其實呢... 唔好話老華僑，就算係我地呢啲早幾年黎到嘅，都真係唔擔心你會搶我啲咩...
又或者咁講，你覺得自己有咩咁本事可以從本小姐手上搶野？無論係我份工定我老公，我都盡在掌握之中（押韻wo...) 。在香港時幾百萬人都係咁爭啦，我先你幾年起步都仲要爭唔贏，我不如拎磚豆腐撼死算啦～
朕不給，你不能搶。 😏😏😏
反而依家有啲人就係覺得「一個和尚有水食、兩個和尚無水食」，開頭一齊住就諗住同聲同氣，點知去到最尾就多多聲氣，你搵到收銀佢就收皮，然後啲無良中超老闆會覺得「你唔做大把人免費都肯做」，咁梗係難搞啦。
我成日都話，黎到就唔好埋華人堆，I mean大家做朋友絕對無問題，但住在一個區自然會出現競爭，得罪講句，出現惡性競爭的機率極高，所以唔好貪同聲同氣，到最後會後悔的。
講到尾，好多心態唔好嘅人，希望嘅「同聲同氣」係：大家講一樣語言、有相同嘅政見（但又唔好太黃不然會鬥黃）、家庭背景接近（但你唔好太有錢亦唔好太窮）、小朋友可以一齊玩（但最好你個仔無我個仔咁聰明/讀書叻，但又唔好太蠢帶壞我個仔）、能力接近（唔會同我搶工作）。
留意一下，你黎到英國了，不需要再跟香港人比較。調整心態，世界的舞台遠比你想像中大，井外的世界機遇更多，把井從香港大老遠運到英國，還整天坐在裡面，不悶嗎？
#中國麻雀
#盯下家
#卡上家
#防對家
#我糊不了你也別想成功
#即係咁大家做朋友互相幫忙拍住上係一件好美好嘅事
#但就算在香港你都唔易搵到一個咁嘅人
#黎到英國更加低機會搵到
#所以我建議唔好浪費時間
#離開ComfortZone出去闖啦
