膝頭哥好返九成，開始挑戰少少山路，又係試新嘢嘅時候❤️ 上次觀塘入日出康城，就初試 #salomonslabpulsar 。
著後感都係幾mixed feeling嘅，先講好嘅地方，就係全針織面超級、超級貼腳，仲要係適合我嘅窄身腳形，所以真係度身訂造一樣，超級輕量之餘，著上去嗰種slim 係非常之好睇。
市面上90%嘅鞋都興厚底，slab嘅特色就係薄底，ultra3已經薄，呢對感覺更貼地，跑崎嶇不平嘅路面，腳感非常敏銳，尤其落山技術性高嘅路段，令人覺得得心應手。因為slim，所以細梯級冇咁易踩錯，gripping 亦無投訴，上次喺寶琳路落靈實醫院段急斜，基本上可以放膽衝落去。
平路上，薄底唔會有太多bouncing，基本上係付出幾多，收獲幾多，6mm drop唔算進取，鞋頭嘅rolling亦啱啱好，整體非常平衡，亦非常適合作為平路練習鞋。
缺點方面，比較致命係一體針織非常之吸水，上次跑鹿頸中途淋身降溫後，成對索曬水，亦唔算快乾，所以最後起咗水泡。防水性應該係唯一缺點，但係非常之扣分。
整體嚟講，是一對高性能嘅山路平路兩用鞋，但應該乾爽嘅秋冬會比較合適。
Salomon Salomon Hong Kong
