*嚴禁劇透*
*粗口自行過濾*
*外表可讚免彈*
*可瘋狂話戲屎但免人身攻擊*
[方以文問兩句][何廣沛 郭子豪 張彥博][Part1] >>>
https://www.facebook.com/…/a.10913097475…/2065981856799182/…
[1230隔夜超短劇評][TVB][跳躍生命線 EP22]
[讚] 三個家人位，包括咗滿月同埋愛姐，歡姐同埋阿B，仁哥喺士碌架講起家鄉風味餃子同媽咪，都幾好睇。韋家雄同埋楊卓娜唸《一碗油鹽飯》嗰吓真係感動。
我終於覺得傑仔同埋祈祈有嘢喇。喺山上食榴槤嗰幕，仲有今次第二次由長沙灣跑到西貢，係有啲拍拖前嘅感覺，之前真係feel唔到。有冇人覺得俊仔幫傑仔做特訓食啲榴槤嘢時，羅天宇好似好興奮呀？因為何廣沛真係唔食榴槤㗎，真係做出個特訓味道出嚟，好好笑，呢吓都托得出傑仔追祈祈嘅感覺。（阿Moon留言話個榴槤係真嘅，Matthew就話呢幕係咁耐以來最難做嘅一場戲）
[彈] 滿月帶住愛姐做最後to-do list，係慢慢做緊心理準備，做壽衣嗰部分都好嘅設計嚟，不過剪接啲方法好老套，成段長咗啲，講講吓有啲悶。
講吓何詠倫先。第20集係雄姐死，已經推到去同事死救唔到，咁仲有五集可以點寫呢？就係比同事更緊要嘅家人要出事。不過之前好多個case都係接call出車救唔返，今次寫final boss如果要再激啲，編劇就選擇咗何詠倫返嚟為個仔報仇，玩買兇斬人。其實最老套又容易寫嘅，就係內部有個人黑化，局裡面有人唔妥在哥去整佢，咁就可以一路喺咁多集度描寫個黑化嘅過程。依家編劇唔揀呢個方向，揀咗何詠倫，都算係個挑戰嚟。
有觀眾話冇乜描寫到何詠倫，搞到佢好似個癲佬咁 。我就覺得依家跳開去寫何詠倫又好似離咗題。唯一可以加返少少情節嘅機會，就係何詠倫去投訴嗰部份，真係拍出嚟，寫吓何詠倫點解會一口咬定係在哥嘅錯，又可以講吓佢同個仔嘅關係，咁佢之後做咁多變態嘢就有back up。我覺得拍吓講吓救護人員點樣面對投訴同埋內部點判都幾有趣呀，我都想知。但依家返唔到轉頭喇，唔知何詠倫單嘢可以點收科。
[演員表] 馬德鐘 飾 麥在田 / 何廣沛 飾 卓家傑 / 郭子豪 飾 陸昊然/ 張彥博 飾 呂劍雄 / 張曦雯 飾 文暉 / 劉佩玥 飾 章可祈 / 陳瀅 飾 向滿月 / 羅天宇 飾 譚家俊 / 韋家雄 飾 高行仁 / 張文慈 飾 麥愛花 / 李成昌 飾 卓裘 / 歐瑞偉 飾 王海 / 陳偲穎 飾 麥諾兒 / 李霖恩 飾 常朗天 / 陳偉洪 飾 余國榮 / 李日昇 飾 張啟冠 / 崔建邦 飾 羅應佳 / 張國強 飾 魯永健 / 楊卓娜 飾 游子嵐 / 羅蘭 飾 李英愛 / 蘇恩磁 飾 何鳳蓮 / 楊卓娜 飾 游子嵐 / 謝雪心 飾 湛小蝶 / 鄭佑男 飾 童年俊 / 謝進 飾 童年傑 / 曾偉權 飾 何詠倫
#1230隔夜超短劇評 #無綫 #TVB #跳躍生命線 #馬德鐘 #何廣沛 #郭子豪 #張彥博 #張曦雯 #劉佩玥 #陳瀅 #韋家雄 #張文慈 #李成昌 #歐瑞偉 #陳偲穎 #李霖恩 #陳偉洪 #李日昇 #崔建邦 #張國強 #羅蘭 #蘇恩磁 #楊卓娜 #謝雪心 #莊思明 #鄭佑男 #謝進 #曾偉權 #方駿釗 #冼翠貞
蘇霖拍拖 在 So冧霍哥去街街(上篇)｜Sulinip - YouTube 的必吃
磨刀霍Vlog#124｜ 蘇霖 蛋糕舖｜無糖低碳食甜品｜奇奇怪怪Q&A｜世界大愛真開心. Jeffrey Fok霍哥哥. Jeffrey Fok霍哥哥. •. 204K views 7 months ago ... ... <看更多>