#親子韓燒餐廳
#Playhouse
有得玩又得食嘅親子餐廳，香港少之又少。所以一直以來都想帶我個小吃貨仔仔黎呢間餐廳，今日終於黎開餐啦！
進入餐廳後，仔仔已經眼甘甘咁望住個Playhouse 😍。小朋友玩playhouse+兒童零食+韓服體驗+清潔費，收費$130。
正值Lunch Time肚仔餓，坐定定用手機叫左野食先😋 睇睇個Menu，都係叫set最方便又抵食🍽
落完單，沙律同五小碟前菜隨即送黎，侍應姐姐仲即場响我地面前放左芝士粟米同泡菜蒸蛋响燒烤爐兩邊。（以上呢幾樣食物除左沙律之外都可以無限免費添加😋）
🍴開SUM 夏曰套餐 $588
（月見和牛肉扒，醬油五花肉，墨魚，蔥蒜牛五花，單骨雞翼，牛小排）
推介推介📢
🔸️墨魚好新鮮-就算我失手睇少眼燒耐左，都唔會硬。
🔸️蔥蒜牛五花-一口一啖嘅size，放入口後肉汁爆出，好淋好入味。
🔸️醬油五花肉-薄薄長長一片，燒幾十秒反一反再燒就食得，快靚正又脆口。
🔸️月見和牛肉扒（澳洲）-成個餐嘅重點！足足有成隻碟咁大塊😍 紋油花分布均勻，入口即融而不油膩。
🍴韓國大蝦
4隻大蝦size成隻手掌咁大，侍應經姐話唔駛燒到全熟，呢款蝦可以生食。啖啖肉味道好鮮味😋
🍹食韓燒當然唔少得叫杯透心涼飲品，呢度飲品大大杯好抵飲🥤
🍹青檸梳打 $38
青檸開胃消滯，冰涼入心。
🍹柚子檸檬梳打 $38
酸酸甜甜加埋有氣梳打配合韓燒飲用一流。
食完埋單，侍應比左個金幣仔仔去扭蛋，小朋友有得食有得玩仲有小禮物帶走，呢餐韓燒大滿足。
環境：
全卡位四人座，座位闊落。
部份位置為包廂，私隱度高，包廂座位需預早訂。
炑八韓燒親子餐廳
#炑八 #炑八韓烤 #Meokbangbbq #먹방 #韓國菜 #韓國餐廳 #韓國燒烤 #韓牛 #kid #kidzone #playground #韓烤 #遊玩區 #親子 #親子餐廳
親子韓燒餐廳 在 炑八韓烤親子餐廳Meokbang BBQ Kidzone - Facebook 的必吃
炑八韓烤親子餐廳Meokbang BBQ Kidzone, Kwun Tong. 3524 likes · 39 talking about this · 2229 were here.... ... <看更多>