關於 迷客夏荃灣 ，我們在網路上蒐集到這些相關的討論、資訊與評價

龍眼椰椰3.2 ($46)
-
五月已經開始熱到日日以汗洗面，
迷客夏新出嘅Sha樂冰系列真係雪中送炭🤣
有龍眼椰椰3.2、脆脆可可伯爵茶凍忌廉/芝芝
同脆脆出雲抹茶忌廉/芝芝三款新品，
龍眼椰椰3.2可以免費任選蘆薈、
芋圓或仙草一至兩款配料，
可惜當日太夜去到芋圓已經售罊(;´༎ຶД༎ຶ`)
據稱每杯真材實料用咗足足32粒龍眼，
將冷凍龍眼肉加入椰汁製成沙冰，
所以唔需要額外加水或冰令味道變淡，
椰汁香濃再帶陣陣龍眼嘅清甜，
飲完反而覺得因為無晒芋圓而改配蘆薈同仙草仲有驚喜，
貫徹返清爽路線應該比芋圓仲更加夾🤤

而脆脆可可伯爵茶凍忌廉/芝芝($44)
可以自由選配忌廉或芝士奶蓋，
揀咗芝士奶蓋同之前飲過嘅草莓芝芝同多芒芝芝一樣細滑，
朱古力沙冰加上榛子同薄脆片飲落有種金莎嘅感覺，
而沙冰入面嘅伯爵茶凍亦係自家製味道清香馥郁，
雖然覺得令朱古力濃度有所削減，
但爽彈嫩滑無疑令口感層次更加豐富( ´▽` )ﾉ
.
——————————————————————
📍迷客夏 (荃灣)
大河道98號如心廣場商場二期1樓111號舖
[銅鑼灣/旺角及將軍澳另有分店]
——————————————————————
.
.
.
.

手感芋圓芋泥鮮奶 ($38)
-
雖然依家唔少台式飲品店都有小芋圓做配料，
但好多都係批發急凍現成貨；
呢排迷客夏新出期間限定嘅手感芋圓系列，
據稱用咗足足三年時間研發🥸
三款飲品包括小紅豆芋圓椰香雪露、
雙Q芋圓椰香雪露同手感芋圓芋泥鮮奶，
前後已經飲咗兩次試晒後兩款🤤
私心比較鍾意雙Q芋圓椰香雪露，
配料有齊黑糖西米、芋圓同芋泥口感更加豐富，
而且加入椰汁味道醇香濃郁😍
相比之下手感芋圓芋泥鮮奶比較平實，
因為平時成日飲迷客夏嘅招牌大甲芋頭鮮奶，
而呢款其實如出一轍只係多咗芋圓，
芋泥甜度適中並保留鬆軟綿密嘅芋頭粒；
而手感芋圓比一般珍珠略細，
口感煙韌而且真材實料可以食到芋頭微粒，
細嚼之下仲會滲透出淡淡自然芋香💜
.
——————————————————————
📍迷客夏 (荃灣)
大河道98號如心廣場商場二期1樓111號舖
[銅鑼灣/旺角及將軍澳另有分店]
——————————————————————
.
.

多芒芝芝 ($42)
-
一直以嚟去迷客夏都只會飲大甲芋頭鮮奶，
終於第一次飲大甲芋頭鮮奶以外嘅嘢，
除咗芝士奶蓋之外仲有乳酪揀；
芝士奶蓋口感滑順而且豐厚稠密，
主要以奶香為重而最後會有一絲芝士鹹香；
兩杯沙冰都真材實料落咗唔少新鮮水果，
多芒芝芝嘅芒果果味清甜自然，
放多一陣待沙冰略為融化反而更加濃郁，
正常甜都唔似糖水舖嗰啲芒果甜品嘅芒果糖漿咁假或死甜，
而草莓芝芝($39)亦酸甜清爽毫無藥水感，
當中仲可以飲到唔少果肉(⁎⁍̴̛ᴗ⁍̴̛⁎)
.
————————-———————————-
📍Milksha 迷客夏 (荃灣)
大河道98號如心廣場商場二期1樓111號舖
[旺角及銅鑼灣另有分店]
————————-———————————-
.
.