有得炒，而家3個月新高，有晒交代啦。另一隻心通冇咁勁，但至少唔使輸錢。仲想點？但呢啲嘢只係零食，替代唔到正餐嘅。
然後每日一圖同Good Read都極正
圖一嘅，睇返晒歷代（由40年前開始咁滯！）儲聯局議息日嘅股票表現，仲有勍係出完聲明嘅股市表現（一般都係未收市就出）。有人以為議息多數跌，錯，多數都係升。點解？好簡單，因為股市多數都升。但，鮑威爾年代就特別差，伯南克年代特好。點解？文入面有講。
圖二嘅，加息會推低股市？真係講咗十幾次嘅urban legend，你可以睇下標普指數幾次見頂，係加息定減息嗰時。Patreon入面有圖，亦都解埋點解。
Good Read一嘅，講Creator Economy．近期真係鬼媒熱講，不過香港啲HR同KOL好似仲未成日講，未變到FinTech ESG之類。咩係Creator Economy？你訂我Patreon咪係，直接益我，好大程度上繞過咗Big Tech．同樣地，賣鹹相（主要係）Only Fans，或者明星好似淘寶黑人咁錄片祝你生日快樂嘅Cameo，仲有早排熱過嘅ClubHouse．點解而家Big Tech睬過界？文中有講。但當然主要都係錢
Good Read二嘅，人地寫，唔係我寫。投資最強必殺技。但話埋你知，就係忍痛，捱價。作者用好多例子話你知。而家個個梗係話NetFlix狂升好合理啦。但之前兩次高位插75%呀！跌四份三！唔係疫情喎！再之前喎！你咩走去止蝕嘅，根本冇可能坐到咁耐。文入面有更多例子
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
