#超長文慎入 #低能分享 🙈
最近天氣時冷時熱,大家真係要小心身體。前幾日廿幾三十度,今日又得返十幾度... 出門特別郊外真係要做足準備。
雖然話我沉迷野餐,其實我都想去沉迷行山㗎! 只係迷路迷路又迷路...咋嘛👉🏻👈🏻
今日同大家分享返啲低能野🤣
#迷路是為了看更好風景
#錯敗中找樂趣,#人生課程咪咁囉🤣🤣
話說前排就同同學媽媽一齊。2大3小學人挑戰行山。 雷小囡嘅交通工具主題,帶完佢搭渡輪⛴️叮叮🚃, 又想帶埋佢搭纜車🚡 ! 所以決定去山頂⛰️
2個傻的媽,原來計劃行程是咁的:
出發去金鐘,行去纜車站搭纜車到山頂⛰️
再行盧吉道落返薄扶林水塘。
就咁睇,45-60分鐘路,非常啱新手(我有請教專家朋友)
但事與願違😂😂
當日同今日天氣差唔多,天陰陰,山下我著中袖裙,加外套,剛好。一上到山頂就出事,大風到發發聲!好睇出門前,幫雷小囡換左件小羽絨(估唔到用得著) 我就凍到震🥶
搭纜車上到山頂,山頂廣場旁邊已經有一條分叉路。本來想行盧吉道,落薄扶林。 但覺得已經太晏,不如改去行落香港公園,再搭車返屋企快啲吖嘛。
本想行盧吉道落舊山頂道,點知俾幾位地盤叔叔嚇親,佢話呢度行去廁所🚾、冇路落山。
咁佢地喺果度做野,貌似信得過啦! 咁我地行隔離啦!
又有個好心嘅女士話: 呢度唔係落山㗎,咁晏,你地唔好行喇,圍山頂兜個圈算啦 。
我地又衰衰地,講完唔該又死心不息。繼續行另一條路🤣
三心兩意下,講嚟講去,都係去薄扶林啦!
😅就咁踏上「必」歸路🤣🤣
我地最後揀左 「夏力道」。沿途行下傾下,途中仲有個休憩地方。小朋友玩下食下野。時間過得好快。行行下,天色開始昏暗,經過一個小涼亭,就喺呢個時候出事了....
原來分叉路口我地行錯左返盧吉道🤣🤣
🌃個天越嚟越黑,行行下發覺我地個地圖離目的地越來越遠...
好彩沿途遇到跑步🏃♀️人士,不斷問路。
🥶其實自己個心好荒,但正所謂 #為母則強 , 喺啲小朋友面前仲要扮震定🤣
最終,原來我地喺「盧吉道環迴步行徑 」圍住個一山頂行左一個圈,用左差唔多2小時🤣🤣
雖然好驚,但沿路見到香港嘅夜景🌃確實特別迷人🥰
到最後行返山頂廣場,出發果個三叉路口🤣
再細問之下,原來我揀第一條路係正確嘅🤣
錯在信錯人🤣🤣又係一個唔錯嘅經驗。
其實迷路又有乜好怕woo! 雷小囡仲好囂張咁返屋企同爹地講:
爹地,知唔知點解迷路唔洗驚吖?
#因為地球係圓㗎嘛! 一直行一定返到屋企㗎! 🤣🤣
(媽媽心諗:其實唔一定㗎!阿囡😅😅 不過有事可以搵人求救嘅)
呢個故事教訓我地,出發前一定要規劃好路線。問路時要問多幾個🤣
📣一定要讚下4歲嘅雷小囡,8點起身返學。放學後食完飯就出發。一直冇瞓過冇抱過。到迷路嘅時候,我地大人都行到腳軟,問佢要唔要抱一陣,佢仲堅持唔洗抱!
我見佢個樣攰到咁,忍唔住強行抱佢行左幾步,佢又堅持要落地。
🥰呢下媽媽我好感動。呢個人仔擔心我抱佢辛苦。寧願自己撐住。迷路2小時冇停過...
一直到纜車站,一上車即時斷電! 瞓到落車、落車後再邊行邊瞓,一直瞓(行)到返屋企🤣🤣佩服佩服🙌🏻🙌🏻
後記: 唔講唔知而家搭纜車平左又方便左(我好多年冇搭過)
八達通仲好方便識得扣減來回雙程優惠🤣
大鄉里我而家先知🙈🙈🤣
是次二拖三行山新體驗,Dede ❌失敗❌
下次要再挑戰!
#溫馨提示: 山上山下溫差超大,大家一定一定要帶夠衫。今次薄羽絨真係救左我女一命🙌🏻
行山初哥,是次經驗話我知!
親子行山新手首推路線: 📍山頂盧吉道環迴步行徑 🤣🤣🤣 因為地球係圓嘅😂😂
#親子行山
#4歲人仔行足一整天,#要讚!👍🏻
#記錄4歲雷小囡陪傻的媽迷路記
#記錄12歲雷大囡迷路初體驗
今次迷路令怕錯嘅大囡有好正面嘅影響,媽媽我好感恩🥰
#迷路又有乜好怕? #睇多左靚風景 #另一番樂趣 #失敗中學習
#傻的媽傻傻迷路記
#親子行山 #新手不敗路線
#山頂行山
#山頂 #山頂遊 #山頂行山初體驗
薄扶林郊野公園交通 在 山中遊子 Facebook 的最佳貼文
環保人士撐保護郊野公園 轟很多大財團自私:施永青是人類渣宰,地球沒需要
【土地問題】施永青認為,現在最不公平的地方是發達地區講環保,卻要落後地區付代價,「很多『環保人士』,自己已有樓住,還要攬着郊野公園不放」。
報道:http://bit.ly/2j7odlu
【兩美食車率先初七開檔 金紫荊賣刈包 尖沙嘴售菠蘿包】
http://bit.ly/2klp0EL
【故宮館450萬以外 另涉300萬勘測費】
http://bit.ly/2kloaHI
【多圖:薄扶林地盤500磅戰時炸彈完成引爆 交通回復正常】
http://bit.ly/2jL1YE1
【迎新春】粉絲要求年宵搞作聚一聚 學生網上平台開檔約實維園見
http://bit.ly/2jjO39d
#明報 #明報即時新聞 #郊野公園 #住屋 #房屋問題 #房策 #環保 #施永青 #土地問題
=====================================
【讚好「明報即時新聞」專頁】
● 請於FB將專頁設定為「搶先看」(See First)
● 請下載「明報」App,緊貼最新消息:
iPhone:http://apple.co/1foEZKS
Android:http://bit.ly/1foESyU
薄扶林郊野公園交通 在 姚松炎 Edward Yiu Facebook 的最佳解答
【EYinterview 系列 – 你所不知道的姚老師】
環保經濟雙贏之道
近年地產商流行在高級商場展銷樓盤,但我十幾年前是行山時順道睇樓的。話說當年考入港大後便搬到西營盤,在正街租住一個小單位,閒時最愛走進郊野公園行山減壓,由龍虎山走到薄扶林,經置富花園回到正街。最後決定遷到山明水秀的置富花園,正因為其交通便利,同時又享有郊野綠化大自然。
兒子幼時情迷恐龍,假期時我便會買玩具恐龍骨藏在山上,讓他扮考古學家去發掘,其樂無窮。現在幼子已升中,我們仍是常常一同參加各種導賞團當作消閒活動,早前更到橋咀島划獨木舟,樂此不疲。
今天發展和環保好像水火不容,前者責怪後者拖垮經濟,後者批評前者破壞自然,但我深信大部分香港人都希望兩者兼得,就像我既住在交通方便的市區,卻又深愛寧靜舒適的郊野一樣。
我多年來研究本港土地政策和城市規劃,更加明白在發展和環保之間平衡有道才是香港出路。全球經濟停滯不前,香港未能停止基建;但全球暖化迫在眉睫,香港要有永續發展。
因此我主張發展環保經濟,將基建投放在環保項目,例如將發電裝置由化石能源改為太陽能,既因省電而帶來社會效益;回購荒廢農地復耕,可提升香港的蔬菜自給率;或回購新界棕土,以發展房屋,都是雙贏。
我們一家四口住在500呎的單位,每月電費才百多元。要有方便舒適但又愛護環境的生活其實一點也不難,關鍵是你如何不走極端而拿捏到雙贏之道。