關於 葡萄牙甲組聯賽 ，我們在網路上蒐集到這些相關的討論、資訊與評價

【支持香港足球員】盧斯安奴

一直以黎，版主都有支持香港足球。雖然球市冇咁好，但我地會繼續支持。除左入場睇波外，當然會支持足球員。今次同大家介紹嘅來自足球王國嘅巴西🇧🇷中堅 - 盧斯安奴·施華·達施華（Luciano Silva da Silva）

生於巴西阿雷格里港（葡萄牙語：Porto Alegre）嘅盧斯安奴喺巴甲著名球會國際體育會展開足球員生涯，於2013年加盟當時甲組球會標準流浪。其後於同季對陣「橫濱F C香港 」賽事取得首個在香港入球。

2015年加盟元朗伙拍法比奧叔叔組成巴西防線，於2016年獲香港聯賽選手隊邀請參加2016年猴年賀歲杯，協助港聯以4-0擊敗當時香港隊，其後2016年加盟理文。

盧斯安奴於2019-2020球季加盟愉園，成為陣中後防主力。不過到2020-2021 球季，受球會欠薪問題，仍然為球隊上陣及操練。直到球會散班後，獲冠忠南區邀請加盟，為球隊防守能力大大提升。

盧斯安奴
國家: 🇧🇷
Age: 34
位置: 後衛
效力球隊: 冠忠南區

榮譽🏆
國際體育會
南美球會盃冠軍（2007年）
南美超級盃冠軍（2008年）
南里奧格蘭德州聯賽冠軍（2008年）
標準流浪
香港預備組聯賽冠軍（2013–14季度）
元朗
香港足總盃亞軍（2015–16季度）
港聯
香港賀歲盃冠軍（2016、2018年）

#盧斯安奴 #香港足球 #港超聯 #TeamH3 #H3防滑襪 #H3Doubleguard #巴西 #足球用品 #足球裝備 #支持香港足球

//支持本Page最有效方法，就係Click入去篇文比Clap我賺錢呀！點解響Medium Clap文可以幫我賺錢？：https://goo.gl/uR1xBJ //

【不識時務的懷緬：Sorry，我覺得阿倫講波，係無問題】

世界盃是全民盛事，無論識唔識波大家都可以柴娃娃齊齊討論球賽，不以自己睇多幾條足球news、亦唔會因為背多幾個球員名就響度也文也武，呢種包容就係全民參與嘅世界盃嘉年華難得之處。所以當有人用「唔專業」黎嘲諷阿倫譚詠麟響世界盃決賽上面嘅表現，其實我係非常詫異。

當然，作為老屎忽，響度我要承認，我係曾經經歷過一段美好嘅TVB世界盃時光。記得當年98世界盃互聯網仲未普及，睇完世界盃場與場之間其實係無尻聊聊，明珠特別由第一輯《X-FILES》開始重播，而無線就叫福祿壽三個加埋一堆二三線藝員嘉賓一齊吹水聽下觀眾電話，好似電台Phone-in節目咁嘻嘻哈哈兩個鐘就下一場；

而家諗番起黎，呢一刻我地一部電腦、電話在手，鍾意幾時睇波就睇，睇完即刻熄機，過場之間大把娛樂可以選擇，要搵球賽分析同評論，網上面俯拾皆是，根本再無需要由電視台幫我地安排啲賽前賽後嘅節目，所以點解而家好多後生或者忘記咗當年無線世界盃係點嘅老嘢（以香港人金魚級記憶，唔記得係正常），會咁睇阿倫志偉唔順眼，可能真係因為時代轉變嘅問題。

但係有一樣仍然無變嘅，就係香港人對「零冷場」講波嘅要求。即係如果你有睇英文評述就知，無論幾出名嘅評述，講波都係會「留白」，真正嘅詳細戰術分析係會留番半場休息講，正場就係講出咗球場基本嘅情況已夠。但香港唔知係咪受到收音機時代講波一定要講到好似武林比武咁（但其實又唔似係，因為英國都有收音機講波），由何鑑江時期一直到而家，所有香港講波佬就一定要不停講不停講，停一陣就會好似比人覺得你偷懶咁；

結果呢？由丁偉傑就開始出現咗所謂「數據派」，就係將好多賽事背景資料資訊加埋入去，搞到講波佬好似好有料之餘，亦填塞咗好多無乜嘢講嘅空檔。當然丁偉傑果種懶係加抑揚頓挫嘅聲線本身就好乞我憎，但係果啲海量數據更加令到講波佬們進一步覺得一定要不停加料入去先叫做「有料」同「充實」，結果去到而家說搞到有分析就叫「有料」、無分析就叫「無料」。

講真成場波如果唔係真係好似法國對阿根庭、葡萄牙對西班牙咁，場波就梗係有悶場架啦，搵啲無聊嘢、爛gag講下其實係無傷大雅；尤其係阿倫志偉今次轉去ViuTV講波，本身都知道唔再好似響無線果陣做大阿哥，某程度上都識得坐響閒家位置、讓咗莊位比班講波佬，我自己覺得全場佢地最多咪講咗唔夠十份一時間，除咗因為你特別憎佢，講唔上有乜滋擾。

你當然可以因為主觀原因憎恨志偉阿倫，但點解無人同時走去監察更加唔應該講廢話嘅講波佬們呢？即係求其舉個例，明明前幾分鐘見倒克羅地亞起勢咁攻果陣何輝定唔知邊個就話「克羅地亞嘅體力唔可以以常理推斷，就算打咗咁多場加時都唔會影響到佢地體力」，點知十分鐘之後速度減慢咗，又係同一條友話「克羅地亞明顯就係因為前幾場放得太盡關係，體力下降得好快」，屌你老味，究竟邊邊先啱呀？

跟住去到68分鐘左右，無撚端端曾偉忠又尻噏：「響跟住落黎個5分鐘，對克羅地亞可以話係非常關鍵嘅5分鐘」，好心你無嘢講就收聲啦好無，真係你問勻全世界，都解釋唔倒點解係跟住5分鐘而唔係再之後5分鐘、點解係5分鐘而唔係4分鐘或者6分鐘，根撚本就係廢話中嘅廢話，但你又唔明點解個個都扮聽唔倒，只永遠記得原本只係上黎搞下氣氛嘅譚詠麟講左啲咩廢話架bor？

或者有人講得啱，開始成為老屎忽嘅人就係會懷緬過去， 我地老屎忽都見證過成龍、高志森、黃晶呢啲人渣嘅黃金時期，亦都見證住94、98世界盃無線電視福祿壽嘅巔峰一刻；即使我地明白今時今日呢班友經已江郎才盡甚至變質（墮落就難講，因為有啲人渣不嬲都咁賤），但感情上的確係會有啲影響判斷響度；

以前睇波就算對球迷黎講，都係一啲好小眾玩意：得體育世界有啲精華睇下、落街賣《英格蘭職業甲組聯賽》雜誌知多少少球員同球會嘅舊碎追下；再之後就係意大利「沙池」球壇盛事，或者阿叔未過檔無線前會有一兩場足總盃衛星直播、或者德國甲組聯賽睇下；

去到而家睇波容易過食飯，人人上網炒料就人人都係專家，時代真係唔同咗。我唔可以話阿倫阿叻無退步到，但肯定嘅係，佢地嘅角色響今日嘅觀眾心目中，經已係過時。

「意大利衣食住行」
不可以不講🇮🇹⚽️

🇮🇹🇮🇹支持NAPOLI ⚽️⚽️⚽️
去年買了拿坡里moka 咖啡器
前天再買Napoli 咖啡☕️set

今年🇮🇹意大利甲組⚽️足球聯賽
祖雲達斯跟拿坡里競爭激烈
雖然到最後Napoli屈居亞軍
但已經打破了多年祖雲達斯
永遠超離第二名對手的一段大距離的紀錄
不過祖雲達斯剛買了
皇加馬德里的
Cristiano Ronaldo (C 朗）
一億歐元轉會費
難打！超難打😨😰
無論如何
全力支持「家鄉隊」💪🏼💪🏼
不過到Napoli San Paolo大球場
現場看球賽時
都會順便看看C 朗🤣🤣🤣

C朗訪問的一段話：

由皇家馬德里轉投祖雲達斯的33歲葡萄牙球星基斯坦奴朗拿度（Ｃ朗）早前完成體檢後，召開記者會，他坦言以其年紀有些球員會選擇去中國或卡塔爾延續球員生涯，但他很高興「我能有這機會來到意大利」。