【屍人屋苑】病毒變種、喪屍橫行，一個怒人找回自己的故事…（上）
「趙sir，要撐住呀！我同班兄弟已經過緊嚟救你！」
「唔好理我啊！老沙……嗄……我跌傷咗條腰郁唔到，同埋呢度環境好惡劣隨時會爆炸，你哋趕去救其他市民仲好啦！」
「你覺得我勸得掂班細嘅？而且係你話㗎，每次入火場都要全隊人齊齊整整出返嚟……」
「講係咁講，都要面對現實……」
「現實係你個仔只係啱啱中學畢業。趙sir……阿嫂已經走咗，你真係忍心佢變成孤兒？」
「你哋真係……」
轟隆──！
猛烈嘅爆炸聲將我由夢境拉返嚟現實。明明已經係好多年前嘅經歷，但當時嘅場面到呢刻依然係歷歷在目。
我慢慢用雙手撐起身，並冇因為醒返而鬆一口氣，因為迎接我嘅不過係另一場惡夢。
我叫做趙凱林，係一名退休消防員。多年前拯救一場四級大火嘅時候不慎遇上樓層倒塌，成個人由三樓直跌落地。雖然一班兄弟冒死救我出火場，總算執返條命，但因為脊髓嚴重受傷搞到下股癱瘓，結果都只能提前退休，之後嘅日子一直靠退休金過活。
記得受傷之前，局入面班伙計都好鍾意叫我「怒人」，出晒名係老馬有火、敢博敢捱、發起惡上嚟仲恐怖過真火……所以當內心場「猛火」俾現實強行撲熄嘅時候，我嘅人生就好似突然失去咗意義。
唯一堅持落去嘅理由，就係要照顧我個仔阿鋒──講起就無奈，明明大學考得唔錯，但佢偏偏要行我舊路走去報消防。無耐就喺醫院識到而家嘅老婆阿霞，三年後註冊結婚……雖然係失去咗雙腳，但能夠留住條老命望住所有嘢發生，都算係不幸中之大幸。
但好景不長，當然強行要比較嘅話我哋已經算幸運嘅一群──記得「Ｗ流感」變種導致喪屍大爆發嘅前夕，阿鋒正好帶埋阿霞上嚟食飯，順便向我報懷孕嘅喜訊。
呢晚我哋兩父子有飲酒慶祝，阿鋒見狀所以決定唔揸車Call的士。結果一直都走唔到，誤打誤撞咁避過一劫……
🔽全文連結（需訂閱），入去前用幾秒俾 like 同分享下呀：
https://bit.ly/3zbmXFP
＝＝＝＝＝＝＝＝＝＝＝＝＝＝＝＝＝＝＝
《屍人屋苑》作為訂閱故重新出發。之前休息嗰段時間諗咗個幾有趣嘅發展同結局，由今日開始慢慢呈現俾大家。有能力，又認為文字有價嘅朋友，不妨訂閱下 Patreon，將你哋嘅支持原原本本咁交到我手上。
如果想緊貼我嘅資訊，亦都可以去 follow 埋 IG：echoofheart
【更多故事】
▶️《無異之局》（公開）（連載中）
https://bit.ly/3lZqT8V
▶️《扮工鬥室》（上半部）（已完成）
https://bit.ly/3y7CC7R
▶️《迷離短篇》（足本版）（連載中）
https://bit.ly/3B3zT1a
