《銀河的唯一 西維爾對車路士歐聯賽後分析》
.
大四喜，亦成為藍軍歷史以黎首位歐洲賽同場連入四球既球員，同時成為歐聯歷史上年最大完成帽子戲法既球員，基奧特喺一個晚上為歷史留上印記，助車路士擊敗同組另一勁旅西維爾後，意味住下場分組賽最後一場賽事經已確定可以作出輪換，為頻密賽程中獲得一點喘息空間。
.
林伯特喺今場波作出唔少調動，安排唔少主力球員好似添姆雲拿、薛耶治及蒙特等人先列後備，復用奧岱、基奧特配合佩利錫為正選，中場方面亦換入夏弗斯配合高華錫以及佐真奴為三中場，後場方面亦作出相多大幅度輪換，同時換走四名主力，分別用上魯迪加以及久未露面既基斯甸臣為中堅組合，左右二閘就分別係艾馬臣以及隊長艾斯派古達，而門將位置就繼續源用文迪，基柏繼續未有得到上陣機會。
.
如果單以比數黎睇你可能會以為車路士喺全場賽事中佔據主導，不過現實場境卻正正相反，係由主場既西維爾搶佔左唔少控球率同主動權，不過車路士勝在能夠把握到入球機會，喺少數射門機會之下都一一由基奧特射入，亦令到喺場邊教練席既林伯特拍手叫好，而「銀河唯一」亦用表現証明自己比起上場對熱刺頻頻浪費機會既艾巴咸好，林伯特實在有必要提升基奧特既上陣時間。
.
講番場波，藍軍繼續源用一個偏向433既陣式，雖然換上唔少後備球員，不過喺排陣內容上無乜太大改變，依舊利用壓迫製造反擊機會，不過睇到後面方面喺捷維爾缺陣之下，今場波缺少左過往主要由左路發動攻勢既畫面，以艾馬臣既能力黎講實在難以作為球隊第一點，相反就將哩個責任落入魯迪加身上，負責由後場組織攻勢，以短傳或長距離傳送到兩翼作方向性指標，而文迪亦喺施華缺陣之下擔當更多提場協防既責任，多次見到佢出聲提醒隊友釘人位置，希望確保防線能夠繼續交出穩妥表現。
.
而林伯特及後亦陸續安排後備球員上陣攤分體力消耗，喺車路士陣容完整下亦有需要為球員保留體力減少受傷機會，加上大勝一場亦有助球隊提升信心，為下場聯賽回歸主場迎接球迷入場對戰列斯聯前打下強心針。
.
《岩睇既比個Like支持我地啊！》
作者 : BluexLion車迷手記
-------------------------------
同場加映《令車迷們「瘋狂」的一個暑假 淺談藍軍大灑金錢的一個轉會窗 – 中前場篇》
https://bit.ly/3esVUMS
.
#Chelsea #車路士 #西維爾 #歐聯
https://s.fanpiece.com/gtYhqyo
