除咗生日飯之外，一直忙住出席各款farewell party。
大概平均每兩個月，我就有一組朋友移民。如果你問我有無覺得傷感？當然有！不過大家都係成年人，對於離開嘅決定非常尊重同心照，唔捨得但係衷心祝福wish them all the best。況且而家科技發達，隨時隨地都可以越洋「見面」，未至於要哭哭啼啼嗰一種good bye。
對比起上一次嘅移民潮經歷
實在從容好多
記得那年小學暑假，最親嘅表弟一家突然要移民，送機嘅時候喺啟德機場喊到涕泗滂沱，掹住表弟衫袖唔俾佢走。然後9月開學，期待見到同學仔嘅我返到班房心裏一沉….有1/3同學唔見咗，當中亦包括我嘅死黨，後來先知道佢哋全部舉家移民。我第一次感受到原來不辭而別可以咁透骨酸心，亦對大人產生敵意，覺得佢哋搶走晒我啲朋友。
再過多半個學期，我知道咗我嘅最好朋友下個月移民美國，心再次撕裂，死𦧲呀媽同對方家長今次一定要道別。就喺離別當晚，高度只去到成人腰間嘅兩個小妺妹喺希雲街上相擁而哭。媽咪話：「唔好阻住人，要走喇。」
我當時喊到窒息，然後問咗句：
「點解？」
兩位家長都無回答我。
以前我都會成日問點解，點解係我？點解會咁？直到而家我好少再問點解，因為對於人生一切疑問，我們永遠無法解釋，只可以選擇面對。如果可以嘅話，我希望可以回答當時嘅自己：
「人生像列車，有人上車有人落車，無人會陪你走到最後，哪怕只係一剎那嘅美好，盡力、感恩、珍惜、無悔就夠。」
對於離別
學習接受不抗拒
學懂隨緣不勉強
共勉之
#點解人生咁L難
#都話唔好再問點解咯🙃
#記住無嘢係永恆
#廢腑之鹽
#女人像鹽
#移民
#移民潮
掛住我就不如見下我
https://www.instagram.com/missyboni/
都話唔好再問點解咯 在 廣東話〔口語字〕，有幾多個你識寫？ 作為香港人 - Facebook 的必吃
而搵嚟呢啲嘅口語字，只係想畀大家認識下廣東話嘅本字，唔係想要矯枉過正，亦都唔係想令大家刻意咁用呢啲字同埋去逼人哋用嘅！ 佢：佢(=keoi5=)；他，她，它，牠〔人稱 ... ... <看更多>