【呢啲先係創新科技】
今日有同事落西九文化區視察時，見到部外型好特別嘅新車，本住 #議助乜都要知 嘅精神追查一番。
原來呢部係法國製電動低地台嘅自動駕駛巴士NAVYA ARMA，日前先係巴黎創新科VIVA Technology 大會展出過。翻查資料，車上亦無任何軚盤，係靠雷射、攝像頭等做感應，路線輸入一次之後就可以自動行駛，按停車掣就可以係下一站停。
ARMA最高時速為45km/h，但一般路上只會行25km/h，電池可以行駛最多9個鐘。據現場NAVYA職員所講，目前西九已購入一部，並開始進行test run。
除咗功能，大家最在意一定係法規問題。之前Tesla Model S首次引入半自動駕駛，都一度因為運輸處唔批准而禁用一段時間先解封；對於全自動嘅ARMA，運輸處又會點處理？
香港擁有最落後嘅創新科技局，目前係未有法例規管無人駕駛巴士。長遠而言運輸署會否修改現行法例去迎合新科技？或者考慮有無需要發牌？呢樣值得期待。
對於今次西九引入自動駕駛巴士，我抱正面開放態度，亦希望可以迫運輸署接受新科技。大家對自動駕駛巴士又有咩意見，不妨係留言討論吓。
#仲有大把創新交通模式等住引入
#共享交通 #ShareBike #Segway #暫時全部犯法
#醒吓啦運輸署 #要追得上時代
