［見唔成工記：如果我是鍾漢良］好短嘅一個故事。話說早排有個獵頭（唔係打嚟媽我便服見工嗰個，另一個），whatsapp我，叫我去某中資行（唔係便服見工嗰間）面試。咁好丫，咪去見咯
講講下，佢話係快撈煙喎。嘩，咁開心，耶.......人地都未準備好，咁心急，唔使了解下先？問多兩句，話係見襟派人喎。話一般出屙化之前都會睇下上牌嘅嘢（分析員工作就多數都要上證監牌的），以確保你冇乜頭暈身慶，唔會話上唔到牌之類。
講得幾講，我就覺得唔對路啦，喂，我見間嘢，成大半年前喎。忽然間又屙化？雖則中資行騎呢，都唔係騎呢到咁嘛。
再追問落去.....
仆你個街原來佢搞錯咗第二個Ivan Li !!!!!!
真係好彩我機警，又有自知之明。如果唔係我醒目問多兩句呢，我真係摸咗上去，個場景就正過核爆。會唔會人地話「反正都上咗嚟，你又之前（大半年前見過），又係分析員，不如就請呢個算啦。名都一樣份約都唔使改呀」
又或者，應該估下，到底我上到去傾幾耐，先會有人發現搞錯咗呢？我一早都話改名做Ivan Leigh 架啦!
________________________________________
咁關鍾漢良咩事？係呀，嗰個鍾漢良，在大陸紅到發柴嘅鍾漢良，係百份百香港人。點紅得起架呢？話說當年，已經幾紅嘅邰正宵（係，唱歌嗰個，其實都係香港人！）在香港有次睇電視，睇到TVB嘅《少年五虎》，見到個小朋友幾有型喎，嗰期佢又搵人，咁就約佢出嚟見面啦。
有乜特別？特別在，邰正宵睇中嗰個其實唔係鍾漢良，係個叫朱健鈞嘅屯門仔！朱健鈞演少年譚詠麟，鍾漢良演少年阿B鍾鎮濤。唔知係佢搞錯定中間人搞錯，咁約到出嚟當然知道搞錯（ 邰正宵未面盲到咁）。但一場出到嚟，唔通叫人走咩。然後睇睇下，鍾漢良都OK靚仔喎，是但啦，反正都出咗嚟，就佢啦！一樣啫。然後簽咗佢去台灣，然後鍾漢良一炮而紅。The rest is history．
朱健鈞？就梗係一路都紅唔起。你可以想像下佢見到鍾漢良咁紅有乜感受。不過鍾漢良算有良心，話一路有同佢保持聯絡，仲幫佢穿針引線返大陸拍劇，然後仲向杜琪峰推薦佢（要知道杜琪峰基本上只用返自己嘅人）。所以《華麗上班族》有朱健鈞，《三人行》都有佢。不過鍾漢良做男主角，佢做大茄。
呢個故事嘅教訓係......其實都冇乜教訓，命運嘅嘢。不過，做人都係做足準備好。如果鍾漢良爛撻撻同朱健鈞爭太遠，邰正宵都唔會揀佢。同埋，都係客氣啲好，如果鍾漢良一句粗口問侯邰正宵，就冇之後嘅故事了。況且邰正宵只係帶咗佢去台灣，但之後佢紅得起，都係靠佢實力。好老套都係嗰句，機會留畀有準備嘅人。
而由於我真係冇咁嘅心理準備，所以做唔到鍾漢良啦。
華麗上班族 陸 劇 在 華麗上班族職場倫理2022-在Facebook/IG/Youtube上的焦點 ... 的必吃
華麗上班族 職場倫理2022-在Facebook/IG/Youtube上的焦點新聞和熱門話題資訊，找華麗上班族電視劇線上看,華麗上班族陸劇,華麗上班族心得在2022年該注意什麼？ ... <看更多>