倪辰轉行做財經主播 獻計熱炒『姜幣』投資
虛擬貨幣商店Coingaroo隆重開幕，特意邀請倪辰 Lala、楊芷羚stella（造美人冠軍）、張育玲 Kathy （造美人最後十強）、歐陽玉婷 Miko （造美人最後十強）、劉兆汶AB（造美人最後十強）參與剪綵儀式，而Lala更變身做「財經主播」，將與網民分析虛擬貨幣走勢：「自己都瞓身入市，投資咗大概六位數，係我全部嘅積蓄嚟㗎喇！之前做演唱會、商演，一蚊一蚊咁儲埋，真係有血有汗，但係做歌手收入太過唔穩定，所以要投票增加自己嘅收入，加上呢個客戶邀請我做直播主持，聽咗好多專家意見，有信心先敢入市去馬，如果蝕錢第時嫁妝都冇埋㗎喇。」
由歌手踩過界做財經主播，Lala坦言壓力甚大，記熟相關產品資料最考功夫：「人地問你唔可以吓吓上網搵資料，咁太過唔專業，而人地財經節目臨尾個段『急口令』，真係好難！比啲時間我，我會表現到專業嘅一面比大家睇。其實我預計虛擬貨幣都有上升嘅空間，如果MIRROR第日推出認證『姜幣』，佢地咁受女性歡迎，應該大有市場，甚至規定搵佢地拍廣告，用『姜幣』找數，應該會顛覆成個娛樂圈！」
#倪辰 #Lala #倪辰Lala #Coingaroo #虛擬貨幣
虛擬貨幣走勢 在 E甸園頭腦風暴- 這是黃金與比特幣走勢的比較圖 ... - Facebook 的必吃
... 與比特幣走勢的比較圖如果你能真正擺脫「炒幣」或只單純用「貨幣」去 ... 就會虧損的人這次來四川考察就是來釐清很多區塊鏈和虛擬貨幣的問題我 ... ... <看更多>