【肥波去街街】尖沙咀 京都抹茶庵
#一個人開飯系列 #自費 #尖沙咀 #京都抹茶庵 #超主觀食後感
本來果日係想去食「宏 Hiroshi」嘅，
點知去到K11先發覺果度只係外賣店，
有得坐果種餐廳要去到The One或者黃埔花園先有。
因為之後有約，所以隨便喺K11亂行，
見到「京都抹茶庵」同樣係主打抹茶甜品嘅就入咗去。
先叫咗個「抹茶流心蛋糕卷」($68+10%)，
睇餐牌嘅相蛋糕卷中間有抹茶流心嘔出嚟，
但實物係無流嘢出嚟㗎，形狀仲係扁扁嘅，
唔知係唔係有人想㩒扁佢咇啲嘢出嚟咁解。
碟上有一細篤紅豆蓉，蛋糕卷上面灑咗糖霜同抹茶粉。
紅豆蓉偏甜，除咗蓉都有一粒粒紅豆嘅口感，
質地正常，味道無咩特別。
蛋糕卷嘅蛋糕鬆軟、唔乾，食得出蛋味同淡淡抹茶味。
白色係普通忌廉，質地濃厚、幼滑，唔算甜。
中間綠色就係所謂嘅「抹茶流心」，
但明明就係抹茶忌廉，哪有流？！
抹茶忌廉唔甜，幾濃抹茶味。
成舊蛋糕卷一齊食，味道都好夾，唔甜，食完有抹茶回甘味。
可能就係個蛋糕卷唔甜，所以個紅豆蓉要咁甜。
味道唔錯，不過一定唔係流心，而且唔算特別難忘果種好食，
加埋一要HK$74.8一舊我就覺得有啲貴，
當然出面好多食蛋糕嘅地方都要幾十蚊一舊，
不過有啲專做蛋糕嘅地方，小小一件餅都四五六層，
好多功夫同技巧，如果呢舊唔知呃人流心定失敗流心嘅都係咁上下價錢，
相比之下就好似平凡又簡單咗啲囉，伏就唔算嘅（假設流心唔重要）。
另外叫咗杯「粒粒紅豆抹茶冰牛奶」($52+10%)。
上枱時有一隻裝咗紅豆抹茶冰嘅杯，一小jar牛奶，同埋一舊焙茶啫喱。
店員教嘅享用方法係將牛奶倒入紅豆抹茶冰果個杯，
畀啲時間等啲冰溶，唔使篤佢，溶咗攪勻再飲。
成件事真係好on9呀！！！
紅豆抹茶冰係凍嘅，牛奶係凍嘅，
我等乜柒呀，等佢變唔凍呀？
知唔知點解冰會溶呀，因為唔夠凍囉！
設計果條友有無常職㗎？！
點都好，我就跟你講等佢溶撚晒我先飲…
等咗25分鐘，我食撚埋舊蛋糕覆咗幾個email，佢都未完全溶晒，
把幾火攪溶佢，一飲，心諗「佢老味吖」，
真係一啲都唔值得等。
紅豆散晒，抹茶味好普通又淡，啲奶都唔係乜嘢特別靚嘅奶，
好似用個裝完紅豆蓉未洗嘅杯倒咗啲溝稀咗嘅抹茶latte落去嘅感覺。
可能佢本身好on9我對佢有偏見所以講到咁不堪，
咁真係好on9吖嘛…
你收我三四十蚊上枱即刻畀我飲仲要夠凍嘅我唔會投訴，
但你而家收我五六十上枱要等咁耐先飲得仲要唔夠凍嘅，想點啫？！
呀，漏咗唔記得跟個奶送嘅焙茶啫喱，
好聽啲就寒天質地，其實即係大菜糕渣嘛，仲要無味嘅，唔好食。
食完之後google下，原來間嘢鬼鬼地。
費事又長篇大論乜乜柒柒，有興趣自己睇：
HK01報導：港「丸久小山園」認非直營店 改名「京都抹茶庵」
https://www.hk01.com/…/%E6%B8%AF-%E4%B8%B8%E4%B9%85%E5%B0%8…
日本宇治丸久小山園 有關香港店之聲明
http://www.marukyu-koyamaen.co.jp/information/?p=360
屌，我真係好OUT！
店名：京都抹茶庵 丸久小山園日本茶販売店
地址：尖沙咀K11購物藝術館2樓211號舖
京都抹茶庵 丸久小山園日本茶販売店
