曾經有同事問我：「大家都係做headhunt， General Permanent（一般長工）嘅job銀碼比較細，點解唔轉去做Banking & Finance team呢？分佣都多啲啦！」
我：「嗰類job難度高吖嘛，又要check呢樣check嗰樣。」
同事：「份份工都要reference check㗎啦，咪一樣。」
我初時都有佢呢種諗法，後來先知好多同金融相關嘅工作，單單成績好同經驗夠都未必有用，有啲甚至要通過「4個check」，包括Bankruptcy check（以前有冇破過產）；Credit check（信貸紀錄）；Criminal check(有冇坐過監犯過法)；同最後一樣就係大家熟悉嘅Reference check(過往工作記錄)，如果呢度有人從事金融行業，相信對以上「4個check」絕對唔會陌生。
我身邊就有朋友因為過唔到Credit check，結果同一份心儀嘅工作擦肩而過。佢有鋪遲找卡數癮，成日話啲錢留喺自己個袋最好喎！鬼唔知咩，至弊佢會唔記得準時找卡數呢！遲交卡數紀錄多，信貸評級自然有機會偏低，佢仲要從事金融業，呢個界別最注重員工嘅財政紀律，僱主請人時可能要求查閱應徵者嘅信貸紀錄㗎！
Banking & Finance team我就冇興趣喇，不過都會好注重自己個信貸評級，因為轉工要做Credit check已經愈嚟愈普遍，唔想信貸評級偏低而影響出路，千祈咪闊佬懶理呀，記住要準時還貸款同埋卡數，想知更多就去 TransUnion HK 環聯資訊 了解下啦！
