//支持本Page請Click入內文比Clap，謝謝//
//理論核彈，請廣傳：對於呢班政棍及其支持者一切狡辯都毋須糾纏，只問佢一句Yes or No Question就得：「你究竟支唔支持美國全面制裁香港？」只要答No，就係賣港//
//最新消息：葉建源承認，飯民與建制派達成勾結共識，支持要確保香港特殊地位，制裁只能限於個別政府官員，而不能制裁整個香港//
早前四名飯民議員楊岳橋、葉建濕、涂謹申與郭榮鏗聯同建制派葉劉及鍾國斌前往美國訪問，並向當地議員解釋香港狀況。在訪問行程完結後，葉劉淑儀表示6名訪美議員已達成兩大共識，包括不希望因中美貿易戰而傷害香港和港美互惠互利的關係，及不希望美國有任何措施制裁香港。
去到執筆之時，我仍然未睇倒呢幾位飯民主派代表有任何辯解，但對於佢地同建制派有呢種共識同立場我係並唔意外，因為呢班政棍響響8月13日正式出訪美國前，經已明確表示：「強調此行只是清楚道出香港事實基礎，而美國國會決定如何處理是對方的事，他們並非做說客。」
即係如果你係死硬黃屍，當然可以死兜話：
「咁班飯民議員都有向美國議員詳細解釋香港而家發生咩事呀，其實都係推動緊美國關注香港問題，最尾咪一樣有效！」
的確，如果而家係承平時期，呢種講法或者無錯；喂大佬，但而家係打緊仗呀！差佬尋日經已開槍啦！你仲響面目模糊玩客觀？
呢度同大家補一下課，《香港人權與民主法案》唔係一份國會一通過咗，就立刻可以對香港進行制裁嘅法案黎架！入面雖然有提到支持2020年香港應該要有真普選，但支持唔代表你無就要制裁，講到尾呢條法案只係一件武器擺咗響度，用唔用仍然係要視乎美國總統同議員認為有無需要──喂，呢個咪臭係你班飯民議員訪問美國嘅真正任務囉！就係要游說美國議員響呢條法案通過之後，唔好將《香港人權與民主法案》當裝飾品擺響度，而係要上彈兼開槍呀！
又有黃屍話：「涂謹申接受商台訪問時已講過《香港人權與民主法案》多數通過，即係完成任務啦！做咩仲要追住佢地黎打？係咪玩分化、玩割席？」
呢種講法亦係多餘，知唔知響呢班垃圾會議員訪美之前，人地美國國會已達成跨黨派共識，一定要響復會後通過法案呀？吊你老味你班飯民議員去完美國遊埠，番黎就話「法案多數會通過」，咁同除褲放屁有乜分別？即係每個月比十皮嘢你經已票又唔投、會又唔開，而家去美國叫你游說議員制裁香港又唔撚做，剩係轉述美國國會多數通過法案，咁我搵個記者去都得啦？要你班垃圾會議員做乜撚？響呢個風頭火勢，唔盡力為香港捍衛民主、放軟手腳嘅，等同建制派勾結！
提醒番大家，而家香港有唔止一個市民被打爆眼、一位義士仍然昏迷未回復意識、七百幾人被捕，當中有百幾二百人預咗會被判監禁，刑期隨時以年計，然後仲有無數咁多抗爭者受咗大大小小嘅傷……佢地為咗乜嘢？其中一樣就係想帶住個訊息比外國知，而家香港狀況有幾絕望、特區政府有幾獨裁、共產黨有幾無恥，而外國最有效協助香港嘅方法，就係要各種制裁威脅中共政府，要佢就香港問題作出讓步。
再簡單啲，知唔知咩叫攬炒？
因為成個向外國求援個精髓就係要促成國際社會制裁中國同香港（記住，係制裁成個香港，唔係幾個政府官員！對中共黎講，換人幾咁閒！），不惜同中共特區政府齊齊攬炒呀！然後你班飯民去到美國就縮？
其實飯民議員為保選票，對於香港前途問題面目模糊已唔係第一次。楊岳橋開口埋口「司法制度有險可守」、梁家傑話「一國兩制殘而不廢」、郭榮鏗「全力游說美國繼續保持獨立關稅區地位」，一貫都係呢班藍血中產政黨嘅立場：總之爭取民主唔緊要，唔好影響倒我地專業人士搵錢就得，而垃圾會議員個個月九萬八就更加唔捨得，要我地飯民同香港攬炒，就一撚定唔得！
響呢度亦都要再清晰界定一下咩叫「不分化、不割席、不譴責」原則：不分化、不割席只係限於大家都係響同一目標邁進時，即使遇到路線有分歧，彼此都盡量容忍。但並唔包括有人放軟手腳瓦解抗爭、又或者為求一己利益／選票而出賣運動。
涂謹申葉建源郭榮鏗楊岳橋作為香港整個抗爭運嘅代表，錯失游說美國制裁香港「攬炒」嘅寶貴機會，甚至私底下同葉劉鍾國斌達成共識，呢啲係叫通敵行為。而家分化成場抗爭運動、嘅就係呢四條政棍，點解譴責佢地反而係分化割席？
佢地四個要澄清好簡單，一句到尾，支唔支持美國制裁香港，齊齊攬炒？Yes or No，係人係鬼，即刻睇清。
講到尾，飯民就係唔想得失中間選民，議席月入九萬八比民主自由人權都更加重要。響呢個時候，唔該唔好再問，對於呢班政棍，點解血債，係要用焦土償還。
