其實唔止一次想屌七「有左Uber，就可減輕交通擠塞問題」呢個膠論，一睇見呢篇文又即刻上火。
林忌成日聲嘶力竭講「私家車增長，其實同塞車無關」，我基本上係同意嘅（小部份唔同意有機會之後再講），因為個大前提係而家嘅交通擠塞程度，係咪會令車主無意欲揸車出街：其實而家香港車主只要覺得一無咁塞，就會有意欲揸車出街，一直去到塞車塞到揸車浪費嘅時間不如直接乘搭共公共交通工具為止，所以繁忙時間嘅馬路永遠係會處於塞塞地與唔係好塞嘅狀態之間。
呢個概念一樣可以應用響Uber上面。假若Uber係唔會好似的士牌咁有任何限制，咁即使變相鼓勵車主唔揸車轉乘Uber，響馬路上車輛嘅數量都係唔會改變──一架Uber同一架的士，試問響馬路上有乜撚野分別？你話Uber會響繁忙時間提高收費，結果咪吸引更多Uber司機響繁忙時間投入服務囉，Uber計加乘車費，係依據司機多寡，而唔係擠塞程度家嘛；最後當價格下降到一定地步時，可能一D平時唔搭的士嘅乘客，都會考慮由公共交通工具轉搭Uber了，於是繁忙時間嘅馬路，又會慢慢去番頭先我講果個Equilibrium：塞塞地與唔係好塞嘅狀態之間，而搭Uber、的士、揸私家車嘅時間，大概係比你搭公共交通工具慳倒少少咁上下。
至於「泥鯭的」式的共乘，或者真係可以降低路面車輛，但大前提係你要花時間去Matching唔同乘客嘅要求之餘，仲可能要兜少少路先能夠完成整條路線，響繁忙時間有無人願意咁樣等？仲有好多揸私家車或者搭開的士嘅人，又會願意同三四條友迫響同一架車入面？但唔迫，你又唔會降低倒路面車輛嘅數量Wor。最後肯迫果D，會唔會又係果D原本搭開小巴巴士嘅人？
所以，除非Uber真係可以將繁忙時間馬路上嘅私家車數量下降到一個決定性嘅數值，否則想用Uber解決塞車問題其實係妄想，唔該有呢D諗法嘅人快D醒；電子道路收費計劃透過將使用道路成本提高到大部份人不能忍受的程度，從而減少私家車嘅絕對數目，呢個先係最可行嘅辦法。
至於文中所謂Gaming the System，其實響香港根本未有規模同埋數量可以做倒：你諗下你要幾多%（記住係%，唔係數量）嘅司機合謀先可以推高定價？之後接唔倒大乘數嘅司機點樣可以同著數左嘅司機分贜？外國果D例子，睇下算把啦。
P.S. 原本想再屌恆D（尤其又借電車條橋抽水，真係……），不過呢個作者好似間接LIKE過我D野，咁就唯有收斂下啦（不過好似都經已屌得好勁……）
又係例牌，防止ON9當左原文係寶，貼圖不貼LINK，原文轉引下面：
====
保電車 靠Uber
香港正上演一齣「電車風雲」， 於本報副刊讀了文章《電車風情》，作者香睿剛指出，本港電車以接載人口計，比起東京都電（1800萬人次）、鹿兒島市電（1000萬人次）要多好幾倍。既然不乏搭客，退休規劃師薛國強何解仍要主張廢棄中環區電車線？
私家車增長才是擠塞主因
薛國強認為，取消了電車服務，可令德輔道中的路面空間增30%，從而減輕塞車問題。之但係，聽過運房局局長張炳良今年5月在立法會就《香港道路交通擠塞研究報告》的發言，就知道交通擠塞主因，其實是車輛數目增長太快；其中，又以私家車增幅最為驚人，佔所有領牌車輛87%。張局長仲話，按現時增長率，10年後香港私家車將達到70萬架。
可以話，如何有效減少私家車數目增長，才是交通擠塞問題的正解。思哲上星期同Uber亞洲市場拓展主管Sam Gellman傾偈，一坐低，阿Sam劈頭就話：「Uber創新在於，只要更有效運用車輛，就可以減少（整體）擁有私家車的需求。」換言之，Uber若能真正普及，可能有助減輕交通擠塞！再傾落去，我問佢有冇信心說服香港政府爭取支持，佢就話，Uber向來好樂意同任何政府溝通，目標又同政府好一致，唔覺得同政府係對立咁話。
搭Uber成本平過養車
Uber有信心減少私家車增長，理由好簡單，亦好實際：因為市民使用Uber嘅成本，很可能低於擁有私家車成本。思哲是Uber重度使用者，經常同司機閒聊，最近其中一名司機話我知，佢有位女白領熟客，月入約3萬元，每月搭Uber使費差不多7000元， 原因是把Uber當成主要代步工具，猶如私家車使用。
據了解，這位女白領家住馬鞍山，中環上班，每日往返公司、外出都搭Uber。要知道，香港汽油價格及泊車費均屬全球最貴城市之一，假設女白領選擇養車，除了基本牌費、每年維修、油錢、保險，再加每月停車場費及洗車，每月使費少不免6000元至1萬元，還未計收告票或遇上意外的支出。換言之，選擇乘坐Uber及轉乘公共交通工具，每月很可能較養車便宜。
除了成本，乘坐Uber較自駕安全，叫車近乎隨傳隨到，有司機管接送，也是不擁有私家車的重要誘因。另一方面，Sam又以在外國部分地區推行的uberPool為例，指出透過手機App技術，可找到兩位目的地鄰近的乘客、建議他們乘坐同一輛Uber，這樣一方面可為乘客減低車資，一方面減少資源重疊浪費，原理跟「泥鯭的」異曲同工。可以想像，uberPool他日若能於香港推出，將會進一步降低Uber費用，吸引更多人考慮不買私家車。
司機「Chok乘」現象
之不過，任何技術或模式再精密，亦難避免有人「gaming the system」。由於Uber向來有浮動價格的做法，即在一些繁忙時段及情況下，按市場供求調節收費，收費最高能「乘大」至3倍甚或4倍，吸引一些司機意圖人為「操控」定價。其方法是，司機在繁忙時段及地區，一齊聯手下線，由於供應量下降，有機會啟動浮動價格機制「乘大」價格，司機然後再立即上線，務求於價格回復正常之前接到柯打。對乘客而言，在繁忙時段要接受「乘大」價格固然無奈，長遠而言亦影響Uber整體服務質素及形象，希望他們盡快找方法堵塞漏洞，將定價權真正交還市場。
解決交通擠塞問題，在薛國強之外，交諮會亦提過一些建議，例如電子道路收費計劃，但建議一直只聞樓梯響，Uber以創新技術反過來趕過政府步伐，政府是否好應該認真研究如何跟Uber合作紓緩路面擠塞，提升私家車使用道路的效率，而不是廢除本來已經很高效率的電車呢？
退休規劃師 在 財務規劃師-曹岑安.An - Facebook 的必吃
休生活，以確保退休生活品質不被改變。 ✔️預約諮詢 ✔️意向申請書 ✔️規劃金額 ✔️監察人把關 ... <看更多>