#跟住小茄去旅行 #西樵山國藝影視城
#SuperWings #超級飛俠親子主題房
詳細文章分享！！
趁住婆婆生日，我哋決定嚟個2日1夜自由行😆!扶老攜幼去旅行最重要舒服方便，我哋搭高鐵🚅由西九龍站，搭到廣州南站，搭特快不停站大約45分鐘，如果有中途站就約1小時，到達廣州南站有接駁巴士🚌（需要付費），一程過直接到影城，坐大約50分鐘就到！
#旅遊套票 我在國藝旅遊 book， 2大1細 ，Super Wings 親子房包自助早餐，連影城飛,$1000都唔使（高鐵車票另外買）
我哋入住國藝度假酒店，知小茄鐘意變形機械人，特別預訂左Super Wings #超級飛俠 親子主題房！房間入邊四周圍都係超級飛俠，房間最正就係帳篷同埋飛行棋✈️、積木枱，仲有搖搖馬🐴！床上邊仲有Super Wings毛公仔同玩具，小茄開心到爆，！
小茄每次去到酒店都一定會浸浴🛀🏻，浴缸入邊有好多🚿玩水玩具🔫，開心到不得了！
浴袍同拖鞋都有Super Wings圖案 ,實在太貼心！♥️
意想不到嘅係，酒店有大量遊樂設施！所以我哋第二日食完個自助早餐都冇出到去玩😅全程留喺酒店！設施包括包括：「功夫」主題密室逃脫、spa 會館按摩💆🏻♀️、狩獵英雄射擊遊戲、室外游泳池、室內哥爾夫球、 桌球室、兒童遊樂室、桌上足球⚽、籃球場🏀、健身室、純茶館、足球吧...仲有大人同小朋友嘅電動車🛵，係酒店範圍內任玩真係好過癮！（注意部份設施係要付費㗎！）
重頭戲就係 #西樵山國藝影視城，係婆婆指定要去嘅景點，由酒店行過去5分鐘就到喇！係著名🎞電影拍攝場地，佔地500,000平方米，超大規模！場景包括有百樂門劇場、永樂士多、🎡啟德遊樂場、南華茶餐廳、香港街、少林寺、上海街、九龍城寨、明清皇宮、江南大宅、內鄉縣衙、廣州街、火車站、電車站、孔聖園、黃大仙祠、振興武館、廣州13行等。
最震撼就係見到50、60 年代的舊香港街景，皇后大道中同埋彌敦道，唔係搭景，係全部實景！係活生生一座座嘅建築物！仲有昔日嘅英式建築、天后廟、冰室、武館，一幕幕好似時光倒流咁重現眼前！🎥荷里活電影、香港劇集《大帥哥》、《城寨英雄》，電影《葉問：終極一戰》《追龍》 都喺呢度取景！
由於地方太大，我哋租咗電動車🛵，揸住架車四圍去，慳返好多腳骨力，仲冇咁熱添🤣眼前一切都好唔真實，好似拍緊穿越劇咁！
我超級推薦大家，一定要去 #百樂門劇場 👍🏻！係上海灘嘅拍攝場景！喺指定時間入邊仲有表演睇，包括魔術、功夫、💃🏻跳舞，仲有唱歌🎤，佢哋連服裝都一絲不苟，好似返咗老上海一樣，有一刻我幻想自己係許文強，喺百樂門睇啲歌女唱歌...一路飲嘢一路睇表演，好滿足呀！
行到咁上下可以去餐廳食下野，佢哋嘅餐廳同小賣店主要售賣🥢港式食物，都好啱口味😋！
同小茄一齊去玩就梗係要同佢放下電啦！#啟德遊樂場 裡面真係有機動遊戲玩㗎！小茄玩左手搖船，🎠迴旋木馬仲有碰碰車，身高120cm以上仲可以玩埋⚓️小型海盜船、🐸青蛙跳、飛天鞦韆等，簡直就係經典重現！！好正啊！
呢個地方實在太值得去，無論公公婆婆定係小茄都玩得好開心🥳最估唔到嘅係，甚少上大陸嘅茄爸都話好玩，返到屋企即刻睇翻煲「追龍」，影藝城入邊嘅睇九龍城寨實景真係好正！！佢仲話要再去多一次深入研究🤣
_________________________________________________
多圖分享：https://www.faceDe Novo Group15690771037/posts/1139662112909720?s=548190376&sfns=mo
西樵山國藝影視城
地址：佛山市南海區西樵鎮環山路與山南路交匯處
開放時間︰9:00am ~ 6:00pm
網址：www.nastudios.cn
佛山國藝度假酒店
地址：佛山南海區西樵鎮環山大道
#國藝影視城 #國藝暑假親子遊
#國藝暑期套票 #國藝旅遊
#國藝渡假酒店 #denovopr
De Novo Group
跟住小茄去旅行 在 #跟住小茄去旅行 - Jelajah | Facebook 的必吃
趁住婆婆生日，我哋決定嚟個2日1夜自由行 !扶老攜幼去旅行最重要舒服方便，我哋搭高鐵 由西九龍站，搭到廣州南站，搭特快不停站大約45分鐘，如果有中途站就約1 ... ... <看更多>