【到底《#凶靈祭》可以有幾好睇？】 #到底可以有幾好睇系列
1. 真心，吹到又要開燈、又大量觀眾嚇到嘔住咁中途離場，係誇張咗少少，但堅係有料到嘅。呢種嚇人方式，對於即食觀眾嚟講可能唔係人人受落，但個人嚟講，呢套真係《午夜靈異錄像》之後，十幾年嚟堅第一套嚇到我有幾下腳軟嘅戲
2. 點解話即食觀眾頂唔順，因為抱住宣傳上吹捧到史上最恐怖電影咁滯，佢一來用偽紀錄片方式去拍，二來頭一半真係同紀錄片無異，我會懷疑中途離場觀眾唔係嚇走，而係冇耐性睇落去而走
3. 既然係Banjong Pisanthanakun，又點會流於無聊廉價偽紀錄片？偽紀錄片方式唔止引你入局，同時都令後半段嘅嚇人方式極驚人、投入感超強；前半段或者一時之間唔知佢做乜，後半段堅係驚到你手都震埋
4. 導演好清楚知道點樣去控制觀眾情緒，Jump scare就一如《午夜靈異錄像》咁得一下，都一如《午夜靈異錄像》咁嚇到全場尖叫，就算我話你聽有果一下，你都一定會嚇到彈起，但最勁係成套戲個氣氛極詭異，其實無需任何Jump scare，單靠看不見更驚心影像，令你疑神鬼先最恐怖
5. 如果你係恐怖片迷，講起最神嘅邪教電影，《V/H/S 2》果段應該令你一生難忘，呢套將邪教大屠殺重新打造，果陣打從心底發麻嘅驚慄感，最後30分鐘堅睇到心跳加速，真係會驚嘅
6. Banjong Pisanthanakun《鬼影》嘅善惡輪迴，結合羅泓軫《哭聲》嘅宗教質疑，兩者天衣無縫，甚至不斷顛覆觀眾想像，喺固有「偽紀錄片」框框下加入呢種反思性議題，羅泓軫劇力萬鈞嘅劇本絕對應該一功，都令套戲唔係單純一味亂嚇亂殺就完
7. 結局冇想像中咁出人意表，最令你不寒而慄應該唔係邪靈附體，而係你已經對一切絕望，而果種絕望，係堅可以透過影像話俾你知。Banjong Pisanthanakun同羅泓軫製造恐怖並唔係一味同你講「我要你驚！」「咁上下係時候嚇下佢哋喇！」而係做到果種陰暗氣氛會彌漫到你返到屋企。
8. 邪氣十足女主角Narilya Gulmongkolpech你唔俾個影后佢，最佳新演員係基本肯定掛？喂大佬唔駛選啦下話？癡線，佢第一套戲癲到咁樣，到底佢係做緊戲定真係鬼上身？
9. 睇得太多偽紀錄片，套戲堅係有BUGS嘅，而Banjong Pisanthanakun拍得太多喜劇夾硬加咗少少gag落去，都令人有少少出咗戲，都接受之內啦
10. 睇完套戲其實唔駛寒在骨子裡，都同《哭聲》一樣需要消化思考一下，稍後再同大家分享，只能說恐怖片迷不能錯過！
《凶靈祭》、《哭聲》觀後感可看留言連結。
想先睹為快，請即參加《凶靈祭》優先場戲票活動啦：https://bit.ly/3tBe8mO
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
邪教電影 在 [討論] 邪教可能拍電影傳教嗎？ - 看板movie - 批踢踢實業坊 的必吃
剛剛在網路搜尋咒的資料
發現很多人還是不斷的在唸咒
突然在想
既然如此
那邪教如果拍一個恐怖片來傳教
好像會有效喔！
甚至當年的教徒還存不存在呢？
咒這部片會不會是教徒或是後代拍的呢？
--
※ 發信站: 批踢踢實業坊(ptt.cc), 來自: 42.77.211.99 (臺灣)
※ 文章網址: https://www.ptt.cc/bbs/movie/M.1657507625.A.135.html
※ 編輯: meblessme (42.77.211.99 臺灣), 07/11/2022 10:48:25
... <看更多>