有兩件事想講。
第一件係黃碧雲
一時間叫你諗一啲最受歡迎嘅泛民議員，你唔係咁容易諗到，除咗朋友鄺仔之外，講真我都唔係咁易諗到第二個。又，如果鄺仔自立門戶，我是願意金錢上支持佢
但係，有三個人相信係非建制陣營最討厭嘅三個最大公因數
佢哋分別係白頭佬、黃碧雲同楊岳橋。
即使民主黨中委投票，都係攞最多反對票，唔通你又話民主黨入面嗰啲中委係分化，係鬼，係熱狗，俾人滲透。
白頭佬、黃碧雲同楊岳橋都有被討厭嘅理由。最簡單來講，佢哋連一個議員應該要盡嘅本分都冇做到，白頭佬棄甲曳兵放棄做主席，其他嗰兩個成日關鍵缺席，投棄權票又或者投錯票。呢啲都係冇得抹煞嘅。
如果當初係袁海文出，大家都唔會咁反感，覺得比多個機會後生仔
第二個想講嘅係袁弓夷
你話我係咪好認同袁爸爸所有嘅論述，咁當然唔係啦，但係你會感受到係非建制陣營嘅聲音都幾單一。
袁爸爸自己彈起左，其他非建制youruber就馬上口誅筆伐，個原因好簡單，就係因為佢唔收錢都可以做到嗰啲要收錢嘅人先做到嘅嘢，而且做得更加好。佢去美國游說，會面班農，唔需要眾籌攞一分一毫，全部都係用自己錢自己資源
上年其中有一位YouTuber都彈起咗，我自己都好欣賞佢，佢就係白兵。
當時佢做一啲解說類嘅短片非常好，例如講咩叫智慧燈柱、咩叫社會信用系統之類，佢都講得非常之好，亦都有幾十萬點擊。
但係當佢哋對腐敗左嘅議會制度表示唔信任嘅時候，成對人就群空而出話俾佢白票兵，全部都係有組織嘅攻擊。後期連佢係一間100尺嘅房拍YouTube，或者佢嘅學歷同以前嘅工作都成為俾人攻擊嘅點。
佢哋嗰種講法係好難聽，論述亦都唔係最好，但事實證明佢冇大錯，區議會只係一個民政諮詢架構，好多嘢都做唔到。五大訴求未嚟到，港版國安法已經預先出台，泛民主派議員根本都冇嘢做到，甚至乎張舉能議案，佢哋都唔係立場一致反對。
依家攻擊袁爸爸嘅套路同大半年前攻擊白兵嘅套路太一致。現在白兵嘅關注同點擊跟高峰時期相去甚遠，都理解好多人唔鍾意佢，但係起碼都對佢公平一點
我自己啲YouTube都係垃圾到不堪，平均幾千，從來都唔係嗰個圈子，不過我覺得聲音應該多元，唔應該封殺或者老屈人哋
掌握最新最精闢金融經濟資訊，立即訂閱《金融經濟精神食糧》
逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署：https://prime.fortuneinsight.com/web/muddydirtywater
Patreon: https://www.patreon.com/muddywaterfinance
