呢排氣溫高至30度以上🌞，去商場嘆吓冷氣消遣都係一個好活動！ 最近睇到朋友嘅Facebook相，原來T Town呢期化身成亞馬遜雨林🌴🌵，見場地好特別，同埋佢哋啲小朋友玩得好開心，就帶咗小豆「嘆住冷氣」去熱帶雨林歷險😆! 商場同「香港兩棲及爬蟲協會」合作，舉行領養日及飼養講座， 可以俾佢體驗大自然生態，從中亦可教導佢愛護環境👍，邊玩邊學習。
平時通常大人睇住小朋友玩多，但今次入面有個空中吊橋VR遊戲可以俾大人小朋友一齊玩，我自己都玩咗幾次，刺激又過癮😆
另外場入面仲可以用手機掃描QR Code去儲爬蟲動物🦎🐍，除咗可以了解爬蟲特性之外，儲齊指定數量仲可以換禮物🥳 若然小朋友仲未玩夠，可以去埋附近嘅香港濕地公園繼續放電，至緊要玩得盡興👏👏👏
後記：我哋喺T Town換咗張戶外摺椅，下次去海灘可以帶埋去坐！
#豆媽暑期推介 #小豆森動歷險記 #TTown #天水圍 #熱帶雨林小動物 #VRgame驚險刺激 #關注環境保護 #遊戲教育
