十月開始，回到老人復康病房工作。早上回到病房，開始巡房。
走到一號床，面前的叔叔 70 多歲，因為脊骨問題引致行動不便，故此轉到復康病房來鍛鍊。他躺在床上神態自若。
我翻看着叔叔的牌板，又看看在枱上的 Obs 板。Obs 板記載着病人的血壓脈搏、血糖、進食量和大小二便量等指數，都是顯示病人狀況的重要指標。
「血糖好唔好呀？」叔叔開腔問我。
「4.6，都幾好。」我答道。空肚H'stix 督手指8度以下屬正常，4.6 當然屬合格。
「我都話正常㗎啦，根本就無高！」叔叔突然提高聲線大聲說。
「做乜咁緊張嘅，突然間？係唔係驚血糖太差有危機？」我再問。
「你啲人根本唔當我係人㗎！琴晚派奶俾我個個呀，你一係唔好俾呀，俾半杯我？你當我係乞衣呀？飲剩派俾我？XYZ 你呀？糖尿高？邊到糖尿高呀？4.6 高乜鬼呀？XYZ 你呀！」叔叔越說越激動，粗口橫飛。
「叔叔，你冷靜啲先，個啲乜野奶嚟㗎。有時啲奶好高糖分㗎，有糖尿唔飲得咁多。」我嘗試解釋。
「個包之嘛。你一係唔好俾我呀，飲淨半包倒俾我，當我乜呀？XYZ 你！」叔叔怒氣未消。他指着旁邊床枱上的一盒脱脂牛奶。
「叔叔，坦白呢啲奶好普通，我地無需要派淨先俾你㗎喎，佢可能有佢原因先咁做嘅，我問吓啲同事點解話番俾你知呀。」叔叔聽到後好像冷靜了一點。
同事確實不需要為了一包不值錢的脱脂奶得罪叔叔吧。
住在病房一段時間，身體又不太好，好像什麼事都要依賴人，上個廁所要找人幫忙，覺得冷拿多件衫要叫人，連要杯水吃塊餅都好像要靠人。。。有時可能小小事便牽動了情緒，令自己有所誤會。
我走到護士站問過究竟。。。原來病房姐姐見叔叔有糖尿病，故此不敢給他整盒牛奶， 怕他血糖升得太高，只是出於一番好意，只是她不知道脫脂奶對血糖的其實影響不大。
我走到叔叔旁邊再解釋一番，他也接受明白了，事情總說是解決過來。
「Dr S，你睇開啲呀，唔好唔開心呀，硬食佢的怒氣同粗口。」想不到護士D sir對我這樣說。他害怕我被叔叔突然的惡言相向，感到委屈和難受。
其實這樣的情景，我也見過不少了，也不會放在心上，畢竟只是一場誤會。
但同事的窩心對白，實在令我有點感動！有好的同事一起工作真好！
脊骨問題 在 脊醫話你知- 《如何察覺小朋友有脊骨問題？》 - YouTube 的必吃
脊骨神經是否健康會影響小朋友的日常生活。家長平時可以從小朋友的體態、生活細節/身體需求、健康狀況、體態檢查來判斷是否有脊骨問題， ... ... <看更多>