西餐鋸扒就食得多，韓式扒房就真係好少機會有得食。見終於有間開咗係灣仔，作為食肉獸當然第一時間要去食。
呢間香港首間韓式扒房叫MAEK JEOK貊炙，除咗有美國USDA Prime牛肉和和牛外，更加有自家熟成牛，以韓式炙燒方法炮製。
先上嘅有5小碟韓式前菜，當中嘅泡菜同芽菜可以無限refill。
我哋叫咗2份Steak Omakase，另外再加咗份和牛三角同2杯梳打(荔枝同提子)。
先講Steak Omakase，包咗4款肉、大葱沙律、白切肉、韓式蒸蛋、生菜包、主食同甜品。以呢個價錢黎講($380@)，可以話係非常抵食。白切肉其實類似豬腩肉，已經事先煮熟配埋泡菜用紫蘇葉包住，微微帶辣，口感豐富。蒸蛋熱辣辣上枱，比起平時食開嘅日式蒸蛋，質地會實身一d，蛋味更加香濃。
4款肉分別係是日熟成牛肉、熟成醬油牛肋骨、和牛羽下肉同韓國五花肉。
重點當然係22-28日嘅熟成牛肉，鋪頭自設熟成櫃，牛肉熟成後能夠鎖住牛味同埋肉汁。今日食到嘅係熟成咗25日嘅西冷，雖然係用韓燒嘅方法去整，但肉質似食緊西餐鋸扒，因為熟成過，比起鮮肉肉嘅表面燒完會有焦化嘅效果，令肉嘅外邊變得脆身，而入面稔得黎因為鎖住咗肉汁，食落非常juicy，仲帶有微微嘅芝士香味。
醬油牛肋骨夠入味，醬汁帶甜，肉質偏向爽身。至於羽下肉油脂分佈較平均，食落比較軟嫩。4款肉入面唯一嘅豬肉-五花肉，加埋生菜同自家製嘅包飯醬一齊食就最岩，除左可以消除油膩感，仲可以增加口感層次。
主食方面有數款可以揀，我哋就揀咗大醬湯配飯。大醬湯嘅配料豐富，有蜆、牛肉、豆腐等，味道香濃唔會死咸。
另外加嘅和牛三角，淡粉色嘅牛肉中夾雜住好似雪花咁嘅豐厚脂肪，入口油花四散，充滿油香。
燒肉醬汁方面有3款，分別係洋蔥醬汁、鹽同wasabi，可以根據個人喜好配搭。
食飽飽最後當然唔少得甜品，係牛奶味軟雪糕，奶味香濃。
同場加映送餐機械貓，仲會發出喵~叫聲，非常cute。
。
。
MAEK JEOK 貊炙
香港灣仔港灣道30號新鴻基中心1樓104, 104A, 105A, 106-108室
。
。
雪室熟成和牛香港 在 【限量供應雪室熟成A5和牛🥩】 立即訂座👉🏻... - OpenRice ... 的必吃
【限量供應雪室熟成A5和牛 】 立即訂座 https://s.openrice.com/QrbS00nqB00 各位牛魔王應該都聽過熟成牛肉，但雪室熟成嘅和牛又試過未？灣仔呢間新開嘅法日扒房 ... ... <看更多>