//支持本Page請Click入內文比Clap，已為Medium收費會員請直接Click入內文閱讀，謝謝！//
選前已講過，由於區議員功能非常有限，所以和其他泛民主派支持者不同，我對區選勝負的心態從來是以平常心看待：相比為建制派近乎連根拔起而歡呼，我立刻會思考的是究竟中共與特區政府會如何反制；而若要我為建制派候選人落敗而興奮，大概要等到接任的非建制派真的幹出明顯的分別來。
但有兩件事幾乎可以肯定的：1. 選舉大勝是因抗爭、尤其是由於勇武派的最大包容與犧牲而來；2. 基本上投票支持非建制候選人的新選票，全都是出於對抗爭者的同情與支持
所以無論區選結果如何，作為勝選區議員，他們在上任的首要考慮，都應為如何利用自己新獲得的民意授權，前往目前最危急的抗爭現場：理工大學，盡力作出拯救和聲援。
但好可惜的卻是，在選舉後的翌日星期一，據李慧玲的查詢，真正有前往理大聲援的新任區議員就只有150人左右，連一半也沒有，甚至乎有未出席的區議員講明，是因為有支持者表示不應前往理大「冒險」所以缺席。
「因為怕被DQ而唔去理大係大錯特錯──響今日呢個情況，新任區議員去理大係絕對值得、應該去做嘅事；為咗議席而唔去做嘢，係白費選票、係本末倒置；所有選民應前往質詢區議員有否去理大，持續監察佢地有無行差踏錯，做錯事更加要譴責」
聽落去好似鬧開飯民嘅口吻係咪？但Sorry唔係我講，而係一向係泛民死硬派嘅李慧玲響佢個直播語重深長講出黎：因為經歷過兩次補選挫敗，反而更加明白今次嘅勝利係建基於乜嘢基礎，出現極大嘅危機意識。
但其他黃屍飯民嘅智力水平似乎並無起息：呢班飯桶竟然響選舉過後第一件事，就係走去叫新任區議員盡量忍讓、唔係挑起事端惹來DQ風險；又叫泛民區議員先做好地區工作、唔好辜負選民期待；甚至話當選第二日起，就應該為四年後連任作好打算……睇完呢啲留言我當堂就打咗個突：
1. 乜飯民之前唔係話今次選舉可能係最後一次選舉，以後可能無得再投票咩？點解選完第二日經已係滿腦子諗住下屆點樣連任？即係之前講嘅嘢全部只係恐嚇同埋呃人？
2. 之前區選前夕，呢班黃屍飯民就不停叫人唔好衝、好等區議會選舉順利舉行，等班泛民區議員當選之後走黎救手足；然後佢地當選之後就反而叫佢地千祈唔好再出黎？即係點？係咪當選咗就賣甩班抗爭者當義士係Condom，定係原來有咗區議員呢個身份就身嬌肉貴、高人一等，比人拉比人打就留番啲爛頭卒去做？
選前叫人忍讓，選後又叫人忍讓，咁幾時香港人先可以唔再忍？咁即係話區議會選舉，反而仲要削弱咗抗爭力量？
3. 乜你以為今屆區議會大勝，係因為候選人啲地區工作做得好？如果係咁點解會有人用一張手寫政綱簡介打贏盤踞多年嘅前區議會主席？點解有人選前身處理大十日，完全無參與拉票仍然可以贏？
而家唔係話區議員就完全唔駛做地區工作，唔駛去區議會開會，但有無諗過相比起2020年先正式開始嘅會期、四年幾後先至再黎嘅選舉期（如果仲有得選），而家係有更重要嘅嘢要做？
唯一令人欣慰嘅係，當日至少仲有150個新任區議員未有忘本，而當佢地前往Poly後，其實佢地嘅出現，亦給予咗警方更大壓力，令理大校方可以作為籌碼爭取更大讓步：包括要求所有離開嘅抗爭者只登記資料而不予拘捕；甚或至撤除包圍，重新容許理大學生進入校園──講開又講，之前果班話區議員去理大就等如被DQ送頭嘅飯民黃屍，點解無一個會現身理大阻止班區議員「做傻事」？原來全部都只係9噏嘅冷氣軍師？
再講一次，選舉結果從來只係一個起點，抗爭勝負先係真正嘅終點。過半數嘅泛民區議員，其實同《香港民主及人權法案》一樣，都只係一把無子彈嘅槍，可唔可以開槍打死共產黨，都要睇美國同香港嘅議員可以去到幾盡。我一直唔睇好區議會可以產生大作用，除咗因為區議會權力有限，更重要嘅卻係大多數區議員個意識仲係停留響地區保長層面，根本無諗過要同共產黨搏命。
而家經已好多人經已響度吹風，話要搞埋啲乜嘢區議會「長遠規劃」、又要委任獨立核數師查過往區議員盤數，又話要響地區深耕細作、召開乜撚嘢18區議會。陳彥霖、周梓樂，甚至好多可能死得不明不白嘅義士嘅仇點樣去報，卻無人去提。
我最擔心嘅係，就算有好多新任非建制區議員本身係有幹勁同心繫抗爭，最後都會比下面果班飯民黃屍，將區議員當成自己「櫃桶入面嘅私人玩具」，響佢地脅逼之下斷絕對抗爭支援而專心搞所謂「地區深耕細作」，而我都唔講共產黨下屆點樣揸住無限維穩資源作大反攻，剩係今次抗爭失敗，特區政府全面清算，到時就真係如呢班飯民黃屍所言，大家其實就係投緊香港選舉史上嘅最後一票。
議員功能 在 【立法群英再出發】功能界別- 勞工界：郭偉強議員 - YouTube 的必吃
功能 界別- 勞工界郭偉強議員- 香港第七届立法會議員- 東區區議會議員- 工聯會成員. ... <看更多>