#大家要留意 #黑警喪盡天良 #之外
#而家佢地極有可能係為了盡快散走D過期物資
#同黑社會勾結 #黑錢要洗走
#依個已經唔再係反送中同五大訴求既地步了
#香港政府正在貪污中
今日放工時又行去食文記車仔麵。
食完差唔多離開時，大約十點二十分左右間鋪頭突然開始落閘。
出面勁多白色的煙，落閘時有人衝左入黎，有個抱住隻玩具貴婦狗的女士被朋友扶住入左離坐低。個女士係咁喊，成手都係血。佢身邊的朋友幫佢禁實鼻止血，同埋話因為聞到催淚彈，所以搞到佢位女性朋友鼻膜流血。
之後D煙開始攻入黎餐廳，就算落左閘都聞到成浸煙味。成個餐廳內的食客同伙記都中晒招。大家要即刻搵紙巾濕水噤住自己個鼻，有人隻眼流晒眼水，隔離枱有個哥哥著住件 press 衫的哥哥拎起個電話拍低餐廳內情況。
伙記嘗試用熱水撈粗鹽比我哋當住鹽水用，好彩餐廳內亦有人有帶少少細支裝生理鹽水比其他人用。餐廳內冇老人家，但係有個細路女，應該係同父母一齊黎食晚飯的，好彩有人身上有帶幾個口罩，遞左比個細路女用。流緊鼻血個女士仲喊緊口叫我哋抱佢哋隻狗去入D的地方避煙，我擰轉頭望下隻狗去左邊啦，原來有個好似係佢朋友的肥哥哥用佢著緊果件白色T SHIRT罩住隻狗，咁都比佢諗到。
跟住有人話想出去，但係伙記驚打開閘出面的煙會攻晒入黎，所以冇開閘。有人問後門有冇得開比我走, 入面廚佬個哥哥仔無奈咁搖頭，原來後門一樣都係充滿煙味。
大家等左一陣出面有人拍個閘，我第一下念頭係諗"唔會係警察咁都要入黎抓人咁顛掛" 跟住原來係出面有人問我哋有冇人需要急救。之後又等左陣佢哋再拍閘叫我哋開閘，出面有幾個急救員係到叫我哋趁而家冇咩煙快D走。
之後大家唔係即刻衝出去走人，而係去收銀排隊比錢埋單，香港人真美麗。
香港已經變左 City of Tear Gas，催淚彈係化學毒氣，連街邊一間食店都食到咁應，附近的民居及老人院點算 ? 兒童，嬰兒，長者，流浪動物，長期病人聞到點算 ? 可能你會覺得催淚彈係香港已經放左過千粒，已成常態，大家食慣無問題。但請不要習已為常，常態不等於常理，更不代表合理。
我覺得以後時時刻刻真係要帶定口罩同生理鹽水出街。點解會有人指責示威戴口罩呢 ? 我諗你試過聞催淚彈就會知原因。
而家佢地極有可能係為了盡快散走d過期物資 在 唉~ 狗狗年紀大腳又有傷，咁樣放佢落街真係好危險 - Facebook 的必吃
呢個女人經常半夜放隻狗喺街自己行，而佢自己就唔知去咗邊， ... 可能係走失，多謝好心人/機構组織救起hold住带牠到安全地方，得有温飽住宿，街/公路上多車危險, ... ... <看更多>