-我的大阪之旅part4-
近近地，去得大阪緊要去埋京都，去到咁啱撞正京寺一個月舉辦一次既跳蚤市場，賣好多食物同垃垃雜雜既野，好有年宵既氣氛，周圍買下野，食下野咁。作為一個大鄉里，嚟得京都，當然唔少得去埋好出名既清水寺見識下，搭車只係去到山腳附近，係山腳行上寺廟差唔多都要半個鐘路程，依到係一個遊客區，上山既側旁有好多賣野食，賣手信既店舖，都算幾多野睇。而沿途亦會見到好多著和服既人，當中以女仔/情侶著既會比較多。咁我行上山既時候，唔小心聽到前面一對香港情侶，都幾大聲既對話，節錄如下。
女：「終於著到和服啦，我係咪好靚呀，BB？」
男：「緊係靚啦，仙女下凡呀。」
女：「耶,咁老實既你。」
「能迴避嗎？我怕了，當那電燈膽。」就係依個時侯，我腦海中既背景音樂突然響起，就想行快兩步過佢地，免得再聽到D更嘔血既對話，閃盲我對狗眼。但好奇心係人都有，過左佢地，就當然要望返轉頭，見識下仙女既閉月羞花之貌，唔望猶至可，一望，心諗「屌你咩，仙女，鮮肉下話，仲要係上好既五花腩。」我弱小既心靈就差D嚇死異鄉，依家D人去到外地，以為冇人聽得明，真係咩都夠膽死講出口架喎。終於捱到上寺，參拜下，再去埋個錦市場，冇咩特別，再行下就返左去，咁就一日。
第二日，去得京都，近近地，亦唔少得去埋奈良。去奈良，其實得兩野樣可以做。一，就係撚鹿；二，就係被鹿撚，我目標好清晰地，直接去奈良公園，街邊都有好多賣鹿餅既人，咁隨手買左兩包仔鹿餅諗住去撚下鹿，行左十五分鐘左右，終於去到公園。入去一望，哇，好多鹿鹿呀，好可愛唷，kawai呢。依個時候我腦海又播起一首歌「鹿茸，鹿茸大補酒，係男女強身既妙品，妙品。」要撚鹿撚成日，一定要按步就班。首先我將成疊餅拎係左手，放係身後面，然後就要吸引佢地既注意，就用右手慢慢一塊一塊咁拎出嚟，先引起2，3隻鹿既注意，餵下餵下，好成功地，唔駛20秒，2隻，3隻，6、7、8隻，愈嚟愈多鹿埋嚟我面前搶食。哼，鹿始終都係鹿，一切在我掌握之中，跟住到第二步就係，咦，等等先，後面隻手濕濕地既喂？原來有隻鹿趁我唔為意，兜左去我後面，一口食晒成疊餅。
開始餵鹿:下午2點25分38秒
完成餵鹿:下午2點25分58秒
點解要咁對我，班鹿估唔到係咁有組織咁犯案，騙徒既手法真係曾出不窮。我以為好善良既鹿原來都係奸架，食晒我D餅之後，成班鹿好勢利地頭也不回，就咁走左去，我一個人呆站原地，望住自己個隻濕晒既左手，真係那年十八，母校舞會，站著如嘍囉。
去奈良，其實得兩野樣可以做。一，就係撚鹿；二，就係被鹿撚，而我就被鹿撚果個。京都奈良就係咁，暫告一段落，待續...
跳蚤 怕 左手 香 嗎 在 家裡有跳蚤，身體發紅、發癢！教你一個土方法 - YouTube 的必吃
家裡有養寵物的朋友們，家裡出現 跳蚤 的機會會比較高。如果家裡出現 跳蚤 ， ... 今天，這裡和大家分享的這些去除和消滅 跳蚤 的小妙招，大家學會了 嗎 ？ ... <看更多>