吓？你講真？
(早前已在IG發佈 @ally_blahblah)
五個會令香港人「吓」出嚟嘅荷蘭租樓實錄
1. 租樓要自己整地板
係，你冇睇錯。荷蘭唔少樓係 unfurnished，除左要租客自己買傢俬，有啲樓更要租客自己整木地板。尤其係新落成自供出租嘅樓宇更為常見。不過有時候一啲私人業主一早已經整好地板，或者可以同上一租客「直接買地板」。
2. 租單人房如見工
荷蘭大城市，如阿姆斯特丹，偶爾會有一啲單人房出租。一般都係一個「二房東」租左整間屋或者幾個人合租，然後有人搬走。呢個情況喺年輕人圈子比較常見。呢個時候，就會有一啲單人房出租，適合一啲學生/工作幾年嘅人租。但由於大城市人多屋少，好多時候一啲地段較好嘅地方就會有幾十甚至幾百人有興趣。筆者試過好幾次去「小組面試」，好似見工咁俾人揀做室友⋯⋯唔係講笑，真係好誇張。
3. 樓梯要「爬上爬落」
荷蘭嘅舊樓好多都有又高又斜嘅樓梯，而且梯級非常窄，一唔小心就好容易PK，所以真係要爬上爬落。筆者有朋友曾經飲多左兩杯唔小心跌落樓梯整斷肋骨，真係聽到都驚！
4. 「不准煮亞洲菜」
話說大部分荷蘭地道食品都清淡無味，所以唔少本地人都喜歡「外國菜」，尤其亞洲菜特別受歡迎。不過亦有例外，曾經有業主嫌個別亞洲菜味道過於濃烈，講明唔準租客煮亞洲菜，引起一時討論。不過呢個只係個別例子，一般業主都唔會強人所難。
5. 租樓都要入息審查
荷蘭經常見到私人發展商出租整棟/半棟大樓。由於本地法律對租客保障較多（如一簽長約業主就不能輕易趕走租客），呢類發展商/業主好多時候會對租客作入息審查，確保租客有能力交租。例如，以一人單位為例，租客平均月入要係租金嘅三到四倍；二人單位合共平均月入要係租金嘅四到五倍，非常嚴格。
對荷蘭工作有興趣嘅朋友，記得關注本專頁，留意之後發布嘅【荷蘭生活知多啲——工作篇】
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲
自己整地 在 自地自建全記錄| 請問如果要自己整地種草坪,有甚麼有效的方法 的必吃
請問如果要自己整地種草坪,有甚麼有效的方法? 大約15坪, 之前土方倒到庭院後只有怪手大致分配平均, 後續我們要自己整平. 目前一小塊我是自己跪在地上把土鏟鬆再用手鋪 ... ... <看更多>