其實，米媽每次望到自己既肚皮，搓下佢擠下佢，都真係會倒抽一口氣，同苦笑。一個23吋肚變到45吋肚，肚皮花面貓，再鬆落黎時。真係好似皺皮狗咁。 米媽以為成世都會咁喇。其實都慢慢叫自己接受，但真係需要時間。
以前生米米時，肚收到，痕跡雖有但不多。可能後生掛。而家，花花俾左份超級大既禮物見證俾米媽。 雖然無悔生佢而有呢份痕跡，但每次換衫時，或舉高手時，都會苦笑。
米媽決定為自己做既其中一件事，就係對自己好啲。
💕💕媽媽已經好偉大了，不需要在身體上永遠掛住孕育過的痕跡。我地都可以靚住咁湊大小朋友。 唔需要有我為左生你而點點點，而係轉化成，我生左你們，但也為自己做點事，美美的。
有些媽媽唔會鬆唔會有紋，但米媽就係天生呢種皮膚體質。不是控制到的。但生小朋友時，就算幾花面貓幾辛苦都是幸福事。
米媽既肚皮好嚴重下，加上腹直肌分離（有努力），今日應承自己，自己都可以花點自己俾時間去治療的。
米媽好多謝Empathy產前產後專業治療師 一直都咁照顧米媽。 紮肚時用佢，到現在都一直覺得佢地好有passion,到今日，大家都係媽媽，大家都好明白呢種心情。 米媽而家做緊收緊鬆弛肚皮，去紋，消肚腩脂肪同時增肌既儀器。 靠曬佢喇。
上次第一次做完兩星期後，米爸話有好啲喎，叫米媽要俾心機。其實米媽都好開心。
#說不出的感受
#肚皮可唔可以唔鬆唔下垂
#肚皮可唔可以唔花面貓
#心入面果句係人都知呀媽偉大但係人都貪靚米媽都唔想俾另一半睇到個肚咁鬆咁皺皮
