屋企有 3 個小朋友，通常姐姐 Keicy 係「先頭部隊」，我去親櫃桶攞嘢，佢轉個頭就去返同一個櫃桶攞嘢，搞到細佬 Par Par 都有樣學樣，模仿我同姐姐成日開櫃桶攞嘢。
小朋友好奇心重，一開櫃桶就摷晒啲嘢出嚟，有時入面收埋咗啲較剪、利器、尖嘅物件，或者唔想畀佢掂倒嘅嘢，所以我畀因為貪得意亂開櫃桶嘅 Par Par 搞到唔知點算好。
因為幼童肌肉力量不足，櫃門開開吓唔夠力閂埋時就會夾親手，Par Par 成日都會因為咁而唔小心夾親啲手指，正所謂「傷在兒身，痛在娘心」，所以我決定要買啲嘢返嚟鎖實佢，不過之前喺坊間搵倒嘅，只有一啲硬身嘅鎖，而且只可以用喺雙門櫃嘅櫃門，向出拉嘅櫃桶就冇辦法鎖住。
不過 3M嘅 Multi Purpose Locks，就可以同時鎖住雙門櫃嘅櫃門，以及向出拉嘅櫃桶，其他設計嘅櫃桶都一樣得！質料方面仲好好，軟身嘅物料加埋一撳就用得嘅特強黏貼，可以黐得更實！
成個鎖嘅物料都係不含有毒物質（無 18 種 PAHs, 10 種有機鍚化合物及8種塑化劑）、不含雙酚 A、不含重金屬（符合歐盟 19 項重金屬檢測標準），都係嗰句，唔識化學成分名稱唔緊要，過到歐盟檢測嘅產品就可以放心用！^^
除咗用料安全，開鎖設計都一樣有心思，我每次都要做幾個步驟，先可以扭開個雙重鎖，咁樣細佬就冇咁容易開到，以後喺屋企就會安全啲，唔駛驚夾親手指，亦都唔駛驚佢攞倒櫃桶入面嘅危險物品。
溫馨提示：想貼得夠實，就一定要確保表面夠平滑同乾淨，仲要貼咗三個鐘頭後先好開始用呀！^^
產品詳情：www.3m.com.hk/childsafety
雙門櫃 在 雅博德雙門櫃-黃金橡木色組裝影片介紹- YouTube 的必吃
... <看更多>