第26屆香港電影評論學會大獎頒獎禮首次閉門舉行
《叔．叔》勇奪「最佳電影」「最佳男演員」成大贏家
《叔．叔》太保、《幻愛》劉俊謙平分秋色同奪「最佳男演員」 二人勉勵同業逆境自強
新晉演員蔡思韵憑《幻愛》一躍成「最佳女演員」
《金都》導演及編劇黃綺琳榮獲「最佳編劇」
推薦電影 ：《戲棚》《金都》《大偵探福爾摩斯 ：逃獄大追捕大電影》《幻愛》
.
第26屆香港電影評論學會大獎今日 (3月5日) 於香港藝術中心古天樂電影院舉行盛大頒獎禮中，著名香港電影監製莊澄擔任頒獎嘉賓。由高先電影有限公司榮譽發行的5部電影，包括《叔．叔》、《金都》、《幻愛》、《戲棚》、《大偵探福爾摩斯：逃獄大追捕大電影》分別囊括本屆香港電影評論學會9個獎項，成績驕人。
.
《叔．叔》團隊剛從柏林影展回港，出席頒獎禮。首次回港執導香港電影的楊曜愷導演對於《叔．叔》同時榮獲最佳電影和最佳男演員兩大獎項，表示十分感動，覺得自己終於不是局外人：「好開心，感謝香港電影評論學會，（老年同志）呢個題材要生存，要有影評、獎項先令社會有人關注，今日大會兩樣都俾咗我。感謝Travis（江紹祺）教授介紹我《男男正傳》呢本書提供《叔．叔》故事材料。本來監製同演員都唔識我，但都肯參與，結果好有火花，每個演員都缺一不可。13歲我就去外國讀書，成世人都覺得係一個局外人，今日呢個頒獎禮，終於令我覺得自己係個圈內人。」而憑《叔．叔》榮獲最佳男演員的太保亦勉勵電影同業不要怕挫折：「感謝香港電影評論學會，個晚訓得唔係幾好，訓下醒下，又回味下。感謝咁專業嘅評審肯定，得獎係我嘅榮幸。感謝《叔．叔》團隊，感謝台灣同香港無數合作過嘅導演。電影好似人生，有高有低，有挫折時就同自己講：『時間會留俾永遠係度既人』，好似我係呢個行業都50年。今日呢個獎溫暖咗我。感謝太太推薦另一個男人 (袁富華) 俾我。」
.
本屆的最佳男演員獎項出現雙影帝。與《叔．叔》男主角太保同登影帝寶座的，還有電影素人姿態登影帝的《幻愛》劉俊謙。榮獲最佳男演員的劉俊謙表示看到香港電影業有股新的本土關懷勢力：「感謝評審們，感謝香港電影學會係疫症中仍堅持舉辦呢個頒獎禮。感謝台前幕後各單位，亦感謝屋企人，好多時訪問資訊佢哋比我更早知道。感謝神。我已經31歲，算係好遲先拍野。以前都係劇場做表演。有時我會諗，我算唔算係生不逢時？而家香港電影業咁樣，如果係以前八九十年代，香港電影黃金時期，咁我就會好幸福。但最近我嘅諗法改變左，近年電影由《一念無明》，到《淪落人》，到今年嘅《金都》、《叔．叔》、《幻愛》，我隱約見到有股新勢力出現。 投資資金係相對係細，但多左好多本土關懷題材，為到香港人講說話，似乎係一個新開始。我拎獎唔只係個人嘅成功，更指向全香港新一代年青人開始起來，唔只係演員。社會確實好困難，但希望可以展開新一頁。唔好忘記創作初衷，唔好忘記作為一個人嘅初心。」
.
《幻愛》的另一位新晉演員蔡思韵亦同時奪得最佳女演員，製作團隊感到十分驚喜。蔡思韵表示人生第一次拎如此有份量的獎項：「多謝香港電影評論學會，呢套係我第一套主演嘅香港電影，多謝台前幕後對我嘅信任。感謝劉俊謙，你係一個好好嘅對手。感謝經理人一直對我都好有信心，多謝天父。細細個幻想上台拎獎，其實我咁大個女都係第一次拎一個咁大既獎。我會繼續用心做好我嘅角色，做一個好嘅女演員。」《幻愛》導演周冠威則在領推薦電影獎項時，表示希望香港繼續有高質素電影：「感謝香港電影評論學會，香港電影仍然好重要。而家電影不只看量，更看質量。希望每年都有好多具質素嘅香港電影。感謝創意香港，感謝投資者們，感謝監製們。令我呢套戲嘅演員選擇上好自由，兩位男女主角都係年青演員。」
.
榮獲最佳編劇的《金都》導演及編劇黃綺琳非常感謝香港電影評論學會對《金都》劇本的肯定，但她因應疫情，提早出發到大阪亞洲電影節而未能出席：「好高興獲得電影評論學會最佳編劇獎！呢個係《金都》第一個劇本獎，係一個非常重要嘅肯定。首先多謝創意香港首部劇情電影計劃挑選咗金都呢個項目，雖然資源有限，但佢地喺創作同製作過程給予我最大嘅自由度，實在難能可貴，非常感謝。編劇從來都係一個被動的崗位，寫好劇本仲要靠導演、演員、剪接同其他崗位嘅工作人員呈現俾觀眾看睇。所以，好慶幸同時作為呢套電影嘅導演嘅我冇將呢個劇本拍爛。最後，感謝為《金都》劇本俾過意見同鼓勵我堅持自己想法、拍攝呢個劇本嘅各位前輩。希望藉著呢個獎項能夠讓《金都》接觸更多觀眾。」
.
憑紀錄片《戲棚》入選推薦電影嘅導演卓翔領獎時感謝台前幕後：「感謝香港電影評論學會支持，令《戲棚》以紀錄片姿態得獎，感謝各區俾我哋拍攝嘅戲棚，冇佢地同意同協助，係冇機會拍攝《戲棚》。藉著佢地日常工作片段，給予我哋好多啟發及力量。感謝台前幕後。團隊係現場搜集到好素材，好似一個廚師咁，有好食材質先煮到好食物。感謝監制、戲曲顧問，同西九嘅協助。感謝高先電影發行。感謝香港電影評論學會好支持紀錄片，過往三年都有推薦紀錄片得獎，希望紀錄片生態更好，希望更多人做紀錄片，更多人認同紀錄片係電影一部分，希望有日金像獎都會有紀錄片獎項。感謝屋企人。」
《大偵探福爾摩斯：逃獄大追捕》則是唯一一部入選推薦電影的本土動畫，導演袁建滔和鄒榮肇表示：「感謝大會，感謝原作者厲河，感謝高先電影發行，呢部電影係我哋公司開業15年以來最開心嘅製作。
.
香港電影評論學會今年選出6部推薦電影中，由高先電影有限公司榮譽發行的有4部電影入選，包括《戲棚》、《金都》、《大偵探福爾摩斯：逃獄大追捕大電影》和《幻愛》。《叔．叔》榮獲最佳電影，同時《叔．叔》憑男主角太保的演出榮獲最佳男演員；《幻愛》的男女主角劉俊謙和蔡思韵則同時獲得最佳男演員和最佳女演員，而《金都》則榮獲最佳編劇。
.
第26屆香港電影評論學會大獎頒獎典禮於3月5日舉行。
.
《叔．叔》將於4月23日正式上映。
《金都》將於5月7日正式上映。
《幻愛》將於5月28日正式上映。
《戲棚》上映中。
鄒榮肇 在 鄒榮肇 的必吃
第三屆【香港兒童國際電影節】將於7月28日開始舉行，今年的開幕電影有《大偵探福爾摩斯：逃獄大追捕獲》，這部動畫改編自本地作家厲河的暢銷童書，由交袁建滔及鄒榮肇 ... ... <看更多>