龍眼椰椰3.2 ($46)
-
五月已經開始熱到日日以汗洗面，
迷客夏新出嘅Sha樂冰系列真係雪中送炭🤣
有龍眼椰椰3.2、脆脆可可伯爵茶凍忌廉/芝芝
同脆脆出雲抹茶忌廉/芝芝三款新品，
龍眼椰椰3.2可以免費任選蘆薈、
芋圓或仙草一至兩款配料，
可惜當日太夜去到芋圓已經售罊(;´༎ຶД༎ຶ`)
據稱每杯真材實料用咗足足32粒龍眼，
將冷凍龍眼肉加入椰汁製成沙冰，
所以唔需要額外加水或冰令味道變淡，
椰汁香濃再帶陣陣龍眼嘅清甜，
飲完反而覺得因為無晒芋圓而改配蘆薈同仙草仲有驚喜，
貫徹返清爽路線應該比芋圓仲更加夾🤤
而脆脆可可伯爵茶凍忌廉/芝芝($44)
可以自由選配忌廉或芝士奶蓋，
揀咗芝士奶蓋同之前飲過嘅草莓芝芝同多芒芝芝一樣細滑，
朱古力沙冰加上榛子同薄脆片飲落有種金莎嘅感覺，
而沙冰入面嘅伯爵茶凍亦係自家製味道清香馥郁，
雖然覺得令朱古力濃度有所削減，
但爽彈嫩滑無疑令口感層次更加豐富( ´▽` )ﾉ
.
——————————————————————
📍迷客夏 (荃灣)
大河道98號如心廣場商場二期1樓111號舖
[銅鑼灣/旺角及將軍澳另有分店]
——————————————————————
.
.
.
.
