【香港戲院繼續封到1月6日】
未到1月31日前，香港人走得的都走，相信每個人身邊總有唔止一位朋友會去英國，或者whatever邊度，而香港政府為咗唔俾你走，就封埋來往英國航班，只係唔封關，攬炒之意如常明顯不過。
今日夠爆嘅除咗英國單嘢，都將禁堂食、「13類表列處所」嘅時限延到1月6日，換言之影迷已經正式告別2020年戲院。最後，受影響嘅戲唔止《神奇女俠1984》同《小飛俠與愛麗絲：魔幻奇緣》，仲有《靈魂奇遇記》、《拆彈專家2》、《金氏殺機》、《複製人徐福》、《腿》，而目前1月7號排片有《赤狐書生》同《入住凶宅請敲門》，呢堆大片會真係「戲院一開」即上畫，定還是等到賀歲檔？
今年我諗大家體會最深嘅嘢係，有好多嘢你往往嚟唔切做正式告別。突然「冇budget」即日被炒你連同同事正式道別機會都冇、朋友突然移民你連見佢最後一次機會都冇、明明話咗大家要去某某隱世餐廳食，但原來已經捱唔住疫情執咗。如我成日所講，好多人總會講下次下次，過兩日先囉、下星期先囉，但好多嘢就喺你彈指之間消失，下次下次，原來已經冇下次。請活在當下，做得到就做咗佢（相關文章可看留言連結）。
2020年告別戲院，我冇嘢寫，或者會提前寫埋十大電影文章，諗緊加唔加埋Netflix，唔係我應該出唔到「十大電影」，唔知你最後一套戲院睇嘅戲係咩？
我係無法喺2020年上映嘅《一秒拳王》。
圖為《拆彈專家2》截圖，我覺得好適合今日個情況。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
