到今日我都仲記起婆婆嗰句「我真係好肚餓」！
有無興趣同啲小朋友一齊去探訪長者及無家者？
「我真係好肚餓！」佢嘅聲音低沈而無力。
身形瘦弱嘅婆婆踮起腳尖，努力喺垃圾箱摷，摷咗一個鐘。
點解我哋嘅社會會令到婆婆放低自尊，喺垃圾箱內搵嘢食？
轉角嘅另一個婆婆，每日如常咁收集紙皮箱，變賣賺取微薄嘅收入。晴天如是，陰天如是，八號颱風天也如是。
或者您無見過佢努力嘅身影，或者您只喺同佢擦肩而過。
佢哋可能習慣咗被遺忘，而我哋或者慢慢習慣咗視而不見。
社會每日持續上演著唔同令人痛心嘅事。
我哋睇慣左，變得麻木，但唔代表呢啲弱勢社群唔需要被關心。我哋未必有能力幫助所有低收入人士，但我哋或者有能力請佢哋食個月餅，等佢哋過上一個溫暖嘅中秋節。
中秋節食月餅對我哋嚟講好似係理所當然，但對連食物都要喺垃圾箱內搵嘅人嚟講，佢哋根本負擔唔起。
月餅象徵著圓滿、希望，而我哋正正就可以將呢個祝福送俾佢哋。
只需26蚊，您就可以將一個奇華月餅送到佢哋手上。
今年中秋節，您願意多行一步，將溫暖傳俾有需要嘅人嗎？
請即瀏覽 https://www.agentofchange.hk/mooncakes 了解如何參與是次行動！
*是次活動我哋會將奇華迷你低糖月餅送俾深水埗、天水圍區有需要嘅街坊，包括露宿者及獨居長者。多謝奇華支持同行！
________________________________________________
加油香港基金(慈善機構)希望為基層提供廉價優質之日常必需品，關注佢哋「柴米油鹽」等生活需要。我哋亦會同唔同機構合作，其中包括深水埗明哥北河同行，以惠及百萬基層為目標，為街坊加油！
#多謝奇華支持同行 #加油香港 #加油待用 #中秋送暖月餅待用計劃 #一齊支持
迷你低糖月餅 在 低糖白蓮蓉限量版迷你月餅禮盒| Facebook 的必吃
感謝Ruth姊妹親手製作限量版月餅禮盒，支持媒體宣教事工！藉月餅上的祝福語，讓收禮者能品嚐美味之餘，更添屬天祝福。認獻月餅所得收益將撥捐支持影音使團事工，具雙重 ... ... <看更多>