其實我同marketing嘅關係絕對係唇齒相依，做完一隻廣告之後都會friend咗，甚至互相訴苦。
上星期交咗隻1st draft，我寫「隔靴搔癢」，個客話我有typo，應該係「隔靴騷癢」，唉......做咩細個唔畀心機讀書呢？我冇理佢，改咗其他嘢之後send咗個2nd draft，佢又send多次email嚟，話「隔靴搔癢」個「騷」字未改。
我驚自己太衝動開佢波，所以打咗畀一個相熟嘅marketing呻，諗住降下溫先：「喂，如果你個客唔識字，你會選擇正面抽擊吖，定係兜個大圈去教育佢呀？話明係搔癢，梗係用手R㗎啦，剔手邊好容易聯想到啫。」
Marketing：「哈哈，你試下網上cap圖，話check過典故，唔好串得佢太應呀，好玻璃心㗎。」
過咗兩日，輪到呢個marketing打畀我求救：「幫幫手諗下吖，有個客好麻煩，要搵夫妻檔Artist拍廣告，suggest咗幾個都話唔啱，搞咗3個月喇，勁高要求囉，有冇提議呀？要好恩愛嘅，感覺要好warm，一直都冇負面新聞，兩公婆都要形象健康。」
我：「高要求呀？Um......張智霖袁詠儀囉，陳豪同陳茵媺都得呀！」
Marketing：「如果係咁容易，我就搵咗張繼聰同謝安琪啦！個客話budget三萬咋，又冇錢又高要求呀，好似你平時headhunt份工啲客咁。」
我：「冇錢又要高要求呀？3萬幫佢搵碧咸同Victoria一齊拍好唔好？」
不過講到同Marketing夾廣告，又點可以唔提植入式嘅「業配文」吖，好多時個客話可以soft啲，講故事植入產品，咁梗係好啦，起手寫個真實經驗再帶落廣告嗰度，點知客人最後一刻嫌太長想trim down，第二、三、四段統統唔要，第一段之後就直接sell件product啦！
吓！吓！吓！
有時又會聽到個客話：「品牌名太後先出現喇，可唔可以第一段，或者第一句就開名呀？」
吓！吓！吓！吓！吓！
呢啲想爆嘅時候，我又會搵marketing呻：「其實我都唔明，搵得我寫，應該知我style啦！你要hard sell搵cctvb吖嘛，求其一個明星拎住件product話好好用咪最直接囉！我去睇個客嘅page仲好笑，幾十萬個followers，但每個post得幾個like，你買followers買到一億個都冇用㗎，平時啲post唔好睇始終冇人like，搵得我又要跟你嗰套，咁都係一樣咋喎，你寫得好過我就唔使搵我做啦！」
Marketing：「唔使咁激動，有啲大公司始終係old seafood掌舵，佢哋後生時得電視同平面廣告，冇得睇受眾即時互動，唔似而家用社交平台咁，所以佢地淨係識hard sell同自high，下面班細又只可以聽指示，最後咪會咁囉，行業生態嚟㗎。」
植入梗係要不知不覺同埋自然啦！有冇聽過ICL植入式隱形眼鏡？你做完之後，自己同埋其他人都唔會睇到ICL鏡片，只係得眼科醫生通過特殊儀器先知道你接受咗視力矯正，植入咗你都唔知呀！ICL植入式隱形眼鏡用於矯正高度屈光不正 (近視或遠視，有或冇散光)，特別針對角膜唔適合接受激光矯視嘅患者，佢嘅製作材料Collamer®係一種具有高度生物相容性嘅先進晶體材料，含有少量純化膠原，喺眼內唔會引起任何反應，仲具備紫外線過濾功能，可以保護你雙眼。
有時遇到好似Hong Kong Laser Eye Centre 香港激光矯視中心呢啲好客，畀我用自己風格發揮，將佢嘅產品同埋服務推廣出去，寫嗰個又開心，睇嗰個又舒服，植入就係咁解之嘛！
如果你有需要，可以去以下連結了解更多，甚至介紹畀有需要嘅朋友。
https://www.hklasereye.com/tc/laser-vision-correction/ICL
袁詠儀 高度 在 袁詠儀身高2023-在Facebook/IG/Youtube上的焦點新聞和熱門 ... 的必吃
張智霖老婆、港姐袁詠儀，身高170cm,身材高挑美腿撩人，氣質出眾... 袁詠儀身為1990年的「港姐」冠軍，是娛樂圈難得的外貌和演技俱佳的女演員。《新不了情》 . ... <看更多>