《The city is... ?》
有粉絲趁週末問咗我一個好複雜同影響深遠嘅問題，係關於香港仲有冇投資嘅價值。我認為呢個問題同大家息息相關，咁不如一次過為大家解答。
首先係關於長線投資港股嘅策略：目前，港股正係受貿易戰同疫情嘅影響，但呢啲都可以話係短暫嘅，一兩年就過。唯獨係到底「一國兩制」係咪仲存在嘅呢啲議題影響比較深遠。所以我同我嘅粉絲講：到底而家眼前嘅係秋官丫？抑或係佘詩曼＋Joe Junior？如果係前者就簡單，3、5、7年就嚟一次嘅調整，我哋都見慣風浪。能夠喺低位買貨坐幾年，就咩都可以返晒嚟。只係如果香港已經進入左一個死胡同嘅話，莫講話股票，就連磚頭都會貶值，係咁仲邊會有好嘢買？
至於你話大陸如果係被國際孤立嘅話，靠自己又撐唔撐得住經濟？首先，大陸已經好耐冇行鬥平、鬥賤，做世界工廠呢條路。有係由於人工嘅成本已經提升啦，也有係由於由美國主導嘅杯葛行為，令工廠遷移。所以，中央近年已經將經濟增長嘅焦點放喺內需、固投同新基建，即係5G。你問我所損失嘅係咪可以全數彌補？當然唔係，你見到內地嘅經濟喺疫情之前其實已經走下坡。這亦有係由於無可避免嘅經濟失速，亦有係由於經濟嘅規模同基數一路路大，增長率自然要調低。
最後我又翻返嚟港股嘅價值呢一個問題：其實大家都一定聽過「國產替代」，呢個唔單只係軟件、運服務行業嘅發展趨勢，港股亦都係一樣。啱啱呢個星期先講到外資走、中資流入，加上好似美團（3690）阿里巴巴（9988）依啲中概股逐步被納入恆指，香港嘅市場將會越來越A股化，同跟隨中國經濟嘅增長步伐。撇開政治嘅議題唔講，喺全球云云咁多個國家裡面，中國嘅經濟仲有大把值得投資嘅空間。因此以金錢嘅角度來講，我唔會將事情說得太悲，生活嘅角度就另計。
#關於港股前景嘅問題
長線投資港股 在 長線投資 的必吃
【龔成教投資】趁跌市撈港股？ ... 龔成︱盈富基金︱騰訊丨阿里巴巴丨收息股︱價值投資︱長線投資丨AASTOCKS ... [股票長線投資](三)港股有咩選擇可長揸? ... <看更多>